كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-18525278840 %60 %
2019-08-19580345151 %49 %
2019-08-20389195264 %36 %

اقمولالىقتار «مەكتەپكە جول» اكتسياسىنا ادەتتەگىدەي بەلسەندى قاتىسۋدا


ءتۇرى: قازاقپارات جاڭالىقتارى

ۋاقىتى: 15:36 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
اقمولالىقتار «مەكتەپكە جول» اكتسياسىنا ادەتتەگىدەي بەلسەندى قاتىسۋدا

كوكشەتاۋ. قازاقپارات - اقمولا وبلىسىندا «مەكتەپكە جول» اكتسياسى ادەتتەگىدەي جوعارى بەلسەندىلىك سيپات الدى. بۇل تۋرالى وبلىستىق ءبىلىم باسقارماسى باسشىسىنىڭ ورىنباسارى بوتاكوز دۇيسەنوۆا ايتتى، دەپ حابارلايدى قازاقپارات ءتىلشىسى.

اقمولا وبلىستىق ءبىلىم باسقارماسى باسشىسىنىڭ مالىمەتىنشە، اكتسيا شەڭبەرىندە بيىلعى جىلى وبلىس بويىنشا از قامتىلعان وتباسىلارداعى 3945 بالاعا 52 ميلليون تەڭگە كولەمىندە ماتەريالدىق كومەك كورسەتىلگەن.

«مەكتەپكە جول» اكتسياسى قر ءبىلىم جانە عىلىم مينيسترلىگىنىڭ شەشىمىنە ساي بيىلعى جىلى شىلدەنىڭ 5-نەن باستالىپ وتىر. بيىل وبلىس بويىنشا 13434 بالا ماتەريالدىق كومەككە مۇقتاج بولسا، ونىڭ 1187 ءبىرىنشى سىنىپقا بارادى»، - دەيدى بوتاكوز دۇيسەنوۆا.

باسقارما باسشىسىنىڭ ورىنباسارى اتاپ وتكەندەي، وڭىردە جىلدان جىلعا اكتسياعا قاتىسۋشىلاردىڭ سانى ارتۋدا. وتكەن جىلى وتكىزىلگەن اكتسيانىڭ قورىتىندىسى بويىنشا وبلىستا از قامتىلعان جانە كوپبالالى وتباسىلارداعى 8481 بالاعا بارلىعى 88222،3 مىڭ تەڭگەنىڭ كومەگى كورسەتىلدى.

«مەكتەپكە جول» اكتسياسى از قامتىلعان جانە كوپبالالى وتباسىلاردىڭ وقۋشىلارىنا كومەك كورسەتۋگە جانە الەۋمەتتىك سەبەپتەر بويىنشا بالالاردىڭ مەكتەپكە بارماۋىنىڭ الدىن الۋعا باعىتتالعان. وسى رەتتە، ءۇي-ۇيدى ارالاۋ رەيدتىك شارالار ارقىلى مەكتەپكە بارمايتىن بالالاردى انىقتاۋعا، سونداي-اق، از قامتىلعان جانە كوپبالالى وتباسىنداعى بالالاردىڭ مەكتەپكە جينالۋىن قامتاماسىز ەتۋ كوزدەلگەن. وسىعان بايلانىستى قر بعم ۇسىنىسىمەن بارلىق اۋداندارعا «مەكتەپكە جول اكتسياسىن» وتكىزۋ تۋرالى بۇيرىق بەرىلگەن. اتالمىش ۇسىنىستاعى جوسپارعا سايكەس، دەمەۋشىلەر، مەتسەناتتار، ءىرى كومپانيالار مەن اكتسيونەرلىك قوعامداردىڭ باسشىلارىنا جانە تۇرعىندار اكتسياعا بارىنشا تارتىلۋدا. سونىمەن قاتار، اقپاراتتىق ء-تۇسىندىرۋ جۇمىستارى بەلسەندى جۇرگىزىلۋدە»،


كەلۋ قاينارى: http://www.elarna.net/koru.php?tur=3&id=1034292

پىكىرلەر:

juz dep sifirmen jazingiz.