كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-092218827250 %50 %
2019-12-102001851947 %53 %
2019-12-11340142450 %50 %

يۋري يلين: الماتى تۇرعىندارى ءۇشىن سەلدەن ءقاۋىپ جوق - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 16:00 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
يۋري يلين: الماتى تۇرعىندارى ءۇشىن سەلدەن ءقاۋىپ جوق


الماتى وبلىسىندا سەل ءجۇرۋ قاۋپىنە وراي قر ىشكى ىستەر ءمينيسترىنىڭ ورىنباسارى يۋري يلين قارعالى وزەنىنىڭ قازىرگى احۋالىن باياندادى.

«تاڭعى ساعات 6:20-لار شاماسىندا قارعالى وزەنى باسسەينىندەگى №1 مورەنالىق كول تاسىدى. ول 2015 جىلى دا توتەنشە جاعدايدىڭ تۋىنداۋىنا اكەلگەن ەدى. بۇدان كەيىن وزەن ارناسىن تۇراقتاندىرۋ جۇمىستارى قولعا الىندى. قازىرگى تاڭدا الماتى ارقىلى اعىپ وتەتىن سۋ مولشەرى ايتارلىقتاي ءقاۋىپ ءتوندىرىپ تۇرعان جوق. الاتاۋ اۋدانى رىسقۇلوۆ داڭعىلىنىڭ تومەنگى بولىگىندە وزەن ارناسىن كەڭەيتۋ جانە تەرەڭدەتۋمەن اينالىساتىن بەكەتتەر ورنالاسقان»، – دەدى يۋري يلين ءباسپاسوز جيىنىندا. ونىڭ ايتۋىنشا، قىزىل سۋدان وڭتۇستىك استانا زارداپ شەكپەۋى ءتيىس.

«وسى ساتتەگى اقپاراتقا سايكەس، قارعالى وزەنى باسسەينىندەگى №1 مورەنالىق كول سۋىنىڭ تومەندەۋى بايقالادى. سەكۋندىنا 5 تەكشە مەتر جىلدامدىقپەن جىبەرىلگەندە كولدەگى سۋ دەڭگەيى 5 مەترگە دەيىن ءتۇستى. باستاپقى ەسەپتەۋ بويىنشا 20 مىڭ تەكشە مەتر سۋ اعىزىلعان. الداعى 1-1،5 ساعات كولەمىندە پلوتيناداعى جاعدايدى ءجىتى نازاردا ۇستايمىز. جالپى، ءقاۋىپ ايماعىندا 564 نىسان ورنالاسقان. ونداعى تۇرعىندار سانى ء1 864-تى قۇرايدى. ازاماتتارعا الاڭداۋعا نەگىز جوق. ءقاۋىپ سەيىلدى. سايكەسىنشە ەۆاكۋاتسيا توقتاتىلدى»، – دەدى ول.


كەلۋ قاينارى: http://www.elarna.net/koru.php?tur=38&id=1034307

پىكىرلەر:

juz dep sifirmen jazingiz.