كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-177111624 %76 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->وراق ناۋقانى
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (567)


وراق ناۋقانى

كۇن شىجىپ، جالپاق ەگىن كەتتى ءپىسىپ،

وراققا جان جابىرلاپ جاتىر ءتۇسىپ،

قىم - قيعاش قىرۋار جۇرت ورىپ جاتىر،

جەل شىقسا، كۇن بۇلتتانسا زارەسى ۇشىپ.

شوقپارداي cap تارى تۇر باسىن ءيىپ،

كورىنبەس ات قۇلاعى توعاي بيىك.

سۋدىرلاپ تەڭسەلەدى، سۇلۋ سۇلى،

سۋماڭداپ سىلدىرلاعان سۋدى ءسۇيىپ.

شالعىنى شىڭعىرلاتىپ جانىپ - جانىپ،

جوڭقا باي جوڭىشقاعا قالدى سالىپ.

«الىنىڭ كەۋدىر قىرعان زۇلپەرىندەي»

ۇيىرىپ قىرىپ - جويىپ كەتتى جارىپ.

اسپاننان كۇن توگەدى التىن ساۋلە،

ناۋقانعا جەر قۇرتتاعان قىلىپ تاۋبە.

ينە ءىلىپ، كۇمىس تىزگەن جيدە شامكەس،

ۇسكى الىپ اۋلاق جۇرلەپ بوپ ءتۇر اۋرە.

بيداي ءتۇر وتكىر مۇرتىن تىكىرەيتىپ،

قوناق تۇر شال جاۋىرىنىن بۇكىرەيتىپ:

سىلانعان بويجەتكەندەي كۇنباعىستار

كامشاتىن شەكەسىندە شەكىرەيتىپ.

قوزىداي قاۋىن، قاربىز كوگەندەگى،

تايتۇياق الما كۇمىس توبەڭدەگى،

قوي جايعىش بايا قۋىپ تاقىس شالدىڭ

ۇستادى قويىن، تونىڭ شوگەلدەگى.

دۇرديتىپ ءىنجۋ تاعىپ دولاناسى،

الى بار شىرماۋىقتىڭ ورالىسى.

سۋىرىپ سۋىرتپاقتى قارشىلداتا،

جوقاننىڭ جوعارى ايتقان تورى الاسى.

قارالى قوڭىر قويداي ورىلعان باۋ،

قارا جال جيىلعان باۋ؟ قىرمان قورساۋ،

وزەنگە دامىلداۋعا قازدار قايتتى،

قاڭقىلداپ قاتار تۇزەپ، ىستەپ جەمساۋ.

جوڭقاباي ايتادى اقىل سۇيەۋبەككە:

ور، باۋلا، ايدا، تاسى، تالدا، ەپتە.

جەم بايلا، جاۋىرىن جاز، جانىڭدى اشىت،

قوڭىردىڭ قولتىق، قوڭىن تولتىر ەتكە.

قىرماننىڭ كۇندىز - ءتۇنى باسىندا بول،

مال جەيدى، كۇس شوقيدى شىقپا شەتكە.

باتا وقىر، توي- تومالاققا اۋەيلەنبە،

كۇپىلدەپ كوكپار كورسەڭ قۋىپ كەتپە.

اڭگىمە، ءازىل، سياز، قىمىز اۋلاپ،

داۋ داۋلاپ، جەلبەزەكتى جەلپەڭدەتپە.

قىلجاقباس، قىدىرىندى، جالقاۋلاردى،

اشاڭمەن سالىپ جىبەر باسقا، بەتكە.

ناۋقاندى توكپەي - شاشپاي جيناپ الساڭ.

بەرمەيسىڭ حانعا سالەم، ءبىر دۇرمەكتە.

1924 جىل.


پىكىرلەر:


پىكىرلەر:
قانشا بولادى؟
98 + 1 = ?