كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-18525278840 %60 %
2019-08-19580345151 %49 %
2019-08-2010246655 %45 %

جۇڭگو مەن جاپونيا ستراتەگيالىق سۇحپاتتى قايتا باستاپ بەلسەندى اڭىس تاراتتى


ءتۇرى: جۇڭگو قازاق راديو تورابى

ۋاقىتى: 14:30 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
اۋەلگى كەلۋ قاينارى: http://www.kazakcnr.com/xw/gjxw/201908/t20190813_1354118.html

8-ايدىڭ 10-كۇنى جۇڭگو سىرتقى ىستەر مينيسترىنىڭ ورىنباسارى لى يۇيچىڭ مەن جاپونيا سىرتقى ىستەر مينيسترىنىڭ ورىنباسارى چيۋ يەگاڭنان جاپونيانىڭ چاڭيە اۋدانىندا جاڭا كەزەكتى جۇڭگو ـ جاپونيا ستراتەگيالىق سۇحپاتىن بىرلىكتە باسقاردى. ەكى جاق جۇڭگو-جاپونيا باسشىلارى وساكا كەڭەسىندە كەلىسكەن ماڭىزدى ورتاق تانىمدى بەلسەنە تياناقتاندىرىپ، جاڭا ٴداۋىر تالابىنا ۇيلەسەتىن جۇڭگو ـ جاپونيا قاتىناسىن ورناتۋعا قۇلشىناتىندىعىن تاعى ٴبىر رەت تۇراقتاندىردى.


ساراپشىلار بىلاي دەپ قارادى: جۇڭگو مەن جاپونيانىڭ 7 جىلدان سوڭ ستراتەگيالىق سۇحپاتتى قايتا باستاۋى ەكى ەلدىڭ ساياسي ٴوزارا سەنىمىنىڭ ۇزدىكسىز كۇشەيگەندىگىنىڭ بەينەسى ءارى ەكى جاقتى سەلبەستىكتىڭ كەڭەيۋىنە ٴتيىمدى. بۇگىنگى دۇنيەدە ٴجۇز جىلدا بولماعان زور وزگەرىس تۋىلعان جاعدايدا، جۇڭگو مەن جاپونيا سەلبەستىكتى ونان ارى كۇشەيتىپ، سىن ـ سايىستارعا بىرلىكتە توتەپ بەرىپ، اۋمالى-توكپەلى دۇنيەگە ٴتىپتى دە كوپ ورنىقتىلىق جانە وڭ ەنەرگيا قوسۋى قاجەت.


ستراتەگيالىق سۇحپات-مەملەكەتتەر ارا كەلەلى، شەشۋشى ماسەلەلەردە پىكىر الماستىراتىن مەحانيزم . تالداۋشىلار بىلاي دەپ قارادى: ستراتەگيالىق سۇحپاتتى قايتا باستاۋ جۇڭگو مەن جاپونيانىڭ ساياسي جاقتاعى ٴوزارا سەنىمىنىڭ ۇزدىكسىز كۇشەيگەنىن ايگىلەدى.


جۇڭگو مەن جاپونيانىڭ ستراتەگيالىق سۇحپاتى 2005-جىلى 5-ايدا باستالدى. 2012-جىلى 6 ـ ايعا دەيىن، جۇڭگو مەن جاپونيانىڭ ستراتەگيالىق سۇحپاتى 13 رەت جۇرگىزىلىپ، ەكى ەل اراسىنداعى ساياسي كەدەرگىلەردى جەڭىپ، ەكى ەلدىڭ ستراتەگيالىق ٴوزارا تيىمدىلىك جاساۋ قاتىناسىنىڭ نەگىزگى جۇلگەسى مەن ماڭىزدى مازمۇنىن تۇراقتاندىرۋدا ماڭىزدى رول اتقاردى . ٴبىراق كەيىن كەلە جاپونيا جاقتىڭ قاتە ارەكەتىنەن ستراتەگيالىق سۇحپات ٴۇزىلىپ قالدى.


تاياۋ جىلداردان بەرى جۇڭگو-جاپونيا قاتىناسى جاقسارۋعا ءوتتى . 2017 ـ جىلى 11 ـ ايدىڭ 11 ـ كۇنى جۇڭگو مەن جاپونيانىڭ ديپلوماتيالىق قاتىناسى قالىپقا تۇسكەنىنە 45 جىل تولۋ قارساڭىندا، ەكى ەل باسشىلارى ازيا-تىنىق مۇحيت رايونى ەكونوميكالىق سەلبەستىك ۇيىمىنىڭ شيانچياڭدا اشىلعان ماجىلىسىندە كەزدەسىپ سۇحپات وتكىزدى؛ 2018 ـ جىلى ەكى ەل «جۇڭگو-جاپونيا بەيبىتشىلىك-دوستىق شارتىنا» قول قويىلعاندىعىنىڭ 40 جىلدىعىن قارسى الدى ٴارى جوعارى جىكتەگىلەردىڭ بارىس-كەلىسى قاتارلى ٴبىرسىپىرا قيمىلداردى ورىستەتتى؛ 2019 ـ جىلى 6 ـ ايدا ەكى ەل باسشىلارى 20 ەل توبى باسشىلارىنىڭ وساكا باسشىلار باس قوسۋى كەزىندە كەڭەس وتكىزىپ، 10 ٴتۇرلى ورتاق تانىمدى ورناتىپ، جۇڭگو ـ جاپونيا قاتىناسىنىڭ دامۋىنا باعدار بەلگىلەدى.


جۇڭگو قوعامدىق عىلىم اكادەمياسى جاپونيانى زەرتتەۋ ورنى سىرتقى ىستەر زەرتتەۋ كەڭسەسىنىڭ مەڭگەرۋشىسى لۇي ياۋدۇڭ بىلاي دەپ قارادى: ساياسي سەنىمدىلىك-ەكى جاقتىڭ دوستىق قاتىناسىن ۇزدىكسىز ىلگەرىلەتۋدىڭ نەگىزى. 2017 ـ جىلدان بەرى جۇڭگو مەن جاپونيانىڭ مادەنيەت اۋىس ـ كۇيىسى، تەڭىز ـ مۇحيت ىستەر سۇحپاتى، حاۋىپسىزدىك سۇحپاتى قاتارلى سۇحپاتتار جان ـ جاقتى ورىستەپ، وسى رەتكى ستراتەگيالىق سۇحپاتتىڭ قايتا باستالۋىنا تاماشا شارت ـ جاعداي جاراتىلدى.


جۇڭگو مەن جاپونيانىڭ ستراتەگيالىق سۇحپاتتى قايتا باستاۋى ەكى جاقتى سەلبەستىكتى ىلگەرىلەتۋگە ٴتيىمدى. لۇي ياۋدۇڭ بىلاي دەدى : جۇڭگو مەن جاپونيانىڭ ەكونوميكا-ساۋدا، ەنەرگيا، ورتا قورعاۋ، زەينەتكەرلىك قاتارلى سالالاردا اسا زور سەلبەستىك ٴورىسى بار، ەكى ەلدىڭ سەلبەستىك بارىسىندا ٴوزارا سەنىمدىلىكتى جان ـ جاقتى كۇشەيتىپ، ەكى جاقتى قاتىناستىڭ ۇزدىكسىز جاقسى دامۋىن جەبەۋىن ٴۇمىت ەتەمىز.


جۇڭگو-جاپونيا قاتىناسى ەكى جاققا عانا ەمەس، ٴوڭىردىڭ، ٴتىپتى دۇنيە ٴجۇزىنىڭ بەيبىت دامۋىنا قاتىستى ماڭىزدى قاتىناس . قازىرگى دۇنيەدە سىڭار جاقتىلىق پەن قورعامپازدىق باس كوتەردى، تۇراقسىزدىق، ورنىقسىزدىق فاكتورلار ٴالى دە وتە كورنەكتى بولۋدا، جۇڭگو مەن جاپونيا سايكەسۋ مەن سەلبەستىكتى كۇشەيتىپ، سىن ـ سايىستارعا بىرلىكتە توتەپ بەرۋى كەرەك.


لۇي ياۋدۇڭ بىلاي دەدى: وڭىرلىك ەكونوميكالىق سەلبەستىك تۇرعىسىنان قاراعاندا، جاپونيا مەن حانگونىڭ ساۋدا قاقتىعىسى جۇڭگو-جاپونيا-حانگو ەركىن ساۋدا رايونى كەلىسسوزىنە ىقپال جاسايدى، جۇڭگو-جاپونيا-حانگو ەركىن ساۋدا رايونى ٴۇش ەلدىڭ مۇددەسىنە عانا ەمەس، تۇتاس شىعىس ازيا ەكونوميكاسىنىڭ ورتاق مۇددەسىنە دە سايادى. بۇدان سىرت، جاپونيا مەن وڭتۇستىك حانگونىڭ قاقتىعىسى دا وڭىرلىك جالپى بەتتىك ەكونوميكالىق سەرىكتەستىك قاتىناس كەلىسسوزىنە ىقپال جاساۋى مۇمكىن. جۇڭگو مەن جاپونيا وسى ماسەلەلەر جونىندە سۇحپاتتاسۋى، كەڭەسۋى كەرەك . وڭىرلىك حاۋىپسىزدىك تۇرعىسىنان ايتقاندا، جۇڭگو مەن جاپونيا چاۋشيان تۇبەگى قاتارلى ماسەلەلەردە بۇكپەسىز پىكىر اۋىستىرۋى قاجەت.


ەكى ەل باسشىلارى وساكادا بىلاي دەدى: جۇڭگو مەن جاپونيا ازياداعى ماڭىزدى ەلدەر جانە دۇنيەدەگى نەگىزگى ەكونوميكالىق تۇلعالار، كوپ جاقتىلىقتى جانە ەركىن ساۋدا ٴتۇزىلىسىن ورتاق قورعاۋ، وڭىرلەردىڭ ٴبىر تۇلعالانۋىنا بەلسەنە جەتەكشىلىك ەتۋ، اشىق ۇستالعان دۇنيە ەكونوميكاسىن قۇرۋدى جەبەپ، دۇنيەدەگى بارلىق ەلدەردىڭ ورتاق دامۋىن جەبەۋ كەرەك.


زاۋداۋتيان ۋنيۆەرسيتەتى وسى زامانعى جۇڭگونى زەرتتەۋ ورنىنىڭ باستىعى چيڭشان ليۋمياۋ بىلاي دەدى: جۇڭگو مەن جاپونيانىڭ ازياداعى ٴىرى ەل رەتىندە، ٴتۇرلى وڭىرلىك ماسەلەلەر جونىندە پىكىر الماستىرۋى ازيانىڭ ورنىقتىلىعى جونىنەن توتەنشە ماڭىزدى.


كەلۋ قاينارى: http://www.elarna.net/koru.php?tur=37&id=1034257

پىكىرلەر:

juz dep sifirmen jazingiz.