كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-216315651 %49 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->كولگە
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (701)


كولگە

كومكەرۋىڭ كوك كوگال،

كۇلمەڭدەگەن كۇمىس كول،

كەنەرەڭ كەستە - قۇراق، تال،

كەستەڭدى ورتەر كۇزگى جەل.

ورانىپ ۇلپا ويدىمدى،

ويپاندا جاتىپ ەتتىڭ ناز،

توسىندە قۇستار توي قىلدى،

توي باستادى قۋ مەن قاز.

سۇڭگۋىر، سۇقسىر سۇمەڭدەپ،

قاسقالداعىڭ قالتىلداپ،

شۇرەگەيىن شۇمەڭدەپ،

شاعالاڭ شۋلاپ شاڭقىلداپ.

شومىلعان سۇلۋ سۋىڭا،

شالپىلداتىپ الاقان.

مىعشيعان مەرگەن قۋىڭا،

بالالار قۋىپ بالاپان.

كوك قۇنداقتى كۇمىس كول،

كۇبىرلەمە، جىر ايتام.

سال قۇلاقتى، كوڭىل ءبول،

بولدى سەندەي ءبىر قالقام.

ول دا سەندەي سۇلۋ ەدى،

جاسى دا ونىڭ جاس ەدى.

جاز ومىرىمدە تۋىپ ەدى،

جازى دا ونىڭ از ەدى.

بەينە بىتكەن قايىنداي،

بىلەگى ءمىنسىز بالعىننىڭ.

اقشا ءتوسى ايدىنداي،

شاشى سەنىڭ شالعىنىڭ.

قاسى سەنىڭ قاباعىڭ،

لەبى سەنىڭ لەبىندەي.

ساۋساعى سەنىڭ شاباعىڭ،

شىنتاعى شىبىق ورىمدەي.

ونىڭ دا ءومىرى جارتىمسىز،

بولدى، لاجسىز كۇز جەتتى.

ومىر كۇزى سۇرقىڭسىز،

ەكى ون بەستەن جاسى ءوتتى.

سەن دە سونداي بولارسىڭ،

جازدىڭ جاقىن وتەرى.

سەن دە سونداي بولارسىڭ.

بىر بولارسىڭ ەكەۋىڭ.

كۇلمەڭدەمەس كوزىڭ كول،

لەزى دە تۇنجىرار.

كۇي كۇيلەتەر كۇزگى جەل،

باقا - شايان شىڭعىرار.

تولقىن بەتىڭدى اجىمداپ،

قارتايارسىڭ قالتىراپ.

دولى داۋىل ازىناپ

جالپ - جالپ ۇشار جاپىراق.

قيقۋ سالعان كۇستارىڭ،

قوش ايتىسار كۇن بولار.

قۇشاعىڭا قۇشتاردىڭ

قالماس ءبىرى، جىم بولار.

قاراشالاپ قار جاۋسا،

قال ارمىسىڭ قارتايماي؟

قامىس، قوعاڭ سارعايسا،

قارتايارسىڭ قالقامداي...

1924 جىل.


پىكىرلەر:


پىكىرلەر:
قانشا بولادى؟
98 + 1 = ?