كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-10828321548 %52 %

قىزىلوردالىق قۇرىلىسشىلار قۇرمەتكە بولەندى


ءتۇرى: Abai.kz ماقالالارى

ۋاقىتى: 17:20 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

سىر وڭىرىندە قۇرىلىس سالاسىنىڭ 75 جىلدىعىنا وراي مەرەكەلىك شارا ءوتتى،- دەپ حابارلايدى اباي-اقپارات.

قۇرىلىسشىلار كۇنىنە ارنالعان سالتاناتتى كەشكە قىزىلوردا وبلىسىنىڭ اكىمى قۋانىشبەك ىسقاقوۆ قاتىسىپ، سالا ماماندارىن كاسىبي مەرەكەسىمەن قۇتتىقتادى. وڭىردەگى قۇرىلىس سالاسىنداعى تولايىم تابىستاردى تىلگە تيەك ەتكەن ءوڭىر باسشىسى:

– جىل باسىنان بەرى 4 الەۋمەتتىك نىسان ەل يگىلىگىنە بەرىلدى (جاستارعا قىزمەت كورسەتۋ ورتالىعى، ع.مۇراتباەۆ اتىنداعى ستاديونى قايتا جاڭعىرتىلدى، ارال اۋدانى شيجاعا، شيەلىدەگى تارتوعاي اۋىلدارىنداعى 150 ورىندىق كلۋب). سونىمەن قاتار، وبلىس اۋماعىندا 23 الەۋمەتتىك نىساننىڭ قۇرىلىسى جۇرگىزىلۋدە. ولاردىڭ 10-ى جىل سوڭىنا دەيىن پايدالانۋعا بەرىلمەك. تەك، سوڭعى التى جىلدا تۇرعىن ءۇيدى پايدالانۋعا بەرۋ كولەمى 2،5 ەسەگە ارتىپ وتىر (2013 جىلى 270،0 مىڭ ش.م.، 2018 جىلى 700،0 مىڭ ش.م). وسى ۋاقىت ارالىعىندا قىزىلوردا قالاسىنىڭ وزىندە جاڭا 10 مولتەك اۋدان، 5 تۇرعىن ءۇي كەشەنى، 361 تۇرعىن ءۇي پايدالانۋعا بەرىلىپ، 8 مىڭعا جۋىق (7709) ادام جاڭا باسپانامەن قامتاماسىز ەتىلدى. «نۇرلى جەر» باعدارلاماسى اياسىندا بيىل وبلىس كولەمىندە بارلىق قارجىلاندىرۋ كوزدەرىنەن 1862 پاتەردى قۇرايتىن 43 كوپقاباتتى تۇرعىن ءۇيدىڭ قۇرىلىسىن جۇرگىزۋ جوسپارلانعان، - دەپ اتاپ ءوتتى.

سونداي-اق، شارا بارىسىندا ءوڭىردىڭ ۇزدىك قۇرىلىسشىلارىنا كاسىبي مەرەكەلەرى قارساڭىندا قۇرمەت گراموتالارى، العىس حاتتار مەن ماراپاتتار تابىستالدى. سونىمەن قاتار كەشتە «قۇرىلىسى قارىشتى قىزىلوردا» كىتابىنىڭ تۇساۋكەسەر ءراسىمى ءوتتى.

بۇدان ءارى شارا كونتسەرتتىك باعدارلامامەن جالعاسىن تاپتى.


كەلۋ قاينارى: http://www.elarna.net/koru.php?tur=51&id=1034351

پىكىرلەر:

juz dep sifirmen jazingiz.