كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-1022249831 %69 %

اۋىلداستاردىڭ تۇرمىسى بارعان سايىن جاقساردى (تاپسىرىقتى ەستە بەرىك ساقتاپ، ارمانعا قۇلاش سەرمەۋ − باس شۋجيدىڭ


ءتۇرى: حالىق تورابى مەمىلەكەتتىك جاڭالىقتارى

ۋاقىتى: 16:20 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.اۋىلداستاردىڭ تۇرمىسى بارعان سايىن جاقساردى (تاپسىرىقتى ەستە بەرىك ساقتاپ، ارمانعا قۇلاش سەرمەۋ − باس شۋجيدىڭ جاۋاپ حاتىن تاپسىرىپ العاننان كەيىن)



«حالىقگازەتىنىڭ»ءتىلشىسىكۇڭشياڭ-ۋ


  اۋىل - قىستاقتىڭ ىستەرىن ويداعىداي ىستەپ، اۋىل - قىستاقتى كوركەيتۋدە نەگىزگى ساتى پارتيا ۇيىمدارى پارمەندى، پارتيا مۇشەلەرى قوسىنى ىسىلعان بولۋى كەرەك. سىزدەردىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، توڭكەرىستىك گەندى ويداعىداي جالعاستىرىپ، پارتيا ۇيىمىنىڭ جاۋىنگەر قورعاندىق رولىن جانە پارتيا مۇشەلەرىنىڭ اۆانگارد ۇلگىلىك رولىن ويداعىداي ساۋلەلەندىرىپ، اۋىلداستارمەن بىرگە كۇش ۇستىنە كۇش قوسىپ، قاجىرلىلىقپەن ناقتى ىستەپ، وزدەرىڭىزدىڭ ءىس جۇزىندىك جاعدايمەن ۇشتاستىرىپ، ءوز ارتىقشىلىقتارىڭىزدى ساۋلەلەندىرىپ، باي، وركەنيەتتى، قونىستانۋعا جايلى كورىكتى اۋىل - قىستاق قۇرۋعا قۇلشىنىپ، اۋىلداستاردىڭ تۇرمىسىن بارعان سايىن جاقسارتۋلارىڭىزدى ءۇمىت ەتەمىن.

  ــ شي جينپيڭ

  «رەتسىزدىگى سونشالىق، كوشەلەرى ميلىعىپ جاتاتىن». بۇل وسى عاسىردىڭ باسىنداعى جىجياڭ ولكەسى نيڭبو قالاسى يۇيياۋ قالاسى لياڭنۇڭ قالاشىعى حىڭكانتوۋ قىستاعىنىڭ بەينەسى ەدى: ۇيلەردىڭ توزىعى جەتكەن، تاۋ جولى بۇرالاڭ، تۇرعىندارى كەدەيشىلىكتەن سىرتقا شىعىپ كەتكەن، قىستاق كوللەكتيۆىنىڭ قارىزى 450 مىڭ يۋانعا جەتكەن.

  جاڭبىر توقتاپ، بۇلت جاڭادان سەيىلگەن ساتتە ءتىلشى شىعىس جىجياڭنىڭ سىميڭ تاۋى ەتەگىندەگى وسى توڭكەرىستىك بايىرعى رايونداعى قىستاققا كەلدى، سىلدىراي اققان بۇلاق سۋى قىستاقتى كەسىپ وتەدى ەكەن.

  ءۇي قورعاندارى اق تۇسپەن بويالعان، ءۇي توبەلەرىنە قاڭىلتاق كەرپىش توسەلگەن، اۋلالاردا جەمىس اعاشتارى سامسىپ تۇر، دۇكەندەر رەتتى تىزىلگەن، كوشە بويى جان – جاقتان كەلگەن ساياحاتشىلارعا تولعان... حىڭكانتوۋ قىستاعىنىڭ بىلتىرعى كىسى باسىنا تۋرا كەلەتىن يگەرىلمەلى كىرىسى 30 مىڭ يۋاننان اسىپ، قىستاق كىرىسى 5 ميلليون 280 مىڭ يۋان بولعان.

  2003 - جىلى كوكتەم مەرەكەسى قارساڭىندا، سول كەزدە جىجياڭ ولكەلىك پارتكومنىڭ شۋجيى بولىپ ىستەيتىن شي جينپيڭ جولداس سىميڭ تاۋى توڭكەرىستىك بايىرعى رايونىن كوزدەن كەشىردى. ول ارناۋلى لياڭنۇڭ قالاشىعى مەن حىڭكانتوۋ قىستاعىنا بارىپ تەكسەرۋ - زەرتتەۋ جۇرگىزىپ، اڭگىمە ءماجىلىسىن اشىپ، ساقا پارتيا مۇشەلەرى مەن قيىنشىلىعى بار بۇقارادان حال سۇراپ، «بۇكىل ەلدەگى توڭكەرىستىك بايىرعى رايونداردىڭ جاپپاي دوڭگەلەك داۋلەتتى قوعام قۇرۋ ۇلگى قالاشىعىن» قۇرۋ ءۇمىتىن العا قويدى. وسىدان كەيىن كوپ وتپەي، قىستاق «ەكى كوميتەتى» شي جينپيڭ جولداسقا حات جازىپ، قىزمەت جوسپارىن مالىمدەپ، تەز ارادا جاۋاپ حات تاپسىرىپ الدى، شي جينپيڭ جولداس ولاردى بايىرعى رايونداردى اشۋ قۇرىلىسىن جەدەلدەتىپ، كەدەيلىكتەن تەزىرەك ارىلىپ، دوڭگەلەك داۋلەتتى ورەگە جەتۋگە شابىتتاندىردى.

