كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-219738067 %33 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->ىقشىلباي
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (633)


ىقشىلباي

ەپ ۇيرەن ەپشىل بولساڭ ىقشىلبايدان،

جىلپىلداق قورىققانىنا سارى مايدان.

باسى ءۇشىن ۇستاپ جۇرگەن ادىسىنە،

دۇنيەدە وتە قالماس ودان ايۋان.

ىقشىلباي نادان ەمەس، «سوۆرابوتنيك»،

اڭدىسقا ۇساق وسەك ءتىپتى جەتىك،

دوسقا بال، دۇشپانعا تاس مىنەزى بار;

قويادى «قاپ» دەگەندى بىردەڭە ەتىپ.

بويىڭدا ءسۇت مىنەزدى جاعىمتالدىق،

اركىمگە ۇيىرسىنەدى وسەك اڭدىپ.

بورسيعان پورتفەلىندە «ماتەريال»،

بىر كۇنى اقتارتپاقشى ءبىر اسار قىپ.

ىقشەكەڭ كورىپ ءوتتى تالاي «ۇلىق»،

كورسەتىپ بارىنە دە قىزداي قىلىق.

ورىنداپ ءوز دەگەنىن كەلە جاتىر،

بەتىمەن كورىنگەنگە ىقتاي ءجۇرىپ.

اجارلى، الاپاتتى ونىڭ. بەتى،

مانساپشىل، ۇلىق سىيلاۋ بار نيەتى.

قويىرتپاق قوينى تولعان پالە - جالا،

تومەننەن سىي كەرمەسە، قيسىق ءتىپتى.

سويلەسە باسىن ماقتاپ ادالدايتىن،

ارتقىعا الدىڭعىنى جاماندايتىن.

جولداستى جاڭالانعان جانى ءسۇيىپ،

جالپاقتاپ، جالپىلدايتىن، امالدايتىن.

تاباقتاس ىقشىلبايمەن جاپار قالدى،

ورنىنا جارقىمباي بوپ جاڭالاندى.

تۇلكىدەي ىقشەكەڭنىڭ بۇلاڭى بار،

جاقىنداپ قولتىعىنا كىرىپ الدى.

جاپاردى، دەيدى، «ەسكەرمەي» قاتۋلاندى،

ىرىتىپ ەل اراسىن لاڭ سالدى.

بىزدەرگە اۋىز اشار كۇن بولعان جوق،

سۇيتتى دە ساياساتتى بۇزىپ الدى.

مۇنىڭ دا قۇلاعىنا قۇيدى تالاي،

بولىستى ءبىر جارقىمباي، ءبىر ىقشىلباي،

وشتىگىن، ۇستەمدىگىن، ءوز پايداسىن،

وسىمەن ىسكە اسىرىپ ءجۇر ىقشىلباي.

مۇنىمەن تاعى دا ءوتتى ويىن - ساۋىق،

ىستەستى، ساياساتتىڭ كىلتىن تاۋىپ.

باسىنان جارقىمبايدىڭ، كەتپەك بولدى

ۋاقىتسىز، تولقىمالى زامان اۋىپ.

جارقىمباي سول بويىمەن كەتتى شىعىپ،

ىقشەكەڭنىڭ قىلعان ءىسى وعان جۇعىپ.

جارقىمباي جامان اتپەن جالا ارقالاپ

ىقشىلباي ىقتاسىنداپ قالدى بۇعىپ.

ورنىنا ماۋلەت تۇردى جارقىمبايدىڭ،

شاقىلداپ ءتۇسى سۋىق، ىزعارلى ايدى،

جارقىنمەن جارقىلداسىپ دىرىلدەگەن،

ەندىگى امالى نە ىقشىلبايدىڭ؟

الدىمەن ءجۇز تانىستى، قولىن الدى،

كىسىدەي تۇك كورمەگەن بولىپ الدى.

جامانداپ جارقىمبايدى «ەل بۇزعىش» دەپ

مۇنىڭ دا وڭ جاعىنان ورىن الدى.

ايتىپ ءجۇر ەلدىڭ بەتىن، جۇرتتىڭ جايىن،

سالىپ ءجۇر قىنجىلعانسىپ سارىۋايىم.

سىبىرلاپ كۇندىز - ءتۇنى مۇنى داعى،

جۇنجىتىپ، جولداس قىلدى قاراپايىم.

بىرقاتار مۇڭىمەنەن داۋرەن ەتتى،

قارىق قىلدى ىقشىلباي دا تالاي كوپتى،

«مانىسى مىنانىڭ دا بولمادى»، - دەپ،

ورمەلەپ توسكە تامان سىپسىڭ ەتتى.

سونىمەن يىستەنىپ ول دا كەتتى،

ىقشىلباي ىقتاپ قالدى ەجەلگى ەپتى.

ودان سوڭ پەرىشتەسىپ بىرەۋ كەپ ەدى،

ىقشەكەڭ بىرگە تەپتى الپەنشەكتى.

كەلسە دە ءجۇزى تۇگىل، مەيلى مىڭى،

بارىن دە جەتەلەيدى اشىق سىرى،

وزىنە جالپاڭ قاعىپ ىقتاعان سوڭ،

اۋلاقتاپ سىرتقا تەبەر قانداي جىندى؟

وسىلاي ءوتىپ كەلەدى قانداي زامان،

ىسىلعان ىقشەكەڭ دە زامانادان،

اۋدارىس بولسا داعى سىپسىڭ سۇرگىن،

بۇلتاڭمەن كەلە جاتىر ەسەن - امان.

1923 جىل.


پىكىرلەر:


پىكىرلەر:
قانشا بولادى؟
98 + 1 = ?