ەل-ارنا قولفون

مۇنداي مالىمدەمە بۇۇ قىزمەتكەرلەرىنىڭ بەنگازيدەگى جارىلىس سالدارىنان قازا تابۋىنان سوڭ جاسالدى. اتالعان ۇيىمنىڭ باس حاتشىسى انتونيۋ گۋتەرريش لاڭكەستىك ارەكەتتى قاتاڭ ايىپتاپ، كوز جۇمعانداردىڭ وتباسىلارى مەن جاقىندارىنا كوڭىل ايتتى. ەسكە سالساق، جۋىردا قۇربان ايت كەزىندە ۋاقىتشا وق اتپاۋ تۋرالى كەلىسىمگە كەلۋ ءۇشىن ليۆياعا بۇۇ-نىڭ قىزمەتكەرلەرى بارعان ەدى. الايدا وتكەن سەنبىدە وڭىردەگى جاعدايدى رەتتەۋگە كەلگەن مامانداردىڭ كولىگى مينادان جارىلدى. سالدارىنان بەنگازي قالاسىندا ۇيىمنىڭ ءۇش قىزمەتكەرى كوز جۇمىپ، ونشاقتى ادام زارداپ شەكتى. جالپى بۇگىندە تريپوليدەگى فايز سارادج ۇكىمەتى مەن گەنەرال حاليفا حافتار اسكەرى اراسىندا سوعىس ءجۇرىپ جاتىر. بيلىككە تالاستان تۋىنداعان قاقتىعىستان وڭىردە مىڭنان استام ادام قازا تاپتى. تاعى 5 جارىم مىڭ تۇرعىن ءتۇرلى جاراقات العان.