كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-11-111849557649 %51 %
2019-11-121795452839 %61 %
2019-11-133195474366 %34 %

پاريجدەگى ازىق-تۇلىك سالىنعان توڭازىتقىشتاردان تاماقتى تەگىن الۋعا بولادى - قازاقستان جانە الەمدەگى سوڭعى جاڭا


ءتۇرى: 24.kz اقپاراتتارى

ۋاقىتى: 01:00 - 2019/07/12

: PDF Download - Жұктеұ - Скачать - ءتۇسىرۋ

elarna.net Printed Version.



فرانتسيا استاناسىنىڭ كوشەلەرىندە توڭازىتقىشتار پايدا بولدى. قوعام بەلسەندىلەرى مەريامەن بىرلەسىپ جازدىڭ ەڭ ىستىق ايىندا ەرەكشە ءبىر قايىرىمدىلىق شارانى ۇيىمداستىرعان.

كەز كەلگەن ادام ەندى كوشەدە تۇرعان توڭازىتقىشتارعا تاعام سالا الادى. ياعني مۇقتاج جاندار تەگىن ازىق-تۇلىكپەن قامتىلادى.

پاريج قالاسىنىڭ اكىمشىلىگى ازاماتتىق باستامالارعا ۇنەمى قولداۋ كورسەتىپ كەلەدى. جەرگىلىكتى تۇرعىندار ۇسىنعان جوبالاردى جۇزەگە اسىرۋ ءۇشىن جىل سايىن قالا بيۋدجەتىنەن 100 مىڭ ەۋرو بولىنەدى. بيىل ىرىكتەلگەن جوبالاردىڭ ەڭ قىزىعى قايىرىمدىلىق توڭازىتقىشتارى بولدى.

انتۋانەتت گيۋل، پاريج مەرىنىڭ ورىنباسارى:

- بۇل ىسىراپتىڭ بۇكىل تۇرىمەن كۇرەسۋگە ارنالعان تۇيىقتالعان ەكونوميكا باعدارلاماسىندا جازىلعان. ازىق-تۇلىك پەن كيىم بولسىن، ءبىز بۇكىل تابيعي قورلاردىڭ بەيبەرەكەتسىز جۇمسالۋىنا جول بەرمەۋىمىز كەرەك. بۇل ەڭ الدىمەن ەكولوگيالىق جوبا، سونداي-اق ىنتىماققا باعىتتالعان جۇمىس.

قالادا كوشەلەرىندە 40 توڭازىتقىش ورناتىلعان. العاشقىسى ەكى جىل بويى دۋنيا مەبتۋلدىڭ مەيرامحاناسىندا سىنالعان. الەمدى ارالاعان بۇل كىسى ارگەنتينا جانە ساۋد ارابياسىندا وسىنى كورىپ، وتانىندا دا وسى تاجىريبەنى قولدانۋدى ۇسىنعان. كوشەدەگى توڭازىتقىشتار ەڭ الدىمەن كوپ بالالى وتباسىلار، ستۋدەنتتەر مەن باسپاناسىزدارعا قاجەت. 

دۋنيا مەبتۋل، مەيرامحانا يەسى:

- ءبىز ساتۋعا دايىندايتىن تاعامدارىمىزدى قويامىز. كۇنىنە 10 تاباققا دەيىن سالامىز. اسحانامىزدا ازىق-تۇلىكتى بەيبەرەكەت جۇمساماۋعا تىرىساتىن ادامدار ىستەيدى. سول سەبەپتەن ەشنارسەنى قۇر تاستامايمىز. ءبىراق وزگەشە ادىسپەن جۇمىس ىستەيتىن كاسىپكەرلەر بار. ولاردىڭ ساتىلماعان ونىمدەرى قالىپ ءجۇر، سونى توڭازىتقىشقا سالادى.

كوشە توڭازىتقىشتارىنىڭ ءوز جۇمىس ءتارتىبى بار. ولار جۇمىس كۇندەرى كەشكە دەيىن تۇرادى. قاسىنداعى مەيرامحانا مەن دامحانالارمەن قاتار، ولارعا ازىق-تۇلىكتى قالا تۇرعىندارى دا سالىپ ءجۇر. قالا بيلىگى وكىلدەرىنىڭ پىكىرىنشە، بۇل جوبا ازاماتتاردى تاعام ۇنەمدەۋگە ۇيرەتىپ، ەلدەگى ءاربىر التىنشى وتباسى قيىن جاعدايعا دۋشار بولعانىن ەسكە سالادى.

اۆتورلارى: ءاليا سىزدىقوۆا، بەكحان تەپساەۆ


كەلۋ قاينارى: http://www.elarna.net/koru.php?tur=38&id=1022112

پىكىرلەر:

juz dep sifirmen jazingiz.