كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-08-18525278840 %60 %
2019-08-19580345151 %49 %
2019-08-2011054158 %42 %

14 تامىز. قازاقپارات كۇنتىزبەسى


ءتۇرى: قازاقپارات جاڭالىقتارى

ۋاقىتى: 07:03 - 2019/08/14

: PDF Download - Жұктеұ - Скачать - ءتۇسىرۋ

elarna.net Printed Version.
14 تامىز. قازاقپارات كۇنتىزبەسى

نۇر-سۇلتان. قازاقپارات - قازاقپارات وقىرماندارىنا 2019 جىلعى 14 تامىزعا ارنالعان كۇنتىزبەسىن ۇسىنادى.

ەستە قالار وقيعالار

1991 جىلى تاشكەنتتە ورتالىق ازيا رەسپۋبليكالارىنىڭ – قازاقستان، قىرعىزستان، تاجىكستان، تۇرىكمەنستان جانە وزبەكستان پرەزيدەنتتەرى كەزدەستى. ونىڭ قورىتىندىلارى بويىنشا وڭىردەگى جاعدايدىڭ ناشارلاۋى، حالىق شارۋاشىلىعىنىڭ بارلىق سالاسىنداعى داعدارىس، الەۋمەتتىك جاعداي مەن ۇلتارالىق قاتىناستاردىڭ شيەلەنىسۋى بويىنشا كومميۋنيكە قابىلداندى.

1992 جىلى قازاقستان رەسپۋبليكاسى مەن گانا رەسپۋبليكاسى اراسىندا ديپلوماتيالىق قارىم-قاتىناستار ورناتىلدى. گانا - قازاقستاننىڭ باتىس افريكاداعى ماڭىزدى سەرىكتەسى، قر ۇكىمەتى ەكى ەل اراسىنداعى قاتىناستاردى نىعايتۋعا كۇش سالىپ كەلەدى.

2004 جىلى قازاقستاندىق جاس رەجيسسەر گۇلشاد وماروۆانىڭ «شيزا» ءفيلمى رەسەي پروكاتىنا شىقتى. رەسەيلىك رەجيسسەر سەرگەي بودروۆ وسى كارتينانىڭ ستسەناريىن جازىستى. فيلمدە جاسىرىن توبەلەس دوداسىن ۇيىمداستىراتىن قىلمىستىق توپقا مۇشە بوزبالا تۋرالى ءسوز بولادى. ءفيلمدى ەۋروپا جۇرتى دا جىلى قارسى الدى. «شيزا» ء57-شى كانن فەستيۆالىندە كورەرمەندەردىڭ العىسىن الدى.

2005 جىلى مەملەكەت باسشىسى نۇرسۇلتان نازارباەۆ قىرعىز استاناسىنداعى قازاقستان ەلشىلىگىنىڭ جاڭا عيماراتىن اشتى.

ەلباسى قىرعىزستاندا قازاقستان رەسپۋبليكاسىنىڭ ەلشىلىگىن اشۋ تۋرالى جارلىققا 1993 جىلعى 9 قاڭتاردا قول قويعان بولاتىن.

2007 جىلى قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ «عىلىم مەن تەحنيكا، ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىقتارى تۋرالى» جارلىققا قول قويدى.

2009 جىلى ءۇندىستاننىڭ دج. نەرۋ اتىنداعى ۋنيۆەرسيتەتىندە قوعامدىق، اناليتيكالىق جانە ستۋدەنتتىك ورتانىڭ جانە جەرگىلىكتى باق-تىڭ قاتىسۋىمەن «زاماناۋي قازاقستان: العا باعىتتالعان جول» اتتى كىتاپتىڭ تۇساۋ كەسۋ ءراسىمى بولىپ وتتى.

كىتاپتا قازاقستاننىڭ جەتەكشى ساراپشىلارىنىڭ ەلىمىزدەگى الەۋمەتتىك-ساياسي جانە ەكونوميكالىق پروتسەستەر تۋرالى ماقالالارى جانە قازاقستان مەن ءۇندىستان اراسىنداعى ەكىجاقتى قارىم-قاتىناستارىنىڭ دامۋى جونىندە جازىلعان. بۇل كىتاپ 2009 جىلدىڭ قاڭتارىندا قازاقستان رەسپۋبليكاسى نۇرسۇلتان نازارباەۆتىڭ ءۇندىستانعا جاساعان مەملەكەتتىك ساپارىنا ورايلاستىرىلعان.

2012 جىلى پاۆلودار مەملەكەتتىك پەداگوگيكالىق ينستيتۋتىنىڭ مۋزىكالىق ءبىلىم كافەدراسىنىڭ 2-كۋرس ستۋدەنتى روزا مۇقاتاەۆا يتاليانىڭ ريميني قالاسىندا وتكەن جاس ەسترادا انشىلەرى فەستيۆالىندە «ەسترادالىق ۆوكال» اتالىمى بويىنشا 1-ورىندى جەڭىپ الدى. ول فەستيۆالدا «كارۋزوعا ارناۋ» ءانىن يتاليان تىلىندە ورىنداپ، كوپتىڭ كوڭىلىنەن شىقتى.

2013 جىلى قازاقستاندا اۆياتسيالىق قاۋىپسىزدىك جونىندەگى حالىقارالىق وقۋ ورتالىعى اشىلدى. وقۋ ورتالىعىن قۇرۋ يكاو-نىڭ قاۋىپسىزدىك جونىندەگى «ISD-Security» باعدارلاماسىن جۇزەگە اسىرۋعا، سونداي-اق قر اۋماعىندا جانە ورتالىق ازيا اۋماعىنىڭ وزگە دە مەملەكەتتەرىندە اۋە تاسىمالىنىڭ قاۋىپسىزدىگىن ارتتىرۋعا باعىتتالعان. بۇل اۋەجايلاردىڭ اۆياتسيالىق قاۋىپسىزدىك قىزمەتى مەن اۆياكومپانيالارعا ماماندار دايارلاۋدى جانە قايتا دايارلاۋدى جۇزەگە اسىرۋمەن اينالىساتىن بۇرىنعى كەڭەستىك وداق كەڭىستىگىندەگى ءۇشىنشى ورتالىق ( كيەۆ پەن ماسكەۋدەن كەيىن).

2016 جىلى بالالار اراسىندا وتكىزىلگەن «جاڭا تولقىن» بايقاۋىندا قازاقستان اتىنان قاتىسقان 11 جاسار جانەل ءسادۋاقاس ۇزدىك ۇشتىككە كىردى جانە وعان كونكۋرس تاريحىنداعى ەڭ ۇلكەن فان-كلۋب ءۇشىن ارنايى جۇلدە بەرىلدى. كونكۋرسقا الەمنىڭ 11 ەلىنەن، سونىڭ ىشىندە، رەسەي، ارمەنيا، لاتۆيا، مالتا، قازاقستان، قىرعىزستان، كورەيا، رۋمىنيا ەلدەرىنەن 8-12 جاس ارالىعىنداعى 15 بالا قاتىستى.

2016 جىلى سارىارقا ارحەولوگيا ينستيتۋتى ارحەولوگيالىق ەكسپەديتسياسىنىڭ قىزمەتكەرلەرى قاراعاندى ماڭىنان بەعازى-داندىباي مادەنيەتىنە (ب.ز.ب. 15-10 عع.) ءتان عاجايىپ باسپالداقتى كەسەنەنى تاپتى. الىپ قورىمنىڭ سىرتقى ءپىشىنى دجوسەر پەرعاۋىننىڭ پيراميداسىن ەسكە سالادى. ەسكەرتكىشتىڭ قۇرىلىسىنا قاراعاندا، ول ءۇش مىڭ جىل بۇرىن سالىنعان. ودان الىنعان ماتەريالدار مەن قۇندى بۇيىمداردىڭ بارلىعى قاراعاندى ۋنيۆەرسيتەتىنىڭ ارحەولوگيا مۋزەيىنە بەرىلدى.

2016 جىلى پاۆلودار وبلىستىق كوركەمونەر مۋزەيىندە بەلگىلى قىلقالام شەبەرى عالىم قارجاسوۆتى (1954-2016) ەسكە الۋ كورمەسى اشىلدى. وعان قويىلعان 60 پولوتنو ەرەكشە دارىن يەسىنىڭ شىعارماشىلىق تۇلعاسىن تانۋعا مۇمكىندىك بەرەدى. عالىم قارجاسوۆ 1998 جىلى پرەزيدەنتتىك سىيلىقتىڭ لاۋرەاتى، «ماستەر-كلاسس قازاقستان-2000» حالىقارالىق ونەر فەستيۆالىنىڭ لاۋرەاتى بولدى. ونىڭ ەڭبەكتەرى ءا. قاستەەۆ اتىنداعى مەملەكەتتىك بەينەلەۋ ونەرى مۋزەيىندە، پاۆلودار، سەمەي، اتىراۋ، قاراعاندى، كوركەمونەر مۋزەيلەرىندە، قازاقستان، فرانتسيا، گەرمانيا، كانادا ازاماتتارىنىڭ جەكە كوللەكتسيالارىندا ساقتاۋلى.

2017 جىلى مۋايتايدان تايلاند كورولدىگىندە وتكەن جاستار جانە جاسوسپىرىمدەر اراسىنداعى الەم چەمپيوناتىندا قازاق سپورتشىلارى 12 مەدال ەنشىلەدى. سايىسقا الەمنىڭ 79 ەلىنەن 1 000 سپورتشى قاتىستى.


كەلۋ قاينارى: http://www.elarna.net/koru.php?tur=3&id=1034125

پىكىرلەر:

juz dep sifirmen jazingiz.