ەل-ارنا قولفون

الماتىداعى ناۋرىزباي اۋدانىندا سەل جۇرۋىنە بايلانىستى دابىل قاعىلىپ، قوسىمشا ءتورت ءجۇز پوليتسەي جۇمىسقا كىرىستى. ءتارتىپ ساقشىلارى ءوز مىندەتىن اتقارۋمەن قاتار، تۇرعىنداردى ءقاۋىپسىز جەرگە كوشىرۋگە اتسالىستى.

"پوليتسيا قىزمەتكەرلەرىنىڭ باستى مىندەتى – ازاماتتاردىڭ قاۋىپسىزدىگىن قامتاماسىز ەتۋ، قورشاۋ، كولىكتەردى الىپ كەتۋ، ءقاۋىپسىز جەرگە ەۆاكۋاتسيالاۋ جانە حالىقتى حاباردار ەتۋ"، - دەپ اتاپ ءوتتى الماتىنىڭ پوليتسيا دەپارتامەنتى باستىعىنىڭ ورىنباسارى ءىزباسار بەكتۇروۆ.

ونىڭ ايتۋىنشا، جاعدايدى باقىلاۋدا ۇستاۋ ءۇشىن، پوليتسيانىڭ سىرتقى كۇشتەرى – پاترۋل ەكيپاجدارى عانا ەمەس، ۋچاسكەلىك ينسپەكتورلار، ارنايى باتالون جاساعى، اۋدانداردىڭ جەدەل تەرگەۋ توپتارى جۇمىلدىرىلدى.

سونداي-اق بەكتۇروۆ حابارلاعانداي، ىشكى ىستەر ءمينيسترى ەرلان تۇرعىمباەۆتىڭ نۇسقاۋىمەن ۇلتتىق ۇلان ساربازدارى سەلدىڭ سالدارىن جويۋعا دايىن تۇر.