كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-10828321548 %52 %

ايماقتىق ءتورت باسشىلىق القانىڭ باسشىلارى قۇربان ايت بايلانىسىمەن قارت باسشىلاردان، قارت جولداستاردان حال سۇرا


ءتۇرى: التاي ايماعى اقپاراتتارى

ۋاقىتى: 17:20 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
ايماقتىق ءتورت باسشىلىق القانىڭ باسشىلارى قۇربان ايت بايلانىسىمەن قارت باسشىلاردان، قارت جولداستاردان حال سۇرادى

  

  ايماقتىق پارتكومنىڭ شۋجيى جاڭ يان ساياسي كەڭەس ايماقتىق قىزمەت كوميتەتىنىڭ بۇرىنعى مەڭگەرۋشىسى قادىر اراپات ۇلىمەن ىقىلاستى اڭگىمەلەسۋدە. سۋرەتتى ءتىلشىمىز لي چاڭدا تۇسىرگەن

  التاي گازەتىنىڭ ءتىلشىسى لي چاڭدا حابارلايدى 8 ـ ايدىڭ 11 ـ كۇنى جاڭ يان، زىڭ شۋلا، دوۋ جاۋحۇي، جۋ شين، ياڭ ۋىنگۋاڭ قاتارلى ايماقتىق ءتورت باسشىلىق القانىڭ باسشىلارى قارت باسشىلاردان، قارت جولداستاردان حال سۇراپ، ولارعا مەرەكەلىك سالەم جولدادى ءارى ولاردىڭ مەرەكەلەرىنىڭ كوڭىلدى، دەنىنىڭ ساۋ، تۇرمىسىنىڭ باقىتتى بولۋىن تىلەدى. جاڭ يان ىلگەرىندى ـ كەيىندى حالىق قۇرىلتايى ايماقتىق قىزمەت كوميتەتىنىڭ بۇرىنعى مەڭگەرۋشىسى ماۋلىتبەك ارىسباي ۇلى، ساياسي كەڭەس ايماقتىق قىزمەت كوميتەتىنىڭ بۇرىنعى مەڭگەرۋشىسى قادىر اراپات ۇلى، ساياسي كەڭەس ايماقتىق قىزمەت كوميتەتىنىڭ بۇرىنعى مەڭگەرۋشىسى اقان سەيتقامزا ۇلى قاتارلى قارت باسشى، قارت جولداستاردىڭ وتباسىنا بارىپ، كوپشىلىكپەن بىرگە وتكەندى ەسكە الىپ، بولاشاقتى تىلگە تيەك ەتتى. جاڭ يان بىلاي دەدى: «شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم مەن ۇكىمەتتىڭ ىنتىماقتاستىرىپ باستاۋىندا، ايماقتاعى ءار ۇلت كادر ـ بۇقاراسى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ‹ءتورت تانىمدى› ۇزدىكسىز كۇشەيتىپ، ‹ءتورت سەنىمدى› بەكەمدەپ، ‹ەكىنى قورعاۋدى› ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جاپپاي دايەكتىلەندىرىپ، تياناقتاندىرىپ، ايماقتىڭ ءتۇرلى ىستەرىندە تىڭ ىلگەرىلەۋشىلىككە قول جەتكىزدى وسى ناتيجەلەرگە قارت باسشىلاردىڭ، قارت جولداستاردىڭ جۇرەك قانى مەن ماڭداي تەرى سىڭگەن. سىزدەردىڭ التايدا ۇزاق جىل قىزمەت ىستەپ جانە تۇرمىس كەشىرىپ، بۇرىنعى قىزمەت ورىنىندا ءۇن ـ ءتۇنسىز وراسان زور ۇلەس قوسۋلارىڭىز ايماقتاعى ءار ۇلت كادر ـ بۇقاراسىنىڭ قىمباتتى بايلىعى. بۇدان بىلايعى كۇندەردە كوپشىلىكتىڭ التاي ايماعىنىڭ ءتۇرلى ىستەرىنىڭ دامۋىنا ۇزدىكسىز كوڭىل ءبولىپ، نازار اۋدارىپ، قولداۋ كورسەتىپ، كۇش ـ قۋاتىن ۇزدىكسىز ساۋلەلەندىرىپ، اناعۇرلىم تىنىش، كورىكتى، باي ـ باقىتتى جاڭا التاي قۇرۋعا بەلسەنە ۇلەس قوسۋىن ءۇمىت ەتەمىز». جاڭ يان مىنالاردى باسا دارىپتەدى: «قارت باسشىلارعا، قارت جولداستارعا يدەيالىق جاقتان، تۇرمىستىق جاقتان كوبىرەك كوڭىل ءبولىپ، قامقورلىق جاساپ، ولاردىڭ تۇرمىسىندا جولىققان ءتۇرلى قيىنشىلىقتى دەر كەزىندە شەشىپ، ولاردىڭ سوڭعى تۇرمىسىن الاڭسىز وتكىزۋىنە مۇمكىندىك جاساۋ كەرەك».

  جاڭ يان شۋجيدىڭ كەلگەنىنە قارت باسشىلار مەن قارت جولداستار توتەنشە قۋاندى. ولار بىلاي دەدى: «جاڭ يان شۋجي قاربالاستىقتان ۋاقىت شىعارىپ كوپشىلىككە امانداسا كەلدى، بۇل ايماقتىق پارتكوم مەن اكىمشىلىك مەكەمەسىنىڭ بىزگە دەگەن قامقورلىعى مەن ايالاۋىن تولىق ايگىلەدى. ءبىز بۇدان بىلاي ءوزىمىز ونەگە بولىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، قازىرگى وڭاي ـ وسپاق قولعا كەلمەگەن تاماشا جاعدايدى بارىنشا قاستەرلەپ، پارتيا مەن ۇكىمەتتىڭ ءتۇرلى قىزمەتىن بۇكىل ىنتا ـ پەيىلىمىزبەن قولداپ، ايماقتىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋىنا اقىل ـ پاراساتىمىز بەن كۇش ـ قۋاتىمىزدى ارنايمىز».

جاۋاپتى رەداكتور: ءاننا اكىمقان قىزى

كەلۋ قاينارى: http://www.elarna.net/koru.php?tur=64&id=1034348

پىكىرلەر:

juz dep sifirmen jazingiz.