كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-21580410755 %45 %
2019-08-22656264749 %51 %
2019-08-2317994662 %38 %

«عىلماني» مەشىتى قارتتار مەن مۇگەدەكتەر ۇيىنە ايتتاپ قايتتى (فوتو) | muslim.kz


ءتۇرى: Muslim.kz ماقالالارى

ۋاقىتى: 13:00 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.


قاسيەتتى قۇربان ايت مەرەكەسىنە وراي، ء«سادۋاقاس قاجى عىلماني» مەشىتىنىڭ باس يمامى نۇرلان رامازانوۆ باستاعان مەشىت ۇجىمى «قارتتار مەن مۇگەدەكتەر» ۇيىنە ارنايى ايتتاپ قايتتى.

جىل سايىن جالعاسىپ كەلە جاتقان ءۇردىس بويىنشا، ء«سادۋاقاس قاجى عىلماني» مەشىتىنىڭ «ايەل-قىزدار سەكتورى» جانىنان قۇرىلعان «انالار مەكتەبى» مۇشەلەرىنىڭ دەمەۋشىلىگىمەن جانە ايەلدەر جاماعاتىنىڭ ۇستازى ءاليا اۋساعاتوۆا جانە ايگۇل كوكسەگەنقىزىنىڭ ۇيىمداستىرۋىمەن، ەلوردا اكىمدىگىنىڭ «شاراپات الەۋمەتتىك قىزمەت كورسەتۋ ورتالىعىنا» ارنايى بارىپ، قاريالار مەن مۇمكىندىگى شەكتەۋلى جاندارعا قايرىمدىلىق داستارحانى جايىلىپ، تابارىك سىيلىقتار ۇلەستىرىلدى.

سوز باسىندا باس يمام نۇرلان بەكبولاتۇلى جۇزدەرىنە قاياۋ تۇسكەن قاريالارعا قامقورلىق كورسەتۋ جانە قۇرمەتتەپ سىيلاۋ تۋرالى يماني اڭگىمە قوزعادى.

قازىرگى تاڭدا نۇر-سۇلتان قالاسى اكىمدىگىنىڭ شاراپات الەۋمەتتىك قىزمەت كورسەتۋ ورتالىعىندا 26-98 جاس ارالىعىندا 350-گە جۋىق قارتتار مەن مۇمكىندىگى تومەن جاندار تۇرىپ جاتىر. ولاردىڭ اراسىندا 4 ەكىنشى دۇنيەجۇزىلىك سوعىستىڭ ارداگەرى، 11 سوعىس ارداگەرىنە تەڭەستىرىلگەندەر، 27 تىل ەڭبەككەرلەرى، 4 قۋعىن-سۇرگىن قۇرباندارىنىڭ ۇرپاقتارى بار. ءى-ىى توپتاعى 125 مۇگەدەك جاندارعا وڭالتۋ ورتالىعى جۇمىس ىستەۋدە.

مەرەكەلىك ءىس-شارالار اياسىندا جايىلعان داستارقان باسىندا، ءداستۇرلى ءانشى جالعاس نەشە ءتۇرلى ءان قۇيقىلجىتىپ، ونداعى تاعدىردىڭ اۋىر تاۋىقىمەتىن تارتقان ازاماتتاردىڭ ءبىر ساتكە بولسىن كوڭىلىن سەرپىلتىپ تاستادى. مەكەمىنىڭ قىزمەتكەرلەرى جانە سونداعى تۇرعىندار جاقسى كەشكە كۋا بولىپ، مەرەكەلىك شاتتىققا بولەندى.

وز كەزەگىندە قارتتار ءۇيىنىڭ قىزمەتكەرلەرى مەن تۇرعىندارى مەشىت ۇجىمىنا ءوز ريزاشىلىقتارىن ءبىلدىرىپ، العىس حاتتارىمەن ماراپاتتاپ، ىزگى تىلەكتەرىن ايتتى.

دەرەككوز: ء«سادۋاقاس قاجى عىلماني» مەشىتىنىڭ ءباسپاسوز قىزمەتى



كەلۋ قاينارى: http://www.elarna.net/koru.php?tur=43&id=1034224

پىكىرلەر:

juz dep sifirmen jazingiz.