كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-21580410755 %45 %
2019-08-22656264749 %51 %
2019-08-23203153263 %37 %

ءقاۋىپ بولسا، حالىقتى ەۆاكۋاتسيالاۋ كەرەك - ساعىنتاەۆ سەل ءقاۋپى جايلى


ءتۇرى: Ult.kz ۇلىت تورابى

ۋاقىتى: 13:10 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

الماتى اكىمى باقىتجان ساعىنتاەۆ جەرگىلىكتى تۇرعىندارمەن كەزدەستى. قالا باسشىسى سۋ دەڭگەيى تومەندەگەنىن مالىمدەدى، - دەپ حابارلايدى "ۇلت اقپارات".

«جوعارى جاقتان كەلە جاتىرمىن. تاڭ اتقالى سول جاقتا ءجۇرمىز. ءتيىستى شارالار قابىلداندى. قورقاتىن ەشتەڭە جوق. قۇداي ساقتاسىن. جازداي جۇمىستار اتقارىلدى. كولدىڭ باسىندا ەكسكاۆاتورلار جۇمىس ىستەدى. ولار جازداي جەردى قازىپ سۋدى جىبەرىپ وتىرعان. 77 مىڭ تەكشە مەتر سۋدى 26 مىڭ تەكشە مەترگە دەيىن تۇسىرگەن. سونىڭ ارقاسىندا ءقازىر سۋ از كەلدى. ەندى، ءقازىر جوعارى جاقتان حابار بەرىپ جاتىر، كولدەن اققان سۋ توقتادى. ءوزىنىڭ قارقىنىمەن اعىپ كەلەدى. مىنا بوگەتكە دەيىن 22 شاقىرىم، سۋ وزەن ارناسىمەن اعادى دەپ ويلايمىز. ەشقانداي ءقاۋىپ جوق. سۋمەن ەشقانداي تاس اعىپ كەلە جاتقان جوق. ءجاي اعىندى لاي سۋ كەلىپ جاتىر. سۋدىڭ كولەمى قالىپتى جاعدايدا. ءقازىر ماماندار تىكۇشاقپەن جوعارى جاقتان تاعى دا كورىپ شىعادى. تۇرعىندار ءۇشىن اۋىز سۋ ماسەلەسى دە شەشىلەدى. قالادان تاسىمالدايتىن بولادى. الماتى سۋ مەكەمەسىنىڭ باسشىسى دا وسىندا. ءقازىر 30 سۋ تاسيتىن كولىك بەلگىلەندى. سۋ قۇبىرلارى جوندەلەدى. ناۋرىزباي اۋدانىنىڭ حالقىمەن كەزدەسۋگە بارا جاتىرمىن. سول كىسىلەرگە ءوزىم بارىپ ءمان-جايدى تۇسىندىرەمىن. قاجەت بولسا وسىندا قايتىپ كەلەمىن. قارقىندى سۋ ەكى ساعاتتا باسەندەيدى»، - دەدى باقىتجان ساعىنتاەۆ.

وسىدان كەيىن قالا باسشىسى الماتى قالاسىنا اتتانىپ،№176 مەكتەپ-گيمنازياسىنىڭ عيماراتىندا جوسپارلانعان تۇرعىندارىمەن كەزدەسۋگە كەتتى. باقىتجان ساعىنتاەۆ ءقازىر ماماندار سەلدىڭ قاۋىپ-قاتەرىن جويۋ بويىنشا جۇمىستار جۇرگىزىپ جاتقانىن اتاپ ءوتتى.

"تاڭەرتەڭ ادامدار جازىپ جاتتى، الاڭداپ قالدى. ولار قايدا بارۋ جانە نە ىستەۋ كەرەكتىگىن سۇرايدى. ەرىكتىلەر دە ءوز كومەگىن كورسەتۋگە دايىن. تاڭەرتەڭ ىشكى ىستەر مينيسترىمەن بايلانىستىم. ەگەر ءبىر نارسە بولسا، ادامداردى كوشىرۋ كەرەك. ەگەر وزەن دەڭگەيى كوتەرىلسە، تەز تازالاۋ كەرەك. ءبىزدىڭ بارلىق قىزمەتىمىز، ۇلتتىقۇلان جانە باسقالارى تولىق دايىن. ءبىراق بۇلاي بولمايدى دەپ ويلايمىن"، - دەدى الماتى اكىمى.


كەلۋ قاينارى: http://www.elarna.net/koru.php?tur=53&id=1034229

پىكىرلەر:

juz dep sifirmen jazingiz.