كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-21110 %100 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->جاستار
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (694)


جاستار

جاستار،

زاماننىڭ قىزىل گۇلىمىز.

جاستار،

ناداننىڭ ساۋلە كۇنىمىز.

تەگىستىك تۇرمىسقا.

جاستار،

ورتاقشىل، وركەن، جاڭا تاپ،

جاستار،

لەنينشىل، ەركەڭ جاڭا توپ،

تۇرمىسقا ول نۇسقا.

لەنينشىل جاس،

اتتا العا باس،

كەل، ارالاس ەڭبەككە.

ەلمەن جەتىس،

ەڭبەك ەتىس،

ەلگە جەمىس بەرمەككە.

جاستار،

ورتاقشىل، ماركس سالعان جول.

جاستار،

اتتانعان سەندەر اسكەر، قول، جۇگىڭ مول سول جولدا.

جاستار،

جاتتاساڭ، لەنين سوزدەرىڭ،

جاستار،

قوپارساڭ ماركس كەندەرىن،

دانىشپان سەن سوندا.

بۇل جاس ۇيىم،

جاڭا جيىن،

جاستىڭ ميىن

مولايتادى.

بىرلىك، ۇران،

تىرلىك قوعام،

بار جاس ۇلان

سونى ايتادى.

جاستار

ەلىنىڭ تۇقىم سەبىسى،

جاستار

لەنيننىڭ ەككەن جەمىسى.

قارىق قىلار دەگەن وي.

جاستار

قىرانداي قىرعا قىراعى.

جاستار

ۇمىتتىڭ جانعان شىراعى،

جارىق قىلار دەگەن عوي.

سول دامەنى،

جاستار ەندى

مەزگىل كەلدى

اتقارار.

جاستىڭ كوزىن

اشار سەزىم،

لەنين ءسوزىن

جاتقا الار.

جاستار،

جامالسىن جالپى اتىراپ،

جاستار،

اۋىلدا جالشى، باتىراق.

سولاردى قوعامدا.

جاستار،

جاس جەتىم،

جالپى پاناسىز،

جاستار،

جىلاپ ءجۇر جاس قىز شاراسىز

قولىڭ سوز وعان دا.

بولدى عوي قور،

تابا الماي جول،

قوعامىڭ سول،

جاڭا جاس.

جاس، ەڭبەكپەن،

تاپشىل بەتپەن،

الەۋمەتپەن

ارالاس.

جاستار،

ەزىلگەن ەلدىڭ بالاسى،

جاستار،

ەڭبەكشىل تاپتىڭ پاناسى

قاراڭعى بوراندا.

جاستار،

ۇيىمشىل، تاپشىل، ۇرانشىل.

جاستار

ەلگە ۇيتقى، باسشى، قوعامشىل

جاڭا زاڭ، زاماندا.

بىلىم قورى

جاستىڭ جولى.

ىزدەۋ سونى

مىندەتى.

جاستار كەمەل،

بولسا شەبەر،

جۇرت جوندەلەر

ادەتى.

1924 جىل.


پىكىرلەر:


پىكىرلەر:
قانشا بولادى؟
98 + 1 = ?