كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-16532315249 %51 %
2019-08-17559439538 %62 %
2019-08-18331171843 %57 %

جۇڭگونىڭ كيىم-كەشەكتەرى «كورەيانىكى» دەپ ساتىلدى


ءتۇرى: جۇڭگو قازاق راديو تورابى

ۋاقىتى: 09:00 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
اۋەلگى كەلۋ قاينارى: http://www.kazakcnr.com/tplb/201908/t20190813_1354051.html

مەملەكەت ىشىندەگى ەلەكتىروندى ساۋدا تەكشەسىندە، وڭتۇستىك كورەيا دۇڭدامىننان كەلگەن ماركالى كيىم-كەشەكتەردى ءجيى كەزدەستىرۋگە بولادى. الايدا، تاياۋدان بەرى، وڭتۇستىك كورەيا كەدەن باجى مەڭگەرمەسى وڭتۇستىك كورەيانىڭ دۇڭدامىن ماركالى كيىمىن جالعاننان جاساپ، جۇڭگو تۇتىنۋشىلارىنا باعا قوسىپ ساتىپ بەرەتىن جۇڭگودا وندىرىلگەن كيىمدەردى تەكسەرىپ ءمۇسادىرالادى. ال وسى كيىمدەردىڭ قۇنى 30 ميلليون يۋاننان اسادى.

وڭتۇستىك كورەيانىڭ دۇڭدامىن كيىم - كەشەك تولايىم ساتۋ ساۋدا رايونىندا، ٴار جولى ٴتۇن ورتاسىندا وڭتۇستىك كورەيانىڭ كوپتەگەن ماركالى كيىمدەرى وسى ارادان دۇنيەنىڭ جەر - جەرىنە ساتىلادى. الايدا وڭتۇستىك كورەيا كەدەن باجى مەڭگەرمەسى جۋىردا مىنانى بايقادى: كەيبىرەۋلەر دۇڭدامىن قىزمەت كەڭسەسىندە، جۇڭگودان تومەن باعادا ساتىپ العان كيىم - كەشەكتەردىڭ «جۇڭگودا جاسالعان» بەلگىسىن قيىپ تاستاپ، ونى «كورەيادا جاسالعان» دەپ وزگەرتىپ، كەدەنگە مالىمدەمەگەن جاعدايدا اتكەزشىلىكپەن شەكارادان شىعارىپ، جۇڭگوعا تاسىمالداپ جۇڭگونىڭ ەلەكتروندىق ساۋدا تەكشەسىندە ساتقان.

ٴتىلشىنىڭ وڭتۇستىك كورەيا كەدەن سالىعى مەڭگەرمەسىنەن ۇعىسۋىنشا، دەلوعا قاتىستى 4 قىلمىس كۇماندىسى تۇگەلدەي جۇڭگونىڭ مەملەكەت قاراستىلىعىندا ەكەن، ولار ىلگەرىندى-كەيىندى ەلەكتروندى ساۋدا تەكشەسىندە 200 مىڭنان استام جۇڭگو تۇتىنۋشىلارىنىڭ زاكازىن قابىلداعان. كيىمدەردىڭ اۋەلگى ماركا بەلگىلەرىن قيىپ الۋ، تاۋار وندىرىلگەن جەردىڭ اتىن جالعاننان جازۋ كۇمانى تاعىلعاننان سىرت، جۇڭگو تۇتىنۋشىلارىنا كيىم - كەشەك جەتكىزىپ بەرگەندە، دەلوعا قاتىستى ادامدار تاسىمال تالونى قاتارلى قۇجاتتارداعى مازمۇنداردى جالعاننان جاساپ، تاسىمالداعان زاتتاردى تاۋار قۇنى جوق زات رەتىندە كەدەننەن وتكىزىپ، جوعارى كەدەن سالىعىنان قاشقالاقتاعان.

تاياۋدا وڭتۇستىك كورەيا كەدەن سالىعى مەڭگەرمەسى وسى ٴتورت كۇماندى ادامدى پروكۋراتۋرا ورگانىنا تاپسىرىپ بەردى، ۇعىسۋعا قاراعاندا، ولار 2017 – جىلى 9-ايدان 2019 – جىلى 1-ايعا دەيىن ىلگەرىندى – كەيىندى 173 رەت جۇڭگوعا 460 مىڭ پارشا كيىم – كەشەك تاسىمالداعان، زاتتىڭ جالپى سالماعى 139 توننا، قۇنى 5 ميلليارد 400 ميلليون كورەيا اقشاسى، شامامەن 31 ميلليون 500 مىڭ يۋان حالىق اقشاسىنا بارابار بولعان، وسىنداي ساۋدامەن شۇعىلدانۋدا 220 ميلليون كورەيا اقشاسى مولشەرىندە زاڭسىز پايدا العان، ياعني، شامامەن ٴبىر ميلليون 290 مىڭ يۋان حالىق اقشاسىنا بارابار بولعان.

وڭتۇستىك كورەيا كەدەن سالىعى مەڭگەرمەسى ەرەكشە تەكسەرۋ ٴبولىمىنىڭ باستىعى لي دۇڭشيان بىلاي دەيدى: كەدەننەن ٴوتۋ قارقىنىن جوعارىلاتۋ ٴۇشىن، وڭتۇستىك كورەيا قازىر قاراپايىم ەكسپورت ەتۋ ٴتۇزىمىن اتقارۋ جانە تەكسەرۋ اقىسىن تومەندەتۋ سياقتى شارالاردى قولدانىپ وتىر، بۇل دەلوداعى كۇماندى ادام وسى تۇيىننەن پايدالانىپ، تاۋاردىڭ قۇنىن 0 يۋانعا بەلگىلەپ، اتكەزشىلىك ىستەگەن.

بيىل 6 ـ ايدا وڭتۇستىك كورەيانىڭ ٴبىر جوبالاۋشىسى جۇڭگونىڭ كيىم ـ كەشەگىن تومەن باعادا ساتىپ الىپ، كيىم ماركالارىن قيىپ العان سوڭ كوريانىڭ ماركالى كيىم ـ كەشەگىن جالعاننان جاساپ، وڭتۇستىك كورەيا بازارىندا جوعارى باعامەن ساتىپ، ودان 700 ميلليون كورەيا اقشاسى زاڭسىز پايدا الىپ، حالىق اقشاسىنا شاققاندا 2 ميلليون 200 مىڭ يۋان پايدا تاپقان.

كيىم بەلگىسىن قيىپ الىپ تاستاۋ، كيىم ـ كەشەك اتكەزشىلىگى سياقتى دەلولار ٴجيى تۋىلعاندىقتان، وڭتۇستىك كورەيا كەدەن سالىعى مەڭگەرمەسى بيىل 10-ايدان بۇرىن وڭتۇستىك كورەيانىڭ كيىم ـ كەشەك زاۆودى، زات اينالىمى ورتالىعى، اۋەجاي سياقتى جەرلەردە يمپورت-ەكسپورت كيىم ـ كەشەكتەرىنىڭ وندىرىلگەن جەرىن باسقارۋدى كۇشەيتەتىندىگىن، سونىمەن بىرگە تەكسەرۋ مولشەرىن جوعارىلاتۋ سياقتى تاسىلدەر ارقىلى اتكەزشىلىك ارەكەتتەرىنە قاتاڭ سوققى بەرىپ، وڭتۇستىك كورەيانىڭ كيىم ـ كەشەك بازارىنىڭ ٴتارتىبىن قورعايتىندىعىن ٴبىلدىردى .

حالىق گازەتى ۋيچات تەكشەسىنەن

اۋدارعان: قۋات جۇماش ۇلى


كەلۋ قاينارى: http://www.elarna.net/koru.php?tur=37&id=1034139

پىكىرلەر:

juz dep sifirmen jazingiz.