كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-177111624 %76 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->ساپاردا
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (606)


ساپاردا

I

تونىپ اۋە،

تۇنىپ تەڭىز،

قىزىقتىرعان باسىندا.

ىڭسىز، جەلسىز،

تەڭىز، ەلسىز...

ۇمىت

ىلگەرى اسۋدا.

قايىقتى سىرىپ،

كەتتىك بۇعىپ

الىس جولعا

جىراققا!

كەزدى جاس قىپ،

قوش - قوشتاستىق

قارا كەمەر

قۇراققا.

ۇزدىك - سوزدىق،

جۇردىك، جۇزدىك،

كوك تەڭىزدى ايىرىپ.

سۋ دا «شۋسىز»

بىز قايعىسىز،

كەتتىك ۇزاق

اي ءجۇرىپ.

II

تاپپاي جاعا،

سۋ سارقىراعا،

كۇن جىعىلىپ سۇڭگيدى.

جىلدام، شاپشاڭ،

جامىراپ سام،

تۇن تۇنجىراپ

مۇلگيدى.

جەلپىپ تەڭىز،

شىقتى لەبىز،

كوكتى بۇلت تورلادى.

قايىق قىلپىلداپ،

سۋ ىلپىلداپ،

بىزگە بەزگەك

ورنادى.

بىز شالقالاپ،

جەلدى ارقالاپ،

كەتتىك بەتسىز ءتۇۋ - تۇۋگە.

وكىرىپ داۋىل،

اھ - ۋ - ۋ - شۋ!

سالدى ءبىزدى

شۇۋ - شۇۋگە.

ساپىرىپ تەڭىز

جەل سوعادى.

قالتىل قايىق تولقىندا.

اقىرىپ تەڭىز،

سەڭ سوعادى.

كەتكەن جۇرەك

قورقۋدا.

تاۋداي قايجاڭ،

شۇڭقىر، ويپاڭ،

السىز وتپەن كوز ءتۇستى.

كولدەنەڭدەپ،

كوككە ورمەلەپ،

جىندى تولقىن

سۇزىستى.

قارا جاڭبىر

سىر - سىر، سىر - سىر...

سورعالادى، سورلادى.

ۇپى اۋليە،

سۇلەيمەن دە

تۇك سەپتىگى بولمادى.

ماڭگى - ماڭگى.

قاپ - قاراڭعى،

سوقىر كوزدى جۇمعانداي.

ۇستى جەلەڭ،

استى تەرەڭ...

ومىر زىميان

زىندانداي.

III

الدەقايدا

قانداي جايعا

كەلدىك، كەتتىك بەلگىسىز.

قانداي مەكەن

قاي جاق ەكەن،

اجىراتىپ مي

بەرگىسىز.

كەتتى سۇرەك

ولدى جۇرەك،

سەزىم - سانا قالعان جوق.

ەش شىقپاعان

ولىمتىك جان،

سەندە اھلاۋ،

ارمان جوق.

جۇزدىك - جۇزدىك،

سوققى كوردىك

باسەڭدەدى جەل - داۋىل.

سوققان تولقىن،

تارتقان وپقىن،

اقىرىندادى

جاي اۋىر.

جىرتىلدى بۇلت،

ەتتى جىلت - جىلت،

سىعالايدى «بوساعا».

ماعان ءالى

قاپ - قاراڭعى

بەتسىز - شەتسىز

وسى ارا.

ۇرىككەن ۇركەر

ۇشقان ارقار،

ول دا بىزدەي اداسقان.

«جەتىقاراقشى»

كىمگە تاۋىپ

جول اشقان؟

«اقبوزات» تا،

«كوكبوزات» تا:

ارقانداۋلى، بايلاۋلى.

الىس پا ارال؟

قوڭىر سامال

بۇلتتى ءتۇرىپ ايداۋلى.

بىز سەنبەيمىز،

بوس «جەل» دەيمىز،

ۇركەر - ارقار، وڭگەنى.

بىز ىزدەيمىز،

بىز كوزدەيمىز

اۋماس قازىق شەگەنى.

«تەمىرقازىق»

بويىن جازىپ،

شىقتى بۇلتتان جالتىلداپ.

بەت تۇزەدىك،

«ال جۇزەلىك!»

دەستىك

قايىق قالتىلداپ.

قاجىپ - تالما،

جەتتىك تاڭعا.

جەل باسىلار، ءتۇن دە وتەر.

اۋماس قازىق،

تالما قاجىپ،

ەل قاراسىن كورسەتەر.

1923 جىل.


پىكىرلەر:


پىكىرلەر:
قانشا بولادى؟
98 + 1 = ?