كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-177111624 %76 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->ساۋداگەر تاماشاسى
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (1164)


ساۋداگەر تاماشاسى

ەۋ! حەۋ! ايت!

بىزدىڭ زامان شىن تۋادى!

ايدا، زاۋلا،

ەركىن ساۋدا!

قول سوعىسىپ،

جىلماڭداۋعا...

قىلقىپ الىپ،

قىلماڭداۋعا...

ۋاي- ۋاي، بۇ زامان!

قىزىعىنا قىزامىن...

بيىل نالوگ اقشاداي.

قالتاسى باي، اقساماي،

اقشا ىزدەگەن قازاقتىڭ

شاراداي باسى شاقشاداي.

حا-حا-حاۋ، قازاعىم!

كور مالىڭنىڭ بازارىن.

ا، ەرەن... شەرۆەن... شەرۆەن.

بىزدىڭ مەرگەن...

قاپ قارىنىم

شەرمەن، شەرمەڭ.

مال بازارى.

جولدىڭ ءبارى،

تولعان قازاق.

تەنتىرەگەن،

مالىن ايداپ،

بارىن بايلاپ،

جامان تىماق

ەربەڭ - ەربەڭ.

مۇنى بىزگە

قاقتىرىپ

اللام بەرگەن.

اللام، ءپىرىم.

الداپ بەرگەن.

اپكەل تاعى

سۇيىق سارى،

بىزدە سەرۋەن،

ۋا-ۋا-ۋا، ايت سونى!

سوقىر كۇيشى، تارت سونى.

كوپىرەتىپ!

«كووپەراتيۆ» دەپ

جازىپ قويعان

ماڭدايشاڭا جارقىراتىپ.

قاڭقايىپ تۇر

كوزىن ساتىپ;

بىر تاكسىمەن

قالدى قاتىپ،

سىباعاسىن

بىز جەپ ءجۇرمىز

سىلقىلداتىپ،

الىپ، ساتىپ.

اتىپ، قاقشىپ،

قاقشىپ، اتىپ،

تىقاقتاتىپ،

تاعىن زاكاز.

زاكاز تاعىن...

سىڭعىرلاتىپ،

شىڭعىرلاتىپ...

ھەۋ-ھەۋ-ھەۋ، قۇداشا!

كۇندە مۇنداي تاماشا!

شولاق تورە...

وزدەرى اۋرە...

العاشىندا

كورسەتپەكشى

ەمەس ەدى

جارىق ساۋلە;

ەندى ولاردان

بۇرىنعىداي

كەتپەس زارە.

تاعىن زاكاز...

زاكاز تاعىن...

پالە!.. پالە!.. پالە!..

اح، سانسىز ساپ زناك،

قالتانى بىزگە جاعىزباق.

قالتادان كاسساعا اعىزباق!

شىنىدان اۋىزعا تامىزباق.

قوسشى سويۋز،

ولار دايۋز،

− سويۋز قوسشى...

− سونى قويشى!

سىرا، بوزا،

قالتا، قوجا،

ەكەۋ- ەكەۋ...

ەكەۋ- ۇشەۋ...

الدەنەشەۋ

بەس ۋاقىت

بولماس قازا.

باس! باس! باس! ۋاۋ، ايت!

«گۇلاۋلانى» تارت!

اكەم- ۋكام،

تاعىن زاكاز...

زاكاز تاعىن...

ەمشەگى دە ەكەن ۇلكەن،

ۇلكەن ەكەن.

گازمال تولى

بىزدىڭ دۇكەن.

ۋاي،، نالوگ!

تاعىن كەرەك!

كەرەك جاركەنت...

لەپسى... تالدىقورعان...

قاشان قايتار

ەكەن ودان؟

اقشا اپ كەتكەن،

ازىم داداڭ،

ماتا اپ كەتكەن

عاپپار مولداڭ...

ىشى! ءىشى! ءىشى! بالاقاي!

قازاق مالى تالاپاي.


پىكىرلەر:


پىكىرلەر:
قانشا بولادى؟
98 + 1 = ?