كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-18525278840 %60 %
2019-08-19580345151 %49 %
2019-08-2011054158 %42 %

گرۋزيادا كينەماتوگرافيا سالاسى قالاي دامۋدا - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 12:50 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.



گرۋزين كينەماتوگرافياسى 20-عاسىردىڭ باسىندا قالىپتاسقان، دەپ حابارلايدى «حابار 24».

كەڭەس كەزىندە وزىنە ءتان ءازىل-سىقاق، ءسوز ساپتاۋ، ادامدارعا ماحابباتپەن ەرەكشەلەندى. الايدا جاڭا عاسىردىڭ باسى بۇل ەلدىڭ كينەماتوگرافياسى ءۇشىن قيىندىقتار كوپ ۋاقىت بولدى. فيلمدەر مۇلدە تۇسىرىلمەي، قارجى تاپشىلىعىنان بىلىكتى رەجيسسسەرلەر مەن ارتىستەر شەتەل استى. ءبىراق 2001 جىلى ۇلتتىق كينەماتوگرافيلىق ورتالىق اشىلىپ، كينو ءتۇسىرۋ سالاسىنا قولداۋ كورسەتىلە باستادى. 

كينو – سوقپاعى مەن شىعىنى كوپ ۇجىمدىق ءىس. ءقازىر گرۋزين كينەماتوگرافياسى بۇرىنعى دارەجەسىنە ءالى جەتە الماي كەلەدى. الايدا جەرگىلىكتى ماماندار وتاندىق فيلمدەر كەلەشەكتە حالىقتىڭ جۇرەگىنە جول تاباتىنىنا سەنىمدى. 

گرۋزيادا 3 جىل بۇرىن وتاندىق كينويندۋستريانى قولداۋ باعدارلاماسى قولعا الىنعان. «گرۋزيادا شىعار» جوباسىنىڭ ماقساتى - شەتەلدىك مامانداردى تارتىپ، ەلدىڭ كينو شىعارۋ سالاسىن جانداندىرۋ. 

كونستانتين چلايدزە، گرۋزيا ۇلتتىق كينوموتوگرافيالىق ورتالىعىنىڭ وكىلى:

– بۇل باعدارلاما ەكونوميكالىق تۇرعىدان ءتيىمدى. ەگەر كينو ءتۇسىرۋ كەزىندە 500 مىڭ لاري جۇمسالسا، مەملەكەت ونىڭ 20 پايىز شىعىنىن وتەيدى. مۇنى جەمىستى جوبا دەسەم بولادى. سەبەبى ءقازىر ەلدە كينو كوپتەپ تۇسىرىلە باستادى.

بۇل باعدارلامادان بولەك، وزگە دە مەملەكەتتىك قولداۋلار جەتەرلىك. كينەماتوگرافيا ورتالىعى شاعىن وتاندىق كينو تۇسىرۋشىلەرگە كومەكتەسىپ، جىل سايىن 7 تولىقمەتراجدى، دەرەكتى جانە انيماتسيالىق فيلمدەر تۇسىرىلەدى. ورتالىقتىڭ بيۋدجەتى جىل سايىن ۇلعايتىلىپ، ەۋروپالىق ستاندارتقا ساي كەلۋدە.

ۆلاديمير كاچاروۆا، پروديۋسەر:

– ءبىز ءتۇرلى كينوفەستيۆالدەرگە قاتىسۋعا مۇددەلىمىز. ءبىراق ەۋروپالىق ارىپتەستەرىمىز بىزدەگى بيۋدجەتپەن كينو ءتۇسىرىپ جۇرگەنىمىزگە تاڭ قالادى. ءقازىر گرۋزيا كينويندۋسترياسىن فەستيۆالدىك فيلمدەر جانە قىزمەت كورسەتۋ دەپ ەكىگە بولۋگە بولادى. سەبەبى گرۋزيا كينو ءتۇسىرۋ الاڭى رەتىندە بەلسەندى تۇردە دامىپ كەلەدى.

«گرۋزيادا شىعار» جوباسى ەلدى ناسيحاتتاۋعا دا باعىتتالعان. وسى باعدارلامانىڭ ارقاسىندا وتاندىق رەجيسسەرلەر مەن ارتىستەردىڭ جاڭا بۋىنى قالىپتاسىپ، ولاردىڭ ەسىمى كەڭىنەن تانىلا باستاعان.

اۆتورلارى: يۋليا تۋجيلكينا، شالۆا سۋرامەلاشۆيلي


كەلۋ قاينارى: http://www.elarna.net/koru.php?tur=38&id=1034219

پىكىرلەر:

juz dep sifirmen jazingiz.