كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-216315651 %49 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->بۇلاق بويىندا
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (722)


بۇلاق بويىندا

سىلدىر - سىلدىر سۋ سىلدىرار بۇلاقتان.

تاڭىرى مە ەكەن تاۋدى - تاستى جىلاتقان؟

اندا - ساندا كوڭىل ايتىپ

«كوك! كوك!» دەپ،

شىعار داۋسى كوكەكتىڭ دە جۇباتقان.

ەرتەلى، كەش سىڭقىلدايدى، جىلايدى.

نە كوكسەيدى؟ قىڭقىلدايدى، سۇرايدى؟

كوك جۇلگەمەن كوبەلەسە كوبەلەك،

توسىن توسەپ «كوبەشىم» دەپ شۋلايدى.

سىڭقىلداۋ نە؟ بۇلاقتاعى زار ما ەكەن؟

بۇلاق ءتىلىن بىلەتىن جان بار ما ەكەن؟

سىقىلىقتاپ كۇلىپ جاتقان ومىرگە،

الدە بۇلاق ءبىر ويناقى جان با ەكەن؟

جوق، بۇل اسقار الاتاۋدىڭ ولكەسى،

بۇلاق سونىڭ ويناقتاعان ەركەسى.

بۇلاقتىڭ دا سىرلاساتىن جانى بار،

ونىسى اناۋ: كەلە جاتقان تاتەسى

.

ايىم جامال اقتايلاقتاي مونتايىپ،

ەكى كوزى جىلاپ ءىسىپ تومپايىپ.

سىڭقىل قاعىپ جىلاپ جاتقان بۇلاقپەن،

جىلاساتىن جانىنا كەپ جانتايىپ.

جامال قىز ەدى، قىزدىڭ

شولپان جۇلدىزى ەدى،

شاشى قولاڭ، قاسى قارا قۇندىز ەدى.

بۇرشاق سالىپ تىلەپ العان قۇدايدان،

ەسەكەڭنىڭ ۇل قىپ سۇيگەن ءبىر قىزى ەدى.

ەسەكەڭ، دە بايبىشەسى دينامەن

جىلقى جىلى قايتىپ كەتكەن دۇنيەدەن.

مالدى ۇلەسىپ، ءۇيدى بۇزىپ اعايىن

جامالدى دا تالقىلاعان، سۇيرەگەن.

وز شەشەسى، ءوز اكەسى بولماسا،

وزى ۇناتىپ سۇيگەنىنە بارماسا.

قاراڭعى ەلدە قاڭعىپ قالعان جەتىم قىز،

سوگىس پە ەكەن، سۋمەن بىرگە زارلاسا.

جەتىم جامال توقالدىققا ساتىلعان،

تەپەرىشتى كورگەن كۇندەس قاتىننان.

قوينىنا الىپ قوجاعۇل شال جاتاتىن،

ساباداي بوپ كۇنگە كوننەن قاتىرعان.

كۇندەس قاتىن شاعىستىرسا كۇڭكىلدەپ،

شال قوياتىن زەكىپ، نۇقىپ، جەلكەلەپ،

مولدىر كوزدەن ءمولتىل قاعىپ مەرۋەرت جاس،

كەلەتۇعىن بۇلاعىنا ەرتەرەك.

ەڭىرەپ جۇرەك، مايىسا باسىپ ولكەلەپ،

كوك شالعىندى قۇشاقتادى كورپە دەپ.

جۇباتقانداي، جىلاتقانداي بال بۇلاق،

سىلدىر قاقتى تاتەسىنە ەركەلەپ.

سىرلاسقانداي سىردى شەشىپ سىلدىرى،

جىلاتسا دا، جۇباتسا دا سۋ جىرى.

سىردى، شەردى، مۇڭدى، زاردى تولعايتىن

سونداي دا ءبىر سۋدىڭ بار عوي قۇرىعى.

سىلدىرلادى، سىر جىلادى، سوگىلتتى.

كوزدىڭ جاسىن كوك مايساعا توگىلتتى.

سۋ سىلدىراپ، تورعاي شىرلاپ، كۇن ءسۇيىپ،

جەل سىبىرلاپ اۋىر ويدى جەڭىلتتى.

سورلى جامال تۇردى جەردەن «اھ» ۇرىپ،

سۋعا ەڭكەيدى جۇرەسىنەن وتىرىپ.

قولدى مالىپ جۇزىكتەردى اعىتىپ،

اۋزىن شايدى كۇمىس سۋمەن تولتىرىپ.

سالقىن سۋمەن جۋدى بەتىن، بىلەگىن،

سەرگىتكەندەي بولدى جاستىڭ جۇرەگىن.

سالقىن سىلدىر، سەرگىتەر دەپ جۇرەكتى،

سۋ تاتەسى كەلەتۇعىن كۇنبە - كۇن.

قاراپ ەدى اۋىل جاققا «اھ!» ۇرىپ،

كۇندەس قاتىن جۇلقىنىپ تۇر شاقىرىپ.

اكە... بابا... بوقتاپ سويىل سۇيرەتىپ،

قوجاعۇل دا شىقتى اۋىلدان اقىرىپ.

سالقىن سىلدىر سەرگىتە الماي جۇرەگىن.

داۋىل ايقاي الدى جاستىڭ جۇرەگىن.

ومىرگە قور، ومىرگە ەز بوپ جاس جامال،

ۇيالادى جۇرەگىنە ءتىرى ءولىم.

1924 جىل.


پىكىرلەر:


پىكىرلەر:
قانشا بولادى؟
98 + 1 = ?