كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-0566971342055 %45 %
2019-12-0628711318864 %36 %
2019-12-071420583357 %43 %

نۇر-سۇلتان ورتالىق ازيادا ءبىرىنشى بولىپ HPAIR Asia 2019 كونفەرەنتسياسىن وتكىزەدى


ءتۇرى: قازاقپارات جاڭالىقتارى

ۋاقىتى: 11:39 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.

نۇر-سۇلتان. قازاقپارات – 16-20 تامىز ارالىعىندا ەلوردادا الەمدەگى ەڭ ۇلكەن ستۋدەنتتىك جوبالاردىڭ ءبىرى – HPAIR Asia 2019 كونفەرەنتسياسى وتەدى، دەپ حابارلايدى قازاقپارات ءتىلشىسى.

گارۆارد ۋنيۆەرسيتەتىنىڭ ونەر جانە عىلىم مەكتەبى مەن نازارباەۆ ۋنيۆەرسيتەتىنىڭ ستۋدەنتتەرى بىرلەسىپ ۇيىمداستىراتىن كونفەرەنتسيا بۇكىل ازيا-تىنىق مۇحيتى ايماعىنداعى حالىقارالىق ماسەلەلەردى قوزعايدى.

نازارباەۆ ۋنيۆەرسيتەتىندە بولاتىن الداعى كونفەرەنتسيانىڭ نەگىزگى تاقىرىبى – «وزگەرىستەرگە ۇمتىلىس». وسى ءىس-شارا اياسىندا 6 ءتۇرلى باعىتتاعى سەمينار مەن پلەنارلىق سەسسيا وتەدى. اتاپ ايتقاندا، عالامدىق جانە ەكونوميكا، كوركەمونەر، بۇقارالىق اقپارات قۇرالدارى مەن مادەنيەت، الەۋمەتتىك ساياسات جانە ادىلەت، ەنەرگەتيكا جانە ەكولوگيالىق تۇراقتىلىق، باسقارۋ جانە گەوساياسات، عىلىمي تەحنولوگيالار تاقىرىبى قاۋزالادى.

دەسە دە، كونفەرەنتسيانىڭ نەگىزگى تاقىرىبى – تسيفرلاندىرۋ نەمەسە تسيفرلىق تۇرلەندىرۋگە بايلانىستى بولماق. تسيفرلاندىرۋدىڭ سوڭعى تەندەنتسياسى دەرەكتەر مەن تەحنولوگيالار الەمى ءۇشىن جاڭا تاراۋدى باستاعانى ءمالىم. مەملەكەتتىك جانە جەكە دەڭگەيدە جۇزەگە اسىرىلاتىن ستراتەگيالار كوبىنەسە دەرەكتەردەن باستاۋ الادى.

«وسى كونفەرەنتسيانىڭ ماقساتى – ترانسفورماتسيا، سانامىزدى وزگەرتۋ جانە ءداستۇرلى ادىستەردەن الىستاۋ، سونىمەن قاتار، جاڭا ساندىق تەحنولوگيالاردى قولدانا وتىرىپ دامۋدىڭ جاڭا دەڭگەيىنە كوشۋ»،- دەيدى ۇيىمداستىرۋشىلار.

«العاشىندا HPAIR Asia 2019 كونفەرەنتسياسىن قازاقستاندا وتكىزۋ ماقساتىندا بىلتىر 5 ادامنان تۇراتىن كىشىگىرىم توپ قۇرىلعان بولاتىن. ءبىراق، قازىرگى تاڭدا ول توپ تولىقتىرىلىپ، بۇگىندە ۇيىمداستىرۋشى كوميتەتتىڭ قۇرامىنا نازارباەۆ ۋنيۆەرسيتەتىنىڭ 28 ستۋدەنتى ەندى. بۇل جوبانى ىسكە اسىرۋ بارىسىندا وتە اۋقىمدى جۇمىس جۇرگىزىلدى. العاشقى جارتى جىلدا توبىمىز حالىقارالىق كونفەرەنتسيانى ەلورداعا الىپ كەلۋ ءۇشىن ءوتىنىش وتكىزدىك. قازاقستاننان باسقا سينگاپۋر، جاپونيا، قىتاي، تايۆان ەلدەرى سەكىلدى بىرنەشە مەملەكەت ءوتىنىش بىلدىرگەن بولاتىن. الايدا شەشۋشى كەزەڭگە قازاقستان مەن قىتاي ءوتتى. اقىرى، وسى جىلدىڭ اقپان ايىندا قازاقستاننىڭ جەڭىسكە جەتكەنى بەلگىلى بولدى»، - دەدى HPAIR Asia 2019 كونفەرەنتسياسىنىڭ اتقارۋشى ديرەكتورىنىڭ ورىنباسارى ىرىمگۇل ىبرايىموۆا نازارباەۆ ۋنيۆەرسيتەتىندە وتكەن ءباسپاسوز ماسليحاتىندا.

كونفەرەنتسياعا حالىقارالىق كومپانيالاردىڭ باسشىلارى، بەلگىلى ىقپالدى ادامدار، ءتۇرلى سالاداعى قوعام قايراتكەرلەرى كەلگەلى وتىر. ولاردىڭ قاتارىندا UNICEF كورەيا پرەزيدەنتى، دوكتور سونگ سان حەن، ءۇندىستاننىڭ ەكس-سىرتقى ىستەر ءمينيسترى نيرۋپاما راو، تاياۋ شىعىستاعى جانە سولتۇستىك افريكاداعى عالامدىق نارىقتار بويىنشا Standard Chartered ءBank-تىڭ ەكس-باسشىسى دەنيەل اتستسي، نوبەل سىيلىعىنىڭ لاۋرەاتى راە كۆون چۋنگ، McKinsey & Company كومپانياسىنىڭ اعا سەرىكتەسى جانە McKinsey دۇنيەجۇزىلىك ينستيتۋتىنىڭ ديرەكتورى دجوناتان ۆوتتسەل، World Bank Group-تىڭ باس تەحنيكالىق ديرەكتورى لەسلي گو، وڭتۇستىك-شىعىس ازياداعى سينگاپۋردان شىققان Bain & Company سەرىكتەسى تيلل ۆەستەرينگ، حالىقارالىق ۆاليۋتا قورىنىڭ ازيا-تىنىق مۇحيتى ايماقتىق كەڭسەسىنىڭ ديرەكتورى چيكاحاسا سۋمي، يندونەزيا ينفراقۇرلىم ينستيتۋتىنىڭ ءتوراعاسى جانە يندونەزيانىڭ ەكس-قارجى ءمينيسترى چاتيب باسري، ۆاشينگتونداعى CNN، نيۋ-يوركتەگى ABC News، ستانبۇلداعى News News Asia، بەرليندەگى Deutsche Welle TV بار. ال قازاقستان تاراپىنان بۇرىنعى ءبىلىم جانە عىلىم ءمينيسترى ەرلان ساعاديەۆ، قر سىرتقى ىستەر ءمينيسترىنىڭ ورىنباسارى ەرجان اشىقباەۆ، حالىقارالىق قاتىناستار جونىندەگى قازاقستاندىق كەڭەستىڭ ديرەكورى ەسكەندىر اقىلباەۆ، نۇر-سۇلتان قالاسىنىڭ اكىمى التاي كولگىنوۆ جانە ت.ب تۇلعالار ءسوز سويلەيدى.

ۇيىمداستىرۋشىلاردىڭ ايتۋىنشا، كونفەرەنتسيانىڭ وتكىزىلۋىنە «كازتسينك» جشس، ERG، Chevron جانە Microsoft كومپانيالارى قولداۋ ءبىلدىرىپ وتىر. كونفەرەنتسيا ستۋدەنتتىك سيپاتتا بولعاننان كەيىن تانىمال سپيكەرلەردىڭ ءبارى تەگىن كەلەتىن كورىنەدى.


كەلۋ قاينارى: http://www.elarna.net/koru.php?tur=3&id=1034180

پىكىرلەر:

juz dep sifirmen jazingiz.