كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-21110 %100 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->ماي تويىندا
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (830)


ماي تويىندا

بۇگىنگى كۇن ۇلكەن توي،

بىرىنشى ماي - پەرۋاي ماي.

قۋانىشتاپ، قۇلاشتاپ

تويلايتۇعىن كەلدى وراي.

شاشۋ جارلى - جاقىباي،

نە قىلدى ەكەن، اپىر - اي؟

سال تارلانعا، ەر قايدا؟

ىرعايعا قىزىل تۋ بايلا.

تومىرتقا قىلىپ تورسىققا،

شولدەرمىن، سۋسىن سۋ بايلا.

مىنەيىن داۋىل تۇلپاردى،

اسىنباق، قانجار - زۇلپاردى

تاقياداي، توپتاي بوپ،

جەر دەنەسى قۇرعاق سۋ...

توبەسىنە شوقتاي قىپ

شانىشتىم اكەپ قىزىل تۋ.

جەل، جالاۋدى جەلبىرەت!

جەلىكتەپ شىقسىن ىشتەن دەرت

جارىسقا تارتىپ جارلىمدى،

جىرلايىن جالپى ماي تويىن.

قامشىلاپ جۇيرىك داڭعىلدى،

سالايىن بۇگىن ات - ويىن.

تارت، كولدەنەڭ جۇيرىكتى!

جاۋ قامالدى، ۇيلىقتى!

مىزعىدىم دا ءتۇس كوردىم.

كەدەي وزدى، بولجال ءتۇس!

ەسىنەدىم، تۇشكىردىم:

«جاراكىماللا!» - دەدىم ءۇش.

تارت، كەدەيلەر، اق جولعا،

الەمنەن بايگەنى ال قولعا!

پاتشادا بار ارعىماق،

التىن تۇرمان، زەر تۇلىك،

ماي تويىندا شابا الماس

ماي قارىن، بوپاۋ، قان جىلىك.

ول شابا الماس قاراعا،

مۇنداي تويدان ساداعا.

بايلاردا بار بوز ازبان،

كەبەجە قارىن كەڭ قۇرساق.

مۇنداي ۇزاق بايگەگە

جاراماس اڭعال ۇرىنشاق.

شابام دەسە شىن سورى،

اۋدارىلار جىن، توعى.

تەسىك وكپە، بەينەتقور،

قاجىماعان قامىتقا;

ارىپ - اشىپ، كۇيسىز بوپ

سۇيرەگەن ەدى باعىتقا،

بار شىعاتىن تۇلپارىم

اينالا شاۋىپ جەر شارىن.

جۇرەگى تازا كوڭىلى اق،

جارلىلارىم، كەدەيىم.

جابىرقاپسىڭ، مۇقالىپ،

باۋىرىم - اۋ، ساعان نە دەيىن؟

مايدان جەرسىن جەمىستى،

ەل بولارسىڭ كەلىستى.

قاھارمان قىزىل اسكەرىم،

جولبارىس بىلەك جاستارىم.

ەڭبەك ءشىلدىڭ قورعانى،

مۇزبالاق، قىران، جاس، كارىم،

قارۋدى اسىن، شىق تويعا

تويىڭدى تويلا ءجۇر، ءايدا!

سۇيەل قولدى قارا ۇستا،

سايماندى سال تالىسقا.

بۇگىنگى بايگە سەنىكى،

شىلبىرىنان ال ۇستا!

تاستا بۇگىن بالعاڭدى،

كور كۇرەسكەن بالۋاندى!

قىر جاۋىرىن ديقانشى،

كەتپەندى بۇگىن جەرگە شاپ.

كومەكتەس، جۇيرىك تالىقسىر،

ورگە تارت، سۇيرە بەلگە ساپ.

جۋ بالتىردىڭ بالشىعىن،

ۇستا قولىن جالشىنىڭ!

ەتىكشى، ءۇيشى، تەرىشى،

زاۆودشى، جولشى، كومىرشى،

جارلى، جالشى، قۇل - قۇتان،

شىرىگەن كۇندەر ومىرشە.

جارىس، تويعا جابىرلا،

اۋەنىڭنەن جاڭىلما!

جاس جەتىمدەر، بالالار،

قاتار تۇزە، ساپ جاسا.

اندەت، شىقسىن جاس داۋىس،

بولسىن قىزىق تاماشا.

