كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-21110 %100 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->يت - اي
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (864)


يت - اي

تۋعانباي

(ۇيدەن شىعىپ، بەلدەۋدە تۇرعان كوك شولاق اتىنىڭ ارقاسىن

جاقىنداپ كوردى دە، كەيىپ داۋىستاي باستادى.)

− التىناي؟ اي، التىناي! (التىناي ۇيدە)

− ءيا، نە قىلدى - اي؟

− ءجۇر جىلدام، ءجۇر!

مىنا قۋ شولاقتىڭ ارقاسى وشاقتاي!

قۇرىم كيىز كۇيگىزىپ اكەل!

بار ارقاسى سىدىرىلىپ، سىلىنىپ قالىپتى

عوي.

اي، ناراتشىك يت- اي.

تۇۋ وبالى جىبەرمەگىر - اي.

قۇداي - اي، يت - اي. (تاعى دا داۋىستاپ.)

− التىناي؟ اي، التىناي!

ناعىپ بايلانىپ قالدىڭ؟

باقىتسىز قۋدىڭ قاتىنى - اي!

التىناي

(ۇيدەن قۇرىش كيىز كۇيدىرىپ، ءتۇتىنىن

بۇرقىراتىپ جۇگىرە باسىپ كەلىپ.)

− ءما! ءما! ۇستاساڭشى!

قولىم كۇيىپ كەتتى عوي، بايعۇس - اي.

تۋعانباي

(اتتىڭ ارقاسىنا قاراپ.)

− مىنانى كوردىڭ بە،

مالدىقتان كەتىپتى.

تاق تۇبىنە جەتىپتى.

ىستىق قويىپ، لوڭكاعا شاپتىرىپ،

وكپەسىنەن ەرى ابدەن ءوتىپتى.

التىناي

− مەن باسىندا ايتتىم، بەرمە دەپ.

سول ءيتتىڭ جىلپىلداتقانىنا ەرمە دەپ.

تاق سەنى ءبىر ايداتىپ جىبەرەتىن نەمەدەي

قىپىلىقتاپ ەدىڭ كەپ...

ناراتشىكتى قۇدايداي كورەسىڭ،

وتىر ەندى، جالعىز شولاقتىڭ، جاسىعىن جەپ.

تۋعانباي

(التىنايدى جاقتىرماي)

− وي، وتتاماشى!

مەن مىرزالىق قىلعانمىن عوي شاماسى!

كۇيىپ تۇرعان جانىمدى ورتەپ،

سەن دە ءبىر جاعىمنان مىلجىڭداماشى!

التىناي

− مىرزالىق قىلماساڭ تارتىپ الدى ما؟

تۋعانباي

(التىنايعا زەكىپ)

− شاپتىقپا بەت الدىڭا!

«كۇشى - نالوگى» بار، مىنەمىن دەپ تۇر،

بولماسا، بولىسقا الىپ جۇرەمىن دەپ تۇر.

مەن وزىمە - ءوزىم تىلەپ الدىم با؟

التىناي

(تاعى دا)

− بولىسىنا - اق بارساڭ نەعىلادى؟

السا، بولىستان قالساڭ نەعىلادى؟

كۇن كورىپ وتىرعان جالعىز اتىم ەدى دەپ،

بۇل قۋ ويبايىڭدى سوندا سالساڭ نەعىلادى؟

ايتەۋىر، توڭمويىندىق مىنەزىڭ كوك ات پەن

مەنىڭ سورىم داعى.

تىم بولماسا قاسىنداعى جاساۋىلعا جالىنساڭ نەعىلادى؟

تۋعانباي

(زەكىپ)

− ءجا، بولدى، جارايدى،،

اقساق قوي تۇستەن كەيىن ماڭىرايدى.

قىلىشىمەن شىلبىردى قيىپ، اتتى قۋىپ،

قازاندى قيراتىپ كەتكەن يتكە،

جاساۋىلعا جالىنساڭ ەدى دەپ قالجىرايدى.

جاساۋىلعا جالىنباق تۇگىل،

جاساۋىل قانداي ادىرايدى،

جىلدام بولا قويمايسىڭ دەپ

اتپەن ومىراۋلاتىپ،

ولتىرىپ كەتە جازداعان جوق پا بايانبايدى؟

التىناي

(تەرىس قاراپ)

− كورىنگەنگە ءوزى ەلبىرەكتەپ جۇرەدى،

كورىنگەن مۇنى يەكتەپ جۇرەدى.

قاباققا قاراي الباستى بولىپ

الداپ - سۋلاپ ەپتەپ جىبەرەدى.

التىناي

(اتقا قاراپ جاۋىر جاراسىنان جيىركەنىپ)

− ءۇي، جانۋار - اي!

ارقاسى بورشا - بورشا،

جىلقىشى اتا كورمەگىر - اي، سونشا!

قوناعا كايتىپ كەلەمىز دەپ ەدى - اۋ!؟

الى مۇنى مىنگەلى قانشا؟

تۋعانباي

(ويلانىپ بارماعىن ساناپ)

جۇمادان جۇما سەگىز،

سەنبى توعىز،

جەكسەنبى بۇگىن ون.

التىناي

− جوق، قايناعانىڭ اسىنان سوڭ...

تۋعانباي

− مەن نە ايتىپ تۇرمىن؟

قۇداي الجىتا بەرەدى ەكەن عوي،

باسپاعان سوڭ - ون.

كوبىرەك اكەلۋگە قۇرىپ قالدىڭ با؟

بۇل قۇرعىرىڭدى.

دەرەۋ قۇمانعا سۋ قۇيىپ اكەل!

جۋايىن مىنا ەكى قاپتالداعى ءىرىڭدى!

التىناي

(ۇيگە كىرىپ كەتەدى)

(تۋعانباي تاعى دا داۋىستاپ)

− التىناي! اي، التىناي!

تابىلا ما ءبىر قاسىقتاي ماي؟!

پاي - پاي، قۇداي - اي،

اي كورىندە وكىرگىر، ناراتشىك - اي!

ماي تابىلسا باقىرعا شىجعىر!

ساۋىسقان شوقيدى عوي ەندى،

قويا بەرسەك قارا كۇيە قىلماي،

تۇۋ! مىنانىڭ ءبارى ىركىلدەگەن ىسىك ەكەن عوي،

الدا ءۇيىڭ كۇيگىر - اي!

تۇۋ! ويباي - اي! قۇداي - اي!

وبال - اي، يت- اي!

1923 جىل.


پىكىرلەر:


پىكىرلەر:
قانشا بولادى؟
98 + 1 = ?