كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-16532315249 %51 %
2019-08-17559439538 %62 %
2019-08-18306157042 %58 %

ياساۋي كەسەنەسىنىڭ جارىق جانە جەلدەتۋ جۇيەسى تاريحي قالپىنا كەلتىرىلەدى


ءتۇرى: Ult.kz ۇلىت تورابى

ۋاقىتى: 17:30 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

قوجا احمەت ياساۋي كەسەنەسىندەگى ءقابىرحانا، ۇلكەن اقساراي جانە قۇدىقحانا بولمەلەرى قايتا قالپىنا كەلتىرىلىپ جاتىر، دەپ حابارلايدى "ۇلت اقپارات" «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭباسپاسوزقىزمەتىنە سىلتەمە جاساپ.

سونىمەن قاتار، قوجا احمەت ياساۋي جانە ءرابيا سۇلتان بەگىم انا كەسەنەلەرىنىڭ كۇمبەزدەرى دە جاڭارتىلادى. قۇرىلىس جۇمىستارىن «قازقايتاجاڭارتۋ» رمك-نىڭ الماتى، قىزىلوردا، تۇركىستان فيليالدارى جۇرگىزۋدە.

ايتا كەتسەك، قر مادەنيەت جانە سپورت مينيسترلىگىنىڭ «ازىرەت سۇلتان» مەملەكەتتىك تاريحي-مادەني قورىق-مۋزەيىنە قاراستى تاريحي ورىنداردى انىقتاۋ، قايتا قالپىنا كەلتىرۋ ماقساتىندا ارنايى جوبا دايىندالعان بەلگىلى. وسى ورايدا قالاداعى باستى 18 تاريحي-مادەني مۇرا نىسانىن رەستاۆراتسيالاۋ جانە قايتا جاڭعىرتۋ جوسپارلاندى. ەڭ الدىمەن، الداعى 3 جىل ىشىندە قوجا احمەت ياساۋي كەسەنەسىنىڭ باستى كومپونەنتتەرى — قازاندىق، ءقابىرحانا، باستى پورتال جاڭعىرتىلادى.

كەسەنەنىڭ ءىشىن جىلى ۇستاۋ جانە دۇرىس جارىقتاندىرۋ ءۇشىن سول جۇيەلەر تاريحي قالپىنا كەلتىرىلەدى. قازاق حاندارىنىڭ ءماجىلىس وتكىزەتىن جانە ەلشىلەردى قابىلداۋعا ارنالعان ۇلكەن اقساراي بولمەسى سول داۋىردەگى ۇلتتىق ەرەكشەلىگى ساقتالا وتىرىپ، تولىعىمەن قايتا قالپىنا كەلتىرىلەدى. ەلباسىنىڭ تاپسىرماسى بويىنشا رۇستەم ابدراشەۆتىڭ «الماس قىلىش» كوركەم ءفيلمىنىڭ ءبىر ەپيزودى ءدال وسى اقساراي بولمەسىندە تۇسىرىلگەن. اقساراي بولمەسى ءتارىزدى وزگە دە زالداردىڭ ەكسپوزيتسيالارى، سونىڭ ىشىندە قازاندىق پەن قۇدىقحانا بولمەلەرى قالپىنا كەلتىرىلەدى.

قوجا احمەت ياساۋي ءقابىرحاناسى ەكى قابات كۇمبەزبەن كومكەرىلگەن. گانچتان (گيپس پەن سازدان جاسالعان ورنەكتى تاقتا) جاسالعان ورنەكتى اشەكەي ءقابىرحانا توبەسىن جاۋىپ تۇرعان تومەنگى كۇمبەزدى جاسىرىپ تۇر. سىرتتاي ءقابىرحانا توبەسىنە بيىك بارابان ۇستىندە تۇرعان ءساندى كوپ قاتپارلى (52 قاتپار) كۇمبەز ورناتىلعان. قوجا احمەت ياساۋي ءقابىرحاناسىنىڭ سىرتقى كۇمبەزىنىڭ ديامەترى — 10 مەتر.

ۇلكەن اقساراي – قازاندىقپەن، كىشى اقسارايمەن دالىزدەر ارقىلى جالعاسادى. دالىزدە ەكىنشى قاباتقا شىعاتىن باسپالداق بار. اقساراي كەيىننەن ءحV-حVى عاسىرلاردا قازاقستان مەن ورتا ازيا ساۋلەت ونەرىندە العاش رەت پايدالانعان اركالاردىڭ قيىلىسۋ كونسترۋكتسياسى قولدانىلعان، سوندىقتان بولمە قۇرىلىسى ءوز زامانىنداعى اسا باعالى ساۋلەت ەسكەرتكىشى بولىپ تابىلادى.

قۇدىقحانا – قازاندىق پەن ءدالىز ارقىلى بايلانىستى عيماراتتىڭ شىعىس جاعىنداعى، مۇناراعا كوتەرىلەتىن باسپالداعى بار شارشى بولمە وڭتۇستىكتەگى شۇعىل ويىق ەسەبىنەن سوزىلىڭقىلاۋ بولىپ كورىنەدى. قۇدىقحانانىڭ اتى وسىنداعى قۇدىقپەن بايلانىستى. قۇدىق قۇرىلىس كەزىندە سۋ الۋ ءۇشىن قازىلعان دەگەن جورامال بار. قۇدىق اينالدىرا دوڭگەلەتە كىرپىشتەن قالانعان. ديامەترى — 80 سم. اتالعان قۇدىقتان سۋ الىپ تايقازاندى تولتىراتىن بولعان.

رابيا سۇلتان بەگىم كەسەنەسى — حV عاسىردىڭ ەسكەرتكىشى. احمەت ياساۋي كەسەنەسىنىڭ وڭتۇستىك شىعىس بەتكەيىنەن 60 مەتر قاشىقتىقتا ورنالاسقان. ەسكەرتكىش قاتتى قيراعاندىقتان، ء1980-شى جىلداردىڭ باس كەزىندە تولىعىمەن قايتا قالپىنا كەلتىرىلدى.


كەلۋ قاينارى: http://www.elarna.net/koru.php?tur=53&id=1034355

پىكىرلەر:

juz dep sifirmen jazingiz.