كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-1710518424 %76 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->لەنين ءولدى
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (607)


لەنين ءولدى

(لەنين قايتىس بولعان كۇنى)

قارا كۇن! قايعىلى ولەڭ لەبىزدەگى،

كەمەنى نەگە ايتپايسىڭ تەڭىزدەگى.

تاريحتىڭ تار كەزەڭى - تاپ تارتىسى،

ومىردىڭ كەمە ەمەس پە نەگىزدەرى.

داۋىلدا سۋ شايقاعان دولى دۇلەي،

قاراڭعى حالىق شۋلاسا ۇشىپ ۇرەي،

قىرقىسىپ جايىن، جاۋىن، جالماۋىزدار،.

قان ساسىپ قارا كەمە قالسا جۇرمەي.

سونداعى ءولىم كۇتكەن سانسىز ءعارىپ،

وزەۋرەپ كۇيسىز، ميسىز كەتسە تالىپ.

تۇرمىستىڭ جەلى ويناتقان اساۋ تولقىن

كەمەنى قۇشاقتاسا ويناق سالىپ.

شۇمەكتەپ كوكتەن نوسەر شىلقىلداسا،

جەل ۇيتقىپ، تەڭىز ويناپ ىلپىلداسا.

«كەتتىك اۋ سۋ تۇبىنە» دەگەندەي بوپ

قاجىعان دىڭگەك، تاقتاي شيقىلداسا.

تاۋسىلىپ، كوز قارايسا ازىق - تۇلىك،

كەۋلەسە نەشە جەردەن جانجال، بۇلىك،

تىل شالىپ، وي بولجاماس شەبەرلىكپەن،

قوزعاسا ءبىر كاپيتان ءجونىن ءبىلىپ.

كەتەۋسىز مۇرىندىقتى قولىنا الىپ،

جارلىعا، جارالىعا جالىن جاعىپ،

كاپيتان اۋدارماستان الىپ جۇرسە،

قيىردان قىراعى كوز جۇلدىز شالىپ.

اينىماس قۇرىش ەرىك، سالقىن قانمەن،

جىلجىتسا قاجىماستان قايىقتى ارەڭ.

قايىقتا قالتىلداعان قازا تاۋىپ،

قۇلاسا سول كاپيتان تۇپكە تەرەڭ.

كوك داۋىل، تۇڭعيىقتا قاماپ تولقىن،

بۇلت كوشكەن، جاي جارقىلداپ، ۇركىن - قورقىن،

ومىردە سوققى جەگەن جالپى جالشى،

قالايشا تارتپاس ەكەن ءجۇزى سولعىن...

جوق، تارتپاس، تارتىلماس تا، تارىقپاس تا،

جاماۋدان جالشى تابىن جالىقپاس تا.

ادىلدىك، تۋىسقاندىق، تەگىستىككە،

اداسپاس ونىڭ جولى انىق قاسقا.

اجاعاي سۇڭگىگەنمەن ويناپ كولگە،

بۇلت وتى سارقىلا ما ودان وڭگە.

كوپشىلىك كۇن نۇرىنىڭ كوك تەڭىزى،

ساناقتا جەبىر سانى قالادى نەلگە.

شىرىتكەن اسىل ميدى، كوپ قيالدى،

كوكسەگەن ادامشىلىق، ءادىل تاندى،

تالايدىڭ «پايعامبارلىق ءفالسافاسىن»،

لەنين قولمەن اكەپ قويا سالدى.

قويدىرعان وعان قولمەن ۇلى كۇش بار،

قولىندا كوپ جالشىنىڭ ۇلكەن ءىس بار.

سول كوپتىڭ كوشىن تۋرا باستايتۇعىن

دانا ەدى دانىشپان ەدى تىزگىن ۇستار.

نە قىلدىڭ، نەنى ىستەدىڭ، كەتتىڭ قالاي،

دۇنيە وقىر سەنى، لەنين باباي،

جىلادى جالپى جالشى، جەتىم قالدى،

قوش، باباي! قوشتاسامىز ەندى بىلاي:

قارس ۇرىپ، قارا كيىپ قالدىق سەنەن،

ومىردىڭ ءجونسىز بەتى ءالى تەرەڭ،

قالتىلداپ قايىعىڭدا قالعان حالقىڭ جاڭىلماس

«جاسا، جالشى!» دەگەنىڭنەن.

ەتكەن ءىس، ايتىلعان ءسوز، سالعان ۇران،

قورىدى قورعاسىنداي جۇرەكتە يمان.

ومىردىڭ تەربەتىلگەن كەمەسىندە

اداسادى سىلتەۋىڭنەن اۋىتقىعان.

باستىعىپ قالعان تابىڭ قوزعالعانعا،

تۇن كەتىپ، قايمىعار ما تاڭ اتقاندا!

«ۇشپاقتىڭ» كىلتىن بۇزىپ كىرەر كەدەي،

قارۋدىڭ قايراتىمەن وراق، بالعا.

1924 جىل.


پىكىرلەر:


پىكىرلەر:
قانشا بولادى؟
98 + 1 = ?