  2018 - جىلى 2 - ايدا حىڭكانتوۋ قىستاعىنداعى بارلىق پارتيا مۇشەسى باس شۋجي شي جينپيڭگە حات جازىپ، قىستاقتىڭ دامۋ وزگەرىسىن مالىمدەدى. «15 جىلدىڭ الدىندا قىستاقتارىڭىزعا بارعان كەزدەرىم ەسىمدە، اۋىلداستار كوكەيىمنەن ءالى دە كوتەرىلگەن جوق». باس شۋجي شي جينپيڭنىڭ جاۋاپ حاتى تەرەڭ سۇيىسپەنشىلىككە تولى ەدى.

  ىلگەرىندى - كەيىندى ەكى جاۋاپ حات كەلدى، ەكى ارادا 15 جىل ءوتتى. وسىنى تىلگە تيەك ەتكەندە، حىڭكانتوۋ قىستاعىنداعى تۇرعىنداردىڭ كوڭىلى تولقيدى.

  «ءار رەت وقىعاندا كوڭىلىم جاي تابادى»

  «باس شۋجيدىڭ جاۋاپ حاتىن ءار رەت وقىعاندا كوڭىلىم جاي تابادى» دەدى 73 جاستاعى ساقا پارتيا مۇشەسى حۋاڭ جى - ياۋ باس شۋجي شي جينپيڭنىڭ جاۋاپ حاتىنىڭ كوشىرمەسىن كورسەتىپ.

  بيىل ءوز ۇيلەرىنىڭ كوكتەم مەرەكەسىندەگى بوساعالىق ءسوزىن حۋاڭ جى – ياۋ بىلاي دەپ ءوزى جازعان: «باس شۋجيدىڭ تاپسىرىعىن ەستە بەرىك ساقتاپ، جاڭاشا اۋىل - قىستاق قۇرىلىسىن دامىتامىز». ول 16 جىلدىڭ الدىنداعى ىستەردى ەسىنە الىپ اسەرلەنە بىلاي دەدى: «وسىنشاما جىل وتسە دە، باس شۋجيدىڭ ءبىزدى ءالى دە ەسىنەن شىعارماعانىن ويلاماپپىن. ول كەزدە قىستاعىمىز ءالى دە كەدەي ەدى، سالالار بويىنشا كومەكتەسۋگە سۇيەنەتىن. شي جينپيڭ جولداس قىستاققا بارىپ، شىعىس جىجياڭداعى جاپونعا قارسى بازانىڭ جۇرتىن ەكسكۋرسيالاعاندا، مەن ول جەردە باسقارۋشى بولىپ ىستەيتىن ەدىم، سول كەزدەگى جۇرت ءالى توپتاستىرىلماعان، ءبىر عانا نەگىزگى كورمە زالى ەسكەرتكىش سارايى بار بولاتىن.

  حىڭكانتوۋ قىستاعىنىڭ توڭكەرىستىك بايلىعى ەرەكشە مول، كەزىندە شىعىس جىجياڭداعى جاپونعا قارسى بازانىڭ ورتالىعى تۇرعان جەر. حۋاڭ جى - ياۋ سول جىلدارداعى قىزمەت ەستەلىگىن اشىپ كورسەتىپ بىلاي دەدى: 2000 - جىلدان 2004 - جىلعا دەيىن جىلىنا ورتا ەسەپپەن 20 مىڭ ادام - رەت ساياحاتشى قابىلداندى.

  «شي جينپيڭ جولداستىڭ قىزمەت تەكسەرگەن كەزدەگى تالابىن تياناقتاندىرۋ ءۇشىن، 2003 - جىلى كوكتەم مەرەكەسىنەن كەيىنگى 1 - قىزمەت كۇنى قىستاقتىڭ <ەكى كوميتەتى> ءماجىلىس اشىپ زەرتتەۋ جۇرگىزىپ، شي جينپيڭ جولداسقا قىزمەتتەن مالىمەت بەرىپ حات جازۋدى ۇيعاردى، ويلاماعان جەردەن 3 كۇننەن كەيىن جاۋاپ حاتتى تاپسىرىپ الدىق» دەدى حىڭكانتوۋ قىستاعى پارتكومىنىڭ شۋجيى جاڭ جىسان. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)

  كەلۋ قاينارى: حالىق تورابى


كەلۋ قاينارى: حالىق تورابى
كەلۋ قاينارى: http://www.elarna.net/koru.php?tur=27&id=1034319

پىكىرلەر:

juz dep sifirmen jazingiz.