كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-1010718730 %70 %

اتامباەۆپەن كەلىسسوز جۇرگىزگەن مينيستر ورىنباسارى قىزمەتىنەن بوسادى


ءتۇرى: Ult.kz ۇلىت تورابى

ۋاقىتى: 13:30 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

قىرعىزستاننىڭ بۇرىنعى پرەزيدەنتى المازبەك اتامباەۆ (سول جاقتا) جانە ىشكى ىستەر مينيسترلىگىنىڭ ورىنباسارى كۋرسان اسانوۆ. كوي-تاش، 8 تامىز 2019 جىل.

قىرعىزستاننىڭ بۇرىنعى پرەزيدەنتى المازبەك اتامباەۆتى ۇستاۋ وپەراتسياسى كەزىندە كوي-تاش اۋىلىنداعى ەكس-پرەزيدەنت ۇيىندە اتامباەۆپەن كەلىسسوز جۇرگىزگەن ىشكى ىستەر ءمينيسترىنىڭ ورىنباسارى كۋرسان اسانوۆ قىزمەتىنەن بوساتىلدى.

مينيسترلىك مالىمدەۋىنشە،"7-8 تامىز كۇندەرى بولعان وپەراتسيا كەزىندە تارتىپسىزدىككە جول بەرمەۋ مىندەتى جۇكتەلگەن" اسانوۆتىڭ ۇستىنەن جۇرگىزىلگەن قىزمەتتىك تەكسەرۋ قورىتىندىسىنا سايكەس، مينيستر ورىنباسارى "قىرعىز ميليتسياسىنىڭ مۇددەسىن ساتىپ، سەنىمدى اقتاماعان".

اسانوۆتىڭ ءوزى الەۋمەتتىك جەلىدە كوي-تاشتاعى وقيعادا قيىن جاعدايعا تاپ بولعانىن جازدى. "ىشكى ىستەر مينيسترلىگىنىڭ جەكە قۇرامىنىڭ ارقاسىندا قيىندىقتى جەڭدىك. ءوز قىزمەتىمدى ادال اتقاردىم دەپ ەسەپتەيمىن. جەكە مۇددەمدى مەملەكەتتەن جوعارى قويمادىم. ەلدىڭ الدىندا ارىم دا ابىرويىم دا تازا" دەپ جازدى ول.

اتامباەۆ 8 تامىزدا جالعاسقان وپەراتسيا كەزىندە ءوز ەركىمەن بيلىككە بەرىلدى. وعان جەمقورلىق ايىبى تاعىلىپ، ەكس-پرەزيدەنت 26 تامىزعا دەيىن قاماۋعا الىندى. ءقازىر ونىڭ ءىسى تەرگەلىپ جاتىر.

13 تامىزدا پروكۋراتۋرا بۇرىنعى پرەزيدەنتكە تاعى بىرنەشە ايىپتاقتى. "اتامباەۆقا تارتىپسىزدىك ۇيىمداستىرۋ، زاڭسىز قارۋ اينالىمى، تەرگەۋگە كەدەرگى كەلتىرۋ، ادامداردى كەپىلگە الۋ، ادام ءولتىرۋ، ادام ولتىرۋگە تالپىنىس جاساۋ سياقتى جەتى قىلمىستىق ايىپ تاعىلدى" دەدى باس پروكۋرور.

27 ماۋسىمدا قىرعىزستان پارلامەنتى المازبەك اتامباەۆتى ەكس-پرەزيدەنت جانە تيىسپەۋشىلىكمارتەبەسىنەن ايىرعان.كەيىن ءىىم اتامباەۆتى تەرگەۋگە شاقىرا باستادى. ءۇش رەت شاقىرتۋ جىبەرگەنىمەن تەرگەۋگە بارماعان اتامباەۆتى مينيسترلىك ارنايى وپەراتسيا جۇرگىزىپ، كۇشتەپ اكەلۋدى تاپسىرعان.

قىرعىزستاننىڭ بۇرىنعى پرەزيدەنتىنە قىزمەتتە ءجۇرىپ جەمقورلىققا جول بەردى، وكىلەتىن اسىرا پايدالاندى جانە زاڭسىز بايىدى دەگەن سياقتى جالپى سانى بەس ايىپ تاعىلعان. پروكۋراتۋرا اتامباەۆ قىلمىستىق توپتار اراسىندا تانىمال ازيز باتۋكاەۆتىڭ زاڭسىز بوساتىلۋىمەن بايلانىستى ىستە كۋاگەر رەتىندە تانىلعانىن مالىمدەگەن.

اتامباەۆ بۇل ايىپتاردىڭ ءبارىن جوققا شىعارىپ، ءوزىن تەرگەۋگە شاقىرۋدىڭ ساياسي استارى بار دەپ مالىمدەگەن. ول ازيز باتۋكاەۆتى بوساتۋعا قاتىسى جوعىن دا ايتقان. بىشكەك بۇل ايىپتاردىڭ ساياسي استارى بار دەگەنمەن كەلىسپەيدى.

اتامباەۆ قىرعىزستاندى 2011-2017 جىلدارى باسقارعان. ونىڭ ورنىنا بيلىككە 2017 جىلدىڭ سوڭىندا سايلاۋ جولىمەن سوورونباي جەەنبەكوۆ كەلگەن.​


كەلۋ قاينارى: http://www.elarna.net/koru.php?tur=53&id=1034237

پىكىرلەر:

juz dep sifirmen jazingiz.