كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-1010718730 %70 %

ددسۇ: قازاقستاندا قىزىلشا دەرتى ءورشىپ تۇر


ءتۇرى: Ult.kz ۇلىت تورابى

ۋاقىتى: 13:20 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

دۇنيەجۇزىلىك دەنساۋلىق ساقتاۋ ۇيىمى (ددسۇ) 13 تامىزدا الەمدەگى قىزىلشا دەرتى جايلى جارتى جىلدىق ەسەبىن جاريالادى. ۇيىم دەرەگىنشە، بۇل دەرت اسىرەسە قازاقستان، انگولا، كامەرۋن، چاد، نيگەريا، فيليپپين، وڭتۇستىك سۋدان جانە تايلاندتا ءورشىپ تۇر.

ددسۇ-نىڭ حابارلاۋىنشا، 2019 جىلدىڭ العاشقى جارتىسىندا وتكەن جىلعى وسىنداي كەزەڭمەن سالىستىرعاندا قىزىلشامەن اۋىرعان ادام سانى ءۇش ەسە كوبەيىپ، 2006 جىلدان بەرى بولماعان رەكوردتىق كورسەتكىشكە جەتكەن. حالىقارالىق ۇيىمنىڭ ەسەبى بويىنشا، وتكەن التى ايدا الەمدە قىزىلشامەن اۋىرعاندار سانى 364 مىڭنان اسقان. ددسۇ وكىلدەرى ءالى ەسەپ بەرمەگەن ەلدەر بار بولعاندىقتان، بۇل الەم بويىنشا قىزىلشا دەرتى جايلى تولىق مالىمەت ەمەس دەيدى.

2018 جىلى الەمدە قىزىلشا دەرتىنە شالدىققان 353 مىڭ ادام تىركەلگەن.

ددسۇ ەسەبىندە افريكا قۇرىلىعىندا قىزىلشامەن اۋىرعان ادام سانى ون ەسە كوبەيىپ، وتە كۇردەلى جاعداي قالىپتاسىپ وتىرعانى ايتىلعان. ەۋروپادا قىزىلشا دەرتىمەن اۋىرعاندار سانى وتكەن جىلعىمەن سالىستىرعاندا ەكى ەسە كوبەيگەن.

​ددسۇ-نىڭ بيىل ساۋىردە جاريالاعان ەسەبى بويىنشا، 2019 جىلدىڭ العاشقى ءۇش ايىندا قىزىلشامەن اۋىرعان 3414 ادام تىركەلگەن قازاقستان وسى دەرت كورسەتكىشى بويىنشا الەمدە بەسىنشى ورىندا تۇرعان.

قىزىلشا - ۆيرۋسپەن تارايتىن جۇقپالى اۋرۋ. ونى جۇقتىرعان ادامنىڭ قىزۋى كوتەرىلىپ، تىنىس الۋى قيىندايدى، كوزى قىزارىپ، دەنەسى قىزارا ءبورتىپ كەتەدى. دۇنيەجۇزىلىك دەنساۋلىق ساقتاۋ ۇيىمى دەرتتىڭ ورشۋىنە ارنايى ۆاكتسينا ەگۋدەن باس تارتۋ سەبەپ بولۋى مۇمكىن دەپ ەسكەرتەدى.


كەلۋ قاينارى: http://www.elarna.net/koru.php?tur=53&id=1034234

پىكىرلەر:

juz dep sifirmen jazingiz.