كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-15615321146 %54 %
2019-08-16532315249 %51 %
2019-08-17515415137 %63 %

وسكەمەندەگى «حاليفا التاي» مەشىتىندە بىرەگەي مۇراجاي اشىلدى (فوتو) | muslim.kz


ءتۇرى: Muslim.kz ماقالالارى

ۋاقىتى: 12:45 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.


قۇربان ايت مەرەكەسىندەشىعىس قازاقستان وبلىسى اكىمىنىڭ قولداۋىمەن «حاليفا التاي» مەشىتىندە «يسلام مادەنيەتى ۇلتتىق ءداستۇر» اتتى مۇراجاي اشىلدى.

مۇراجايدىڭ اشىلۋىندا قمدب وسكەمەن ايماعىنىڭ وكىل يمامى ەرمەك قاسبولاتۇلى:«بيىل قۇربان ايت مەيرامى وبلىستىق «حاليفا التاي» مەشىتىندە «يسلام مادەنيەتى ۇلتتىق ءداستۇر» مۇراجايى اشىلۋىمەن ەرەكشە بولىپ وتىر. بۇل يگى ءىس رۋحاني جاڭعىرۋ باستاماسىنىڭ اياسىندا وبلىستىق اكىمدىكتىڭ قولداۋىمەن جۇزەگە استى. مەشىت تەك ءدىني قۇلشىلىق ورنى عانا ەمەس ءسالت-داستۇردى، تاريحىمىزدى ناسيحاتتايتىن ءىرى رۋحاني ورتالىق بولۋى ءتيىس. بۇگىنگى زامان تالابى دا وسىعان سايادى»،- دەدى.

مۇراجايدىڭ لەنتاسىن شىعىس قازاقستان وبلىسىنىڭ اكىمى دانيال احمەتوۆ جانە قمدب قايىرىمدىلىق جانە ۋاقىپ ىستەرى ءبولىمىنىڭ مەڭگەرۋشىسى كامالجان تۇردىباەۆ قيدى. وبلىس باسشىسى د.احمەتوۆ رۋحاني جاڭعىرۋ اياسىندا ۇلتىمىزدىڭ تاريحىن تۇگەندەپ، ونى ۇرپاققا امانات ەتۋدىڭ ماڭىزدى ءىس ەكەندىگىنە توقتالا كەلە، ء«بىز تاريحى باي، كەلەشەگى كەمەل ۇلتپىز. بۇل جەردەن يسلام تاريحىمەن ۇلتتىق داستۇردەن دە مول ماعلۇمات الۋعا بولادى» دەپ تۇيىندەپ، مۇراجايدىڭ ەل يگىلىگىنە قىزمەت ەتەتىندىگىن جەتكىزدى.

«يسلام مادەنيەتى جانە ۇلتتىق ءداستۇر» مۇراجايى ساق، عۇن، تۇركى ءداۋىرى جانە يسلام تاريحى، قازاق حالقىنىڭ مادەنيەتى دەگەن نەگىزگى بولىمدەردەن تۇرادى. مۇراجاي تورىنە كۇلتەگىن ەسكەرتكىشىنىڭ كوشىرمەسى، تايقازان، قازاقتىڭ التى قانات كيىز ءۇيى قويىلىپ، ارىستانباب، قوجا احمەت ياسساۋي كەسەنەسىڭ بەينەسى بەدەرلەنگەن. ءبىرقاتار مەشىتتەردىڭ ماكەتى قويىلدى. قاسيەتتى قۇران كىتابىنىڭ بىرنەشە تىلدەگى ەلەكتروندى زامانۋي كوشىرمەسى، تاريحي قۇندى ەڭبەكتەردىڭ ەلەكتروندى نۇسقالارىن دا بۇل جەردەن كورۋگە بولادى.

ۇلىق مەيرام قۇربان ايت قارساڭىندا بۇل ءدىني رۋحانياتقا جاسالعان ۇلكەن سىي بولدى. ءىس-شاراعا جينالعان حالىق جادىگەرلەردى تاماشالاپ، باستاما يەلەرىنە شىنايى قۋانىش، تىلەكتەرىن ءبىلدىردى.

دەرەككوز: «حاليفا التاي» مەشىتىنىڭ ءباسپاسوز قىزمەتى



كەلۋ قاينارى: http://www.elarna.net/koru.php?tur=43&id=1034217

پىكىرلەر:

juz dep sifirmen jazingiz.