كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-082923931263 %37 %
2019-12-092218827250 %50 %
2019-12-1037689245 %55 %

اقتوبە وبلىسىندا تاريحي ەسكەرتكىشتەردەگى ەپيگرافيالىق ماتىندەر زەرتتەلدى - قازاقستان جانە الەمدەگى سوڭعى جاڭال


ءتۇرى: 24.kz اقپاراتتارى

ۋاقىتى: 11:40 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
اقتوبە وبلىسىندا تاريحي ەسكەرتكىشتەردەگى ەپيگرافيالىق ماتىندەر زەرتتەلدى


اقتوبە وبلىسىنداعى تاريحي ەسكەرتكىشتەر مەن كونە قورىمدارداعى ەپيگرافيالىق ماتىندەر زەرتتەلدى، دەپ حابارلايدى «حابار 24».

رامازان سۇلەيمەنوۆ اتىنداعى شىعىستانۋ ينستيتۋتىنىڭ ەكسپەديتسيالىق توبى ءوڭىردىڭ جەتى اۋدانىندا بولىپ، تاسقا قاشالعان جازۋلاردى وقىدى. زەرتتەۋ جۇمىستارى بارىسىندا ەل قورعاعان باتىرلار مەن قالىڭ قاۋىمعا ۇلگى بولعان تۇلعالار جانە يشان، حازىرەتتەردىڭ باسىنداعى ورنەكتەر تىركەلدى. جالپى عالىمدار 8 قورىمنىڭ اينالاسىنان ماتىندەر تاڭبالانعان 330-دان استام تاس تاپقان. ونى وقۋ بارىسىندا، جەرلەنگەن ادامنىڭ رۋ-تايپالارى، ءتىپتى كەيبىرىنىڭ قوعامداعى ءرولى انىقتالىپتى. قوبدا اۋدانداعى 14-15-عاسىرلاردان قالعان ابات بايتاق كەسەنەسىنىڭ ماڭىنداعى 200-دەن استام قۇلپىتاسقا، قارعالى وزەنىڭ بويىنداعى 17-عاسىردىڭ ەسكەرتكىشى قىزىلتامعا، سونداي-اق، مۇعالجار اۋدانىنداعى جۇبانوۆتار اۋلەتىنىڭ قورىمىنداعى كونە جازبالارعا اسا ءمان بەرىلگەن. بۇل جۇمىستار «ۇلى دالانىڭ تاريحى مەن مادەنيەتى» اتتى عىلىمي باعدارلاما اياسىندا جۇزەگە استى. نەگىزگى ماقسات – دۇنيەجۇزىلىك ەپيگرافيالىق ەسكەرتكىشتەردى ساقتاۋ قورىنا ەلىمىزدەن بىرەر ورىندى انىقتاۋ. عالىمداردىڭ ەندىگى ساپارى وزگە وڭىردە جالعاسپاق.   

باعدات دۇيسەنوۆ، ر. سۇلەيمەنوۆ اتىنداعى شىعىستانۋ ينستيتۋتىنىڭ اعا عىلىمي قىزمەتكەرى:

– 334 تاس وقىلدى. سۋرەتكە ءتۇسىرىلدى. ەندى ونى ءارى قاراي قورىتىپ، ىسكە اسىراتىن جۇمىستار بار. جۇيەلەپ، توپتاستىرۋ دەگەن سياقتى. بۇل جەردەگى تاستاردىڭ بارلىعى باسقا وبلىستارعا قاراعاندا كوىنە ارحيتەكتۋرالىق جاعىمەن ەرەكشە كوزگە تۇسەدى. وتە كوركەم بەينەلەنگەن.


كەلۋ قاينارى: http://www.elarna.net/koru.php?tur=38&id=1034182

پىكىرلەر:

juz dep sifirmen jazingiz.