كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-21580410755 %45 %
2019-08-22656264749 %51 %
2019-08-2317994662 %38 %

ەلوردا مەشىتتەرى ءتورت جارىم مىڭ وتباسىعا ەت تاراتتى – Sunna.kz


ءتۇرى: قازاقستان «سۇننەت» اقپاراتتارى

ۋاقىتى: 13:10 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.ەلوردا مەشىتتەرى ءتورت جارىم مىڭ وتباسىعا ەت تاراتتى – Sunna.kz

قاسيەتتى قۇربان ايت مەرەكەسىنە وراي ەلوردا مەشىتتەرى اراسىندا ۇيىمداستىرىلعان «راببىڭ ءۇشىن قۇربان شال!» قايىرىمدىلىق اكتسياسى اياسىندا ايت كۇندەرى نۇر-سۇلتان قالاسىنداعى 4420 وتباسىعا ەت تاراتىلىپ، كومەك كورسەتىلدى. ايت نامازى وقىلىپ بولىسىمەن «التىن تاعا» مال بازارىندا قۇرباندىق شالۋ ءراسىمى باستالىپ، قۇرباندىق ەتتەرىن تاراتۋ جۇمىستارىنا جالعاسقان بولاتىن.

قمدب نۇر-سۇلتان قالاسى وكىلدىگىنە قاراستى 11 مەشىتتى تۇگەل قامتىعان «راببىڭ ءۇشىن قۇربان شال!» اكتسياسى اياسىندا 60 ءىرى قارا قۇرباندىق شالىندى. بۇدان بولەك، قالا تۇرعىندارىنىڭ مەشىتتەرگە اكەلىپ وتكىزگەن قۇرباندىق ەتتەرىنەن ەسەبىنەن جالپى ەسەبى 28 توننا ەت جينالىپ، 4420 وتباسىعا ۇلەستىرىلدى. قاسيەتتى قۇران كارىمنىڭ «حاج» سۇرەسىنىڭ 28-اياتىندا «ودان وزدەرىڭ دە جەڭدەر جانە مۇقتاج، پاقىرلارعا دا جەگىزىڭدەر» دەپ ايتىلعانداي، ايت كۇندەرى ەلىمىز بويىنشا قانشاما مۇقتاج وتباسىنىڭ قازانى بۇرقىلداپ، قايىرىمدىلىق شۋاعىنا بولەنە تۇسەدى. قاسيەتتى مەرەكەنىڭ شىنايى شاراپاتى، قايىرىمدىلىق قاسيەتى وسى بولسا كەرەك!

قايىرىمدىلىق شاراسى اياسىندا قۇرباندىق ەتتەرى ەلوردامىزداعى تۇرمىسى تومەن، كوپبالالى، اسىراۋشىسىنان ايىرىلعان وتباسىلارعا، ارنايى تىركەۋدە تۇرعان مۇگەدەك جاندارعا، ت.ب. ءتۇرلى الەۋمەتتىك توپ وكىلدەرىنە تاراتىلدى.

سونداي-اق، مەرەكە كۇندەرى وكىلدىك تاپسىرماسى نەگىزىندە قۇلشىلىق وردالارىندا ءتۇرلى مادەني ءىسشارالار ۇيىمداستىرىلدى. ايت مەرەكەسىنىڭ ەكىنشى، ءۇشىنشى كۇندەرى «بالالار ءۇيى» مەن «قارتتار ءۇيىن» ارنايى زيارات ەتىپ، مەشىت قىزمەتكەرلەرى مەرەكەمەن قۇتتىقتاپ قايتتى. ساپار بارىسىندا قارتتار مەن بالالارعا ءتۇرلى سىيلىقتار تارتۋ ەتىلىپ، مەرەكەلىك داستارحان جايىلدى.

قۇربان ايت مەرەكەسىندە قايىرىمدىلىق شاراسىنا قۇلشىلىق وردالارىنىڭ ۇلەسى:

«ازىرەت سۇلتان» مەشىتى – 1540
«نۇر استانا» مەشىتى – 1030
«عىلماني» مەشىتى – 830
«ىرىسكەلدى قاجى» مەشىتى – 160
«اق مەشىت» – 150
«Əلجان انا» مەشىتى – 70
«اس سالام» مەشىتى – 110
«تولەباي» مەشىتى – 195
«رايسا انا» مەشىتى – 195
«ال عاني» – 90
«شەيح كۋنتا قاجى» مەشىتى – 160

muslim.kz


كەلۋ قاينارى: http://www.elarna.net/koru.php?tur=18&id=1034227

پىكىرلەر:

juz dep sifirmen jazingiz.