كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-18525278840 %60 %
2019-08-19580345151 %49 %
2019-08-20389195264 %36 %

وتاندىق كينووندىرىس: مۇڭى مەن ءمىنى - قازاقستان جانە الەمدەگى سوڭعى جاڭالىقتار


ءتۇرى: 24.kz اقپاراتتارى

ۋاقىتى: 08:40 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
وتاندىق كينووندىرىس: مۇڭى مەن ءمىنى


ەلوردادا «استانا فيلم» كينوورتالىعى سالىنادى دەگەن اقپارات شىققان بولاتىن.

كەيىن باق وكىلدەرى «قازاقفيلمگە» ۇقساس جاڭا كينوستۋديانىڭ قۇرىلىسى كەيىنگى شەگەرىلدى دەگەن اقپارات تاراتتى. جاڭا جوبا وتاندىق كينويندۋسترياعا قالاي اسەر ەتەدى. سالانىڭ دامۋىن نە تەجەپ تۇر.

وتاندىق فيلمدەردىڭ 95% الماتىدا تۇسىرىلەدى. وسى رەتتە قازاقستانعا جاڭا كينوورتالىق قاجەت پە؟ وتاندىق كينويندۋستريانى دامىتۋ ءۇشىن نە ىستەۋ كەرەك؟ ونىڭ جاۋابىن سالا ماماندارىنان سۇراپ كوردىك. پروديۋسەر ەرنار قۇرماشەۆ، ەلىمىزدە جاڭا ستۋديالاردى سالعانشا، وڭىرلەردە كينوتەاترلاردىڭ سانىن ارتتىرۋ قاجەت دەپ ەسەپتەيدى.

ەرنار قۇرماشەۆ، كينوپروديۋسەر:

– كينوزالداردىڭ جەتىسپەۋىنەن كىرىس كولەمى از بولىپ تۇر. بۇل مەملەكەت قارجىسى ەسەبىنەن تۇسىرىلەتىن فيلمدەرگە دە، جەكە ينۆەستورلاردىڭ قارجىسىنا تۇسىرىلگەن فيلمدەرگە دە قاتىستى. سالاداعى نارىق كولەمى 50 ميلليون دوللار شاماسىندا عانا.

الماتىنىڭ تاعى ءبىر ارتىقشىلىعى – كليماتىندا. ءوڭىردىڭ گەوگرافيالىق ەرەكشەلىگى – قىستا قۇمدى جەردە، جازدا قار باسقان تاۋدىڭ باسىندا ءتۇرلى تۋىندى تۇسىرۋگە مۇمكىندىك بەرەدى. ال ەلورداداعى اۋا رايى كەرىسىنشە. باس قالانىڭ قىسى قارلى، ۇزاق، جازدا جەل. بۇل دالاداعى تۇسىرىلىمدەردىڭ ساپاسىنا اسەر ەتەدى.

الەكساندرا پورشنەۆا، كينوسىنشى:

– مەن كينوستۋديالار مەن كينوتەاترلاردىڭ قۇرىلىسىنا قارسى ەمەسپىن. ماسەلە ولاردىڭ سالىنۋىندا ەمەس، قالاي جۇمىس ىستەيتىندىگىندە. جاڭا نىسانداردىڭ نارىققا اسەرى قانداي بولماق، سول ماڭىزدى. ەگەر استانالىق كينوورتالىق سوڭعى ۋاقىتتاعى «قازاقفيلم» سياقتى ءبىرسارىندى بولسا، ارينە وكىنىشتى.

«وتاندىق كينوونىمدەر بىر-بىرىنە ۇقساس، ءبىر سارىندى. سوندىقتان سالاعا شىعارماشىلىق سەرپىن جەتىسپەيدى»، – دەيدى سىنشىلار. 

الەكساندرا پورشنەۆا، كينوسىنشى:

– وكىنىشكە وراي، كينويندۋستريادا 80-90 جىلداردىڭ سوڭى مەن 2000 جىلداردىڭ باسىندا بولعان جاڭا قازاقستاندىق تولقىن ءقازىر جوق. سوندىقتان كەيىنگى ونىمدەردەگى ايىرماشىلىق شامالى.

ماماندار تەلەفونعا كينو ءتۇسىرىپ جۇرگەن زاماندا، تەحنولوگيالىق مۇمكىندىكتەردىڭ جوقتىعىن ايتۋ بوس ءسوز دەپ ەسەپتەيدى. ءقازىر كەز كەلگەن جولمەن ساپالى ءونىم شىعارۋعا بولادى. تەك وزىڭە جاقىن جانر تاپساڭ بولعانى. ءبىراق ەلىمىزدە تاڭداۋ كوپ ەمەس. قازاقستاندىق كينو سالاسىن كومەديالار مەن كريمينالدى درامالار جاۋلاپ العان.

اۆتورلارى: عازيزا مۇحامەدجانوۆا، مارك بريۋشكو، ەرمەك كەنشىمبەك


كەلۋ قاينارى: http://www.elarna.net/koru.php?tur=38&id=1034135

پىكىرلەر:

juz dep sifirmen jazingiz.