كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-1037689245 %55 %

ۇلتتىق تەاترلار قوستانايدا وتەتىن فەستيۆالعا جينالادى | قازاق گازەتتەرى


ءتۇرى: قازاق گازەتتەرى

ۋاقىتى: 14:15 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.


اعىمداعى جىلدىڭ 20-23 تامىز ارالىعىندا قازاقستان رەسپۋبليكاسىنىڭ مادەنيەت جانە سپورت مينيسترلىگى قازاقستاننىڭ ۇلتتىق (ەتنيكالىق) تەاترلارىنىڭ V رەسپۋبليكالىق فەستيۆالىن وتكىزەدى. قازىلار القاسى رەتىندە ە.جۋاسبەك، م.توكارەۆ، ا.ەركەباي، س.قاميەۆ سياقتى تانىمال تەاتر سىنشىلارى مەن ارتىستەرى، سونداي-اق قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ن.جۇمادىلداەۆا ءوز تاراپتارىنان فەستيۆالعا قاتىسۋعا دايىندىقتارىن ءبىلدىردى. 

فەستيۆال باعدارلاماسى ءتورت كۇنگە ازىرلەنگەن. فەستيۆالدىڭ سالتاناتتى اشىلۋ ءراسىمى 20 تامىزدا ساعات 10:00-دە جانە ءى. وماروۆ اتىنداعى قوستاناي وبلىستىق قازاق دراما تەاترىندا وتەدى.

ودان كەيىن مەملەكەتتىك رەسپۋبليكالىق اكادەميالىق كورەي مۋزىكالىق كومەديا تەاترىنىڭ ترۋپپاسى («ماحاببات تۋرالى پوەما» سپەكتاكل-ەپوسى) جانە قوستاناي وبلىستىق ورىس دراما تەاترىنىڭ ترۋپپاسى («اق كەلىننىڭ ماحابباتى مەن ءولىمى» تراگەدياسى) اتتى ۇزدىك قويىلىمدارىن ۇسىنادى.

ەكىنشى كۇنى، 21 تامىزدا، كورەرمەن الدىندا شىمكەنت قالالىق وزبەك دراما تەاترىنىڭ («قاسقىر ۇلىعان ءتۇن» دراماسى) جانە ءى. وماروۆ اتىنداعى قوستاناي وبلىستىق قازاق دراما تەاترىنىڭ ارتىستەرى («اق باس بۇركىت» دراماسى) ونەر كورسەتەدى.

ال ءۇشىنشى كۇنى، 22 تامىزدا، تەاتر ساحناسىندا مەملەكەتتىك ك. قوجامياروۆ اتىنداعى مەملەكەتتىك رەسپۋبليكالىق اكادەميالىق ۇيعىر مۋزىكالىق كومەديا تەاترىنىڭ ۇجىمى ونەر كورسەتەدى («اپات» مۋزىكالىق پلاستيكالىق سپەكتاكلى).

فەستيۆالدىڭ سالتاناتتى جابىلۋى مەن جەڭىمپازداردى ون نوميناتسيا بويىنشا ماراپاتتاۋ قازاقستان حالقى اسسامبلەياسى ءتوراعاسىنىڭ ورىنباسارى ج.ق. تۇيمەباەۆتىڭ، قر مادەنيەت جانە سپورت ءمينيسترى ا.ر. رايىمقۇلوۆانىڭ، قوستاناي وبلىسىنىڭ اكىمى ا.ب. مۋحامبەتوۆتىڭ قاتىسۋىمەن اعىمداعى جىلدىڭ 23 تامىزىندا ساعات 10:00-دە جاستار سارايىندا وتكىزىلەدى.

سونىمەن قاتار، نەگىزگى باعدارلامادان تىس فەستيۆال قاتىسۋشىلارى ءۇشىن قوستاناي قالاسىنىڭ كورىكتى جەرلەرىن كورسەتۋگە ارنالعان مادەني باعدارلاما قاراستىرىلعان.

فەستيۆالدىڭ ۇيىمداستىرۋشىسى قازاقستان رەسپۋبليكاسىنىڭ مادەنيەت جانە سپورت مينيسترلىگى قازاقستان حالقى اسسامبلەياسىنىڭ، قوستاناي وبلىسى اكىمدىگىنىڭ قولداۋىمەن.

بارلىق كورەرمەندەرگە فەستيۆالعا كىرۋ تەگىن.



كەلۋ قاينارى: http://www.elarna.net/koru.php?tur=6&id=1034250

پىكىرلەر:

juz dep sifirmen jazingiz.