كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-18525278840 %60 %
2019-08-19580345151 %49 %
2019-08-20389195264 %36 %

اقش: قولدان جاسالعان اپوكاليپسيس نەمەسە راديو قويىلىم سالدارى ءبىز ءسىزدى جارقىن الەمگە جەتەلەيمىز! بىزگە قوسى


ءتۇرى: ماسساگەت ماقالالارى

ۋاقىتى: 10:45 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version. اقش: قولدان جاسالعان اپوكاليپسيس نەمەسە راديو قويىلىم سالدارى ءبىز ءسىزدى جارقىن الەمگە جەتەلەيمىز! بىزگە قوسىل! ءبىز ءسىزدى جارقىن الەمگە جەتەلەيمىز! بىزگە قوسىل!


اقش: قولدان جاسالعان اپوكاليپسيس نەمەسە راديو قويىلىم سالدارى

81 جىل بۇرىن اكتەر ءارى رەجيسسەر ورسون ۋەللس گەربەرت ۋەللستىڭ "الەم شايقاسى" اتتى رومانىنىڭ جەلىسى بويىنشا راديو قويىلىم قويعان بولاتىن.

"جاقىن كۇندەرى اۋا تەمپەراتۋراسىندا ايتارلىقتاي وزگەرىستەر بولمايدى"،- دەپ اياقتالعان اۋا-رايى بولجامىنان سوڭ ەفيرگە رامون راكەللو وركەسترىنىڭ ورىنداۋىنداعى "La Cumparsita" سيمفونياسى بەرىلەدى. بۇل 1938 جىلدىڭ 30 قازانى بولاتىن. CBS راديوسىنىڭ كەشكى ەفيرى ادەتتەگى ستسەناري بويىنشا ءجۇرىپ جاتقان ەدى. كەنەت ديكتور:— "حانىمدار مەن مىرزالار، ىرعاقتى اۋەندەرگە تولى باعدارلامامىزدى ارنايى حابارلاما ءۇشىن ۇزەمىز… چيكاگولىق زەرتتەۋ ورتالىعى مارستىڭ بەتكى قاباتىندا ورىن العان ءىرى جارىلىستاردى بايقادى. ءقازىر عالىمدار جەرگە جاقىنداپ كەلە جاتقان وتتى شاردى باقىلاۋ ۇستىندە".

ۋايىمدايتىن ەشتەڭە جوق سەكىلدى. ەفيرگە پرينستوننان كەلگەن پيرسون پروفەسسورى شىعىپ بۇل قۇبىلىستى تۇسىندىرە المايتىنىن، ءبىراق تۇرعىندارعا قاتەر ءتونىپ تۇرماعانىن ايتادى. ەفير قايتادان ىرعاقتى انمەن جالعاسادى.

كەنەت… قايتادان حابارلاما كەلەدى: نيۋ-دجەرسيدەگى ءبىر قوجالىققا بەلگىسىز ءبىر زاتتىڭ تۇسكەنىن، ول جەر سىلكىنىسى مەن ۇلكەن ءورتتىڭ تۋىنداۋىنا سەبەپ بولعانىن ايتادى. جەرگە مەتەوپيت قۇلاعان شىعار دەگەن بولجام دا بولادى. CBS ءتىلشىسى فيليپس ويلانباستان وقيعا ورنىنا اتتانادى.

سول ۋاقىتتا راديو تىڭداپ وتىرعاندار بار جۇمىسىن تاستاپ، نازارلارىن تەك جاڭالىقتارعا اۋدارادى. جەلى اۋديتورياسى مينۋت سايىن ارتا تۇسەدى. وقيعا ورنى جەتكەن فيليپس وسى ۋاقىتقا دەيىن مەتەوريتتى كورمەسە دە، جەرگە تۇسكەن زات ادەتتەگى مەتەوريتتەردەن ەرەكشە ەكەندىگىن جەتكىزەدى.
ۇلكەن مەتالل ءتسيليندرىنىڭ دوڭگەلەگى بار. بۇنى بوگدەعالامشارلىقتاردىڭ كەمەسى دەپ اتايدى. كەمە اشىلا سالىسىمەن ىشىنەن بەلگىسىز بىرەۋلەر شىعادى. قولىنداعى تاياق سەكىلدى قۇرىلعىدان جارىق شىققان ساتتە اينالاسىنداعى ادامدار جوعالا باستايدى. مۇنىڭ ءبارىن بايانداپ تۇرعان فيليپس بولاتىن. ول ءسوزىن "مۇمكىن ەمەس، ءبىز ءبارىمىز ولەمىز!" دەپ اياقتايدى.

كەيىن بەلگىلى بولعانداي، ەفيردى التى ميلليونعا جۋىق ادام تىڭداعان. مارستان كەلگەندەر بىرتىڭدەپ سەنت-لۋيس، چيكاگو مەن نيۋ-يوركتى باسىپ الادى. ۇلتتىق اسكەردى قۇرتىپ، اۋانى توكسيندى گازبەن ۋلايدى دەگەن حابار دا جەتەدى.

حالىقتان تىنىشتىق ساقتاۋىن سۇراپ ەفيرگە مەملەكەتتىك حاتشى شىققان كەزدە تۇرعىنداردىڭ قورقىنىشى شەكتەن شىققان ەدى. پوليتسيا بولىمشەسىنە گازعا قارسى قۇرىلعى مەن قارۋ جاراق بەرۋدى تالاپ ەتىپ، شابۋىلداعاندار سانى ارتتى. ۇيلەرىن تاستاپ، ءتىپتى، ۇيىقتار الدىندا كيەتىن كيىممەن كولىككە مىنە سالىپ باسى اۋعان جاققا قاشقاندار كوبەيدى. جولداعى كەپتەلىس بىرنەشە كيلومەترگە جەتتى. كۇندەلىكتى ءومىر ءبىر-اق ساتتە وزگەرىپ شىعا كەلدى.

CBS ديكتورى 40-شى مينۋتتا ەفيردە گەربەرت ۋەللس رومانىنىڭ جەلىسى بويىنشا راديو قويىلىمنىڭ ءجۇرىپ جاتقانىن ايتتى. ءبىراق، وعان ءمان بەرگەن ەشكىم بولمادى.

ال ەفير اياعىندا قايتا ورالعان پيرسون تۇرعىنداردى "حەللوۋين" مەرەكەسىمەن قۇتتىقتادى. ونىڭ ءرولىن ورسون ۋەللس سومدادى. سول ۋاقىتتا ونىڭ جاسى نەبارى 23-تە بولاتىن. ول Mercury Theatre اتتى تەاتردىڭ قويۋشى رەجيسسەرى قىزمەتىن اتقارعان. مىنا بولىپ جاتقان بارلىق وقيعانىڭ باستى سەبەپكەرى تۇعىن.

Картинки по запросу The War of the Worlds (1938 radio drama)

تىڭدارماندار مۇنىڭ حەللوۋين مەرەكەسى قارساڭىنداعى قويىلىم عانا ەكەنىن ۇققانشا "شاعىن اپوكاليپسيس" ەلدىڭ استان كەستەڭىن شىعارىپ ۇلگەرگەن بولاتىن. شۋ بۇدان كەيىن دە باسىلا قويمادى: گازەتتە ماقالالار، وسەكتەر مەن سول ۋاقىتتا وز-وزىنە قول سالعاندار ءۇشىن جاۋاپكەرشىلىكتى CBS مەن ورسون ۋەللستىڭ موينىنا جۇكتەۋ يدەياسى قوزعالدى. ءبىراق، ءبارى ناتيجەسىز اياقتالدى.



كەلۋ قاينارى: http://www.elarna.net/koru.php?tur=41&id=1034155

پىكىرلەر:

juz dep sifirmen jazingiz.