كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-177111624 %76 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->جارقىنباي، بەركىنباي
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (832)


جارقىنباي، بەركىنباي

بەركىنباي

− جارقىنباي - اۋ، نەعىلدى؟

قاباعىڭ نەعىپ جابىلدى؟

ايتساڭشى ويباي، جولداس - اۋ،

جابىرقاعان شاعىڭدى؟

جارقىنباي

− ە-ە-ە، شىركىن!

بۇل دا ءبىر كۇن...

الدادى، سوقتى

دۇنيە، تۇلكىڭ.

جايدى جاقسى بىلەسىڭ:

بادىراق، قوسشى، كەدەيمىن.

وسى ءوزىمدى شۇقىلاماي جۇرسە،

بىرەۋدى قىلقىپ،

بىرەۋدى جۇلقىپ،

الايىن دەمەيمىن.

مۇسابەك بايدىڭ بيەشىسى ەدىم،

يسابەك بايدىڭ تۇيەشىسى ەدىم،

قالبەرگەن قاجىنىڭ ەسىگىندەگى

قارا قازانشىسى، كۇيەشىسى ەدىم.

يۆاننىڭ سوقاشىسى ەدىم،

ماسەلەيدىڭ بۇقاشىسى ەدىم،

مىناۋ تۇرعان

كولكانىڭ زاپۇلاتىنى

ماڭداي تەردى سىپىرىپ ءجۇرىپ،

مەن ۇقساتىپ ەدىم.

اش - جالاڭاش بالشىق تا ايداپ،

سەرگەيدىڭ تەزەك قوراسىن

مەن شوشايتىپ ەدىم.

بەركىنباي

العانىڭ جەردىڭ ساۋىرى ەدى عوي.

سويۋز قوسشى دا ءبىر قاۋىم ەدى عوي.

بۇگىن جابىرقاپ، جاسىپ قالىپسىڭ،

جيىرما ءبىرىنشى جىلى ايعايىڭ ءتاۋىر ەدى عوي.

جارقىنباي

− توقتا، بەكە، تىڭداپ تۇر.

ول، جيىرما ءبىرىنشى جىل!

«جارلى»، «جالشى» دەپ ايعايلاپ،

كوشەدە جوسىلعامىز جوق پا؟

ودان - بۇدان قۇرالىپ،

قوسشى سويۋز قوسىلعامىز جوق پا؟

مىنە ء«ناپ، ءناپ» شىقتى.

العاشقى ايعاي السىرەپ،

باسىلدى اياق تانتىرەك.

«اپكە» سيىنعان جۇدىرىقتاردان،

ساداعاڭ كەتەيىن، كەڭەس ۇكىمەتى ارقاسىندا

بايلاردان ساۋىن الىپ ەدىم.

كولىك، سوقا قۇراستىرىپ

تاۋىپ الىپ ەدىم.

وز ەنشىمە تيگەن سوڭ،

كولكانىڭ ەزىم سوققان زاپۇلاتىن

جوندەپ، جاۋىپ الىپ ەدىم.

مىنە ء«ناپ» شىقتى

«ناپكە» ارقالانىپ كولكا شىقتى.

جۋان مەن جۇدىرىق،

وعان قۇيرىق بۇلدىرىق

سۇم ۇلىق،

بارى قاماجاۋلاپ،

القىمداپ،

قىلعىندىرىپ،

بۋىندىرىپ،

ساسقالاقتاپ وتىرعانىم جوق پا؟

بەركىنباي

− سەن ساسپا!

وز اراڭدى اشپا!

زامان ءوزى سولاي بولدى.

قۇرعاق ايعايدى قويىپ،

ەندى ىسكە باستا!

جارقىنباي

− جارايدى - اۋ، بەكە، جارايدى...

اركىم - اق سونى ويلايدى.

يت پەن قۇستىڭ ءبارى

قوجايىن بولىپ بارادى.

باسىندى بايلايدى

ۇستىڭنەن ارىز ايدايدى

قوجايىن قىلىپ ءبىر قۋدى سايلايدى

وسىعان قانىڭ قاينايدى.

«وسى ۇيدە نە جۇما تۇرسىن، نە مەن تۇرايىن»،

دەپ قوجاناسىر ايتقانداي:

«جەتىسۋدا نە قوسشى، نە باي، ماناپ، تۇرسىن!» -

دەپ وسى ءۇشىنشى سەزگە جەتىپ السام،

سالعالى وتىرمىن ويبايدى!

1923 جىل.


پىكىرلەر:


پىكىرلەر:
قانشا بولادى؟
98 + 1 = ?