كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-12-121633409037 %63 %
2019-12-131401443142 %58 %
2019-12-141551493955 %45 %

::::اباي كۋنانباەۆ. ولەندەر مەن اۋدارمالار. بيرينشي كيتاپ ::ولەڭدەر مەن اۋدارمالار. ءبىرىنشى كىتاپ

كىتاپحاناعا قايتۋ

ولەڭدەر مەن اۋدارمالار. ءبىرىنشى كىتاپ ->بويى بۇلعاڭ
اپتورى: اباي قۇنانباەۆولەڭدەراۋدارمالار
ولەڭدەر مەن اۋدارمالار. ءبىرىنشى كىتاپ - كورىلىم: (827)


بويى بۇلعاڭ

بويى بۇلعاڭ،

سوزى جىلماڭ

كىمدى كورسەم، مەن سونان

بەتتى باستىم،

قاتتى ساستىم،

تۇرا قاشتىم جالما-جان.

وز ويىندا،

تۇل بويىندا

بىر ءمىنى جوق پەندەسىپ،

تۇزدە مىرزاڭ،

ۇيدە سىرداڭ،

سوزى قىلجاڭ ەركەسىپ.

باس قۇراسىپ،

مال سۇراسىپ،

بەرمەگەنمەن كەتىسەر.

ادام اۋلاپ،

سىپىرا ساۋلاپ،

بايدى جاۋلاپ جەتىسەر.

سوز قىدىرتقان،

جۇرت قۇتىرتقان،

انتىن، ارىن ساۋدالاپ.

بۇتتى-شاتتى،

ۇي ساناتتى،

بايدان اتتى المالاپ.

كەدەيى — ەر،

كەسەلى زور،

مالدى بايدان سورلى جوق.

اش كومەكتىڭ،

جەمدەمەكتىڭ،

بوسقا الەكتىڭ ورنى جوق.

ەل قاعىندى،

مال سابىلدى،

ۇرلىق، وتىرىك گۋ دە گۋ.

بايى — باسپاق،

بيى ساسپاق،

اۋلەكى اسپاق سىپىرا قۋ.

اقى بەرگەن،

ايتسا كونگەن،

تىنىشتىق ىزدەر ەلدە جوق.

اققا تارتقان،

جونگە قايتقان،

اقىل ايتار پەندە جوق.

از تۇتۋعا،

سىيلاسۋعا

قالمادى جان ءبىر تاتىر.

سىپىرا باتىر،

پالە شاقىر،

بولدىڭ اقىر تاپ-تاقىر.

سۋ جۇعار ما،

سوز ۇعار ما،

سىپىرا جىلماڭ جەلبۋاز؟

ايتتى — كوندىم،

الدى — بەردىم،

ەندى وكىندىم — وزىمە از.

* * *


پىكىرلەر:


پىكىرلەر:
قانشا بولادى؟
98 + 1 = ?