كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-092218827250 %50 %
2019-12-102001851947 %53 %
2019-12-11340142450 %50 %

پاۆلودارلىقتار جەراستى سۋلارىنىڭ كوتەرىلۋىنە الاڭداۋلى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 15:20 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.



جەراستى سۋلارىنىڭ كوتەرىلۋىنەن زارداپ شەككەن ەكىنشى پاۆلودار شاعىن اۋدانىنىڭ تۇرعىندارى تاعى دابىل قاقتى، دەپ حابارلايدى «حابار 24».

ازاماتتار كۇز كەلىسىمەن، ۇيلەر قايتادان سۋ استىندا قالا ما دەپ الاڭداۋلى. وعان قوسا، قازىرگى تاڭدا مولتەك اۋداننىڭ تومەنگى بولىگىندە سۋ دەڭگەيى تومەندەي قويماعان. جەرتولەلەر مەن جەرقويمالار سۋعا تولى.

قايىرجان قۇرماناليەۆتىڭ ءۇيى وتكەن عاسىردىڭ 70-جىلدارى تۇرعىزىلعان. باسپانا ويپاتتى جەردە ورنالاسقاندىقتان، سۋ وسى جەرگە جينالادى. زەينەتكەر جاڭبىر جاۋسا، كۇنىمىز نە بولادى دەپ الاڭداۋلى.

قايىرجان قۇرماناليەۆ، قالا تۇرعىنى:

– ءۇيدىڭ ءبارى كورىپ تۇرسىزدار، قۇلادى. كۇنىنە 15-20 ماشينا سۋ شىعارادى. جىرانى كوردىڭىزدەر، ءبارى كامەراعا تۇسىرىلگەن.

ال بۇل – ارحانگەلسكايا كوشەسىندەگى جاعداي. وسىنداي كورىنىستى ءار ۇيدەن كورۋگە بولادى. گەننادي ۋحانىڭ ايتۋىنشا، جەراستى سۋلارىنىڭ كوتەرىلۋىنەن كوكونىس ساقتاۋ قيىنعا سوققان. جاڭادان سالعان ءۇيىنىڭ ىرگەسى دە سوگىلە باستاعان.

اقمارال ەسىمحانوۆا، ءتىلشى:

– جەراستى سۋلارىنىڭ كۇرت كوتەرىلۋى ادامداردىڭ دەنساۋلىعىنا ەمەس، قورشاعان ورتاعا دا ءقاۋىپ توندىرۋدە. ماسەلەن، ءبىرشاما ۋاقىت بۇرىن بۇل جەردە جاسىل جەلەگى جايقالعان ورمان بولدى دەپ ايتۋ قيىن. قازىرگى ۋاقىتتا بۇل اۋماق ناعىز باتپاق-شالشىققا اينالدى. بۇل جەر قورشالماعاندىقتان، تۇرعىندار بالالارىنىڭ ءومىرى ءۇشىن الاڭداۋلى.

ەندى باتپاقتى جەردەگى الىپ اعاشتار قۇلاي باستاعان. تۇرعىنداردىڭ قورقۋى دا سوندىقتان.

ۆالەنتينا ەلونوۆا، قالا تۇرعىنى:

– ءۇش جىلدا ءۇش اكىم اۋىستى. ايتا-ايتا قاجىدىق. ۇڭعىما قازىلعانمەن، قاراۋسىز جاتىر. ال كوشەمىزدەن 200 مەتردەي جەردە تەمىرجول ورنالاسقان. جەراستى سۋلارى تومەن جاققا اعا بەرسە، جولدى دا شايىپ كەتۋى مۇمكىن.

ماسەلەنى شەشۋ ءۇشىن شاعىن اۋداندا قازانشۇڭقىر سالىندى. باستاپقىدا تۇرعىندار بۇعان كۇمانمەن قاراعان ەدى. ال سەگىز سورعىنىڭ ەكەۋى عانا جۇمىس ىستەپ تۇر. سوندىقتان سەنىمسىزدىك باسىم.

قۋانىش قۇنافين، قىزمەت كورسەتۋشى مەردىگەر ۇيىم وكىلى:

– ءتيىستى جۇمىستار اتقارىلىپ جاتىر. سۋدىڭ دەڭگەيى تومەندەدى. سوندىقتان ءسوندىرىپ قويدىق. ولار جانىپ كەتۋى مۇمكىن.

ايناش سۇتباەۆا، قالا تۇرعىنى:

– ۇڭعىمالاردا سۋ تۇر. ولار دەر كەزىندە شىعارىلۋى ءتيىس. بىلتىر قىرۋار قارجى جۇمسالىپ، ەندى توقتاپ تۇر. جاڭبىر جاۋسا، نە ىستەرىمىزدى بىلمەيمىز.

جاۋاپتى ورگاندار مەردىگەر ۇيىمنىڭ سالعىرتتىعىن مويىنداپ، ءتيىستى شارا قولدانىلاتىنىن جەتكىزدى.

باۋىرجان ءابىلقاسىموۆ، قالالىق تۇكش ءبولىمىنىڭ باس مامانى:

– مەردىگەر ۇيىم جۇمىسىن دۇرىس اتقارمايدى. ماماندار سۋ دەڭگەيىن تۇراقتى باقىلاۋ كەرەك. قازىرگى ۋاقىتتا سوت شەشىمىن كۇتىپ وتىرمىز. ولار جاۋاپسىز دەپ تانىلعان سوڭ بۇل ءىس اكىمدىككە قاراستى ۇيىمعا جۇكتەلمەك.

بۇگىنگى كۇنى 15 كوشەدە جەراستى سۋلارىنىڭ كوتەرىلۋىنىڭ سەبەبى دە بەلگىسىز. اكىمدىك پەن مەردىگەرلەر سوتتالىپ جاتقاندا، تۇرعىندار كۇزدىڭ كەلۋىن ۇرەيلەنە كۇتىپ وتىر.

اۆتورلارى: اقمارال ەسىمحانوۆا، سامات وسپانوۆ جانە الەكسەي ومەلنيتسكي


كەلۋ قاينارى: http://www.elarna.net/koru.php?tur=38&id=1034286

پىكىرلەر:

juz dep sifirmen jazingiz.