كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-092218827250 %50 %
2019-12-102001851947 %53 %
2019-12-11340142450 %50 %

ءدوربىلجىن اۋدانى كومىر ساۋدا بازارىن جۇيەگە ءتۇسىردى - ماڭىزدى حابارلار - باش بەت - تارباعاتاي اقپارات توراب


ءتۇرى: تارباعاتاي ايماعى اقپاراتتارى

ۋاقىتى: 12:40 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
ءدوربىلجىن اۋدانى كومىر ساۋدا بازارىن جۇيەگە ءتۇسىردى

جولدانعان ۋاقىتى : 2019/8/14 13:52:16

 بىتىراندى ساقتاۋ تۇيىندەرىن كۇشىنەن قالدىرىپ، كومىر توزاڭىن وڭاپ، شوعىرلى ساۋدا جۇرگىزىپ، تۇتاس بارىسىن باقىلاپ، كومەسكى قاتەرلەردەن ءبىرتۇتاس ساقتاندى

  ءتىلشىمىز ليۋ پىڭ حابارلايدى.  بىتىراندى ساقتاۋ تۇيىندەرىن كۇشىنەن قالدىرىپ، كومىر توزاڭىن وڭاپ، شوعىرلى ساۋدا جۇرگىزىپ، تۇتاس  بارىسىن باقىلاپ،كومەسكى قاتەرلەردەن ءبىرتۇتاس ساقتاندى... ءبىر جىلدان بەرى ءدوربىلجىن اۋدانى كومىر   بازارىنىڭ تيجارات ءتارتىبىن جۇيەگە ءتۇسىرىپ، لاستانعان قالا «قارا  قالپاعىن» تۇبىرىنەن الىپ تاستاپ، اۆتونوميالى رايون دارەجەلى وركەنيەتتى قالا قۇرۋىنا بەرىك نەگىز  قالادى.

  كومىرمەن لاستانۋدى اۋىزعا الا وتىرىپ،ءدوربىلجىن اۋدانى چياۋدۇڭ الەۋمەتتىك اۋماعى چاۋچاۋ ەرەن  بازارىنىڭ قوجايىنى حان دۇڭليڭ:   «بۇرىن ماڭىمىزداعى كومىر ساتاتىندار توڭىرەگىمىزدى ۇزاق جىلدار بويى لاستاپ كەلدى، جەل سوقسا بولدى، كومىردىڭ قارا ءتۇستى توزاڭى شار تاراپتى شارپيتىن ەدى» دەدى.

  ءدوربىلجىن اۋداندىق باقىلاۋ-تەكسەرۋ ۇلكەن اترەتىنىڭ ورتا  اترەت باستىعى پۋ شياڭچاۋدىڭ  تانىستىرۋىنا نەگىزدەلگەندە،ەكى جىلدىڭ الدىندا اۋدان قالاشىعىندا  كومىردى بىتىراندى ساقتاۋ (ساتۋ) الاڭىنان 43 ى بار بولىپ، تيجارات جۇرگىزۋشىلەردى باسقارۋ ويداعىداي بولماعاندىقتان، ساقتالعان كومىر  وزدىگىنەن جانىپ، توڭىرەگىنىڭ ورتا تازالىعى مەن جالپى تۇلعالىق وبرازىنا اۋىر ىقپال كورسەتىپ كەلگەن ەكەن.

  2018 -جىلى 5-ايدا ءدوربىلجىن   اۋدانى 6 ميلليون يۋان قارجى قوسىپ، اۋدان قالاشىعىنان 3 كيلومەتر قاشىقتىقتاعى تەمىر جولدىڭ باتىسىنان  (بۇرىنعى اۋداندىق ءجۇن توقىماشىلىعى فابريكاسى) 73 مۋ جەردى يەلەيتىن كومىر ساۋدا بازارىن سالدى. سول جىلى 9-ايدا پايدالانۋعا بەرىلگەننەن كەيىن، وسىندا ىرگە تەپكەن كومىر تيجاراتىمەن شۇعىلداناتىن 43 ورىندى جۇمىس جۇرگىزۋ، اسحانا، مونشاحانا، جاتاق سياقتى قىزمەت وتەۋ قۇرىلعىلارىمەن ءبىرتۇتاس قامدادى. 170 مىڭ يۋان قارجى قوسىپ، جەر تارازى    ورناتىپ،ءبىرتۇتاس تارازىدان وتكىزىپ ساۋداعا سالدى ءارى ءوندىرۋ، تاسىمالداۋ، ساتۋداعى بارلىق بۋىنداردى باقىلاپ-باسقارىپ،ولشەمگە تولمايتىن ناشار كومىردى ساۋدالاۋعا جانە   پايدالانۋعا تيىم سالىپ، بۇقارا مەن ءتۇيىندى كومىر پايدالاناتىن ورىنداردىڭ تولىمدى كومىردەن پايدالانۋىنا كەپىلدىك ەتىپ، اتموسفەرانى لاستايتىن زاتتاردى شىعارۋدىڭ جالپى مولشەرىن ازايتتى.

  كومىر ساۋدا بازارىن قۇرىپ،   ءدوربىلجىننىڭ تۇرعىندارىن كومىر  توزاڭىنا قوش ايتتىردى ءارى كومىر بازارىنىڭ جۇيەلى، ءتارتىپتى، اقاۋسىز دامۋىن جەبەدى.

  ءدوربىلجىن اۋدانى كومىر ساۋدا بازارىنىڭ تارازىشىسى چۋان كايرۇڭ:  «كومىر ساۋدا بازارى اينالىمعا تۇسكەن ءبىر جىلعا جۋىق ۋاقىتتان بەرى   باعاسىن باعا مەكەمەسى ماۋسىم سايىن تۇراقتاندىرىپ، ساپاسىن بازاردا ارناۋلى ادام باقىلاپ-باسقارادى، قازىرگە  دەيىن ساتىلعان 150 مىڭ توننادان ارتىق كومىردەن سالماعى جەتپەي قالۋ سياقتى ەشقانداي ماسەلەلەر بايقالمادى» دەدى.

  كومىر بازارىن شوعىرلى باسقارۋ جونىندە كومىر تيجاراتىمەن شۇعىلدانعانىنا 25 جىل بولعان ءدوربىلجىن قالاشىعى چياۋدۇڭ الەۋمەتتىك اۋماعىنىڭ تۇرعىنى ۋ دىحۋ قۋانىشتى تۇردە: «كومىر بازارىنا بارىپ كومىر ساتقاننان بەرى، بازار ورتاسى جاقسى بولىپ قانا قالماستان،ءبىزدى كوپتەگەن  ۋايىمنان ارىلتىپ، ساۋدامىز بۇرىنعىدان دا جاندانا ءتۇستى. بيىل 200 توننادان ارتىق كومىر ساتىپ، وتكەن جىلعىدان ءبىر ەسە ارتتى» دەدى.

  ساناققا نەگىزدەلگەندە، كومىر  بازارىنىڭ سالىنىپ اينالىمعا ءتۇسۋى كومىر ۇنتاعىنىڭ توزاڭدانىپ لاستاۋىنان ءونىمدى ساقتانىپ جانە جونگە   سالىپ، ءدوربىلجىن اۋدان قالاشىعىنىڭ اۋا ساپاسىنىڭ باستان-اياق تاماشا  ورەنى ساقتاۋىنا مۇمكىندىك جاراتىپ، اۋا ساپاسىنىڭ تاڭداۋلى بولۋ سالىستىرماسى %99.8 تەن جوعارى بولعان ەكەن.

 
رەداكتورى : ارداق كامالقان قىزى
 
تورابىمىزدان ماقالا كوشىرەتىن بولساڭىز، توراپ اتىن بەرىپ قويۋدى ۇمىتپاڭىز، بولماسا زاڭدىق جاۋاپكەرلىگىن قۋزاستىرامىز.
مىسالى: «تارباعاتاي اقپارات تورابىنان» الىندى

كەلۋ قاينارى: http://www.elarna.net/koru.php?tur=63&id=1034214

پىكىرلەر:

juz dep sifirmen jazingiz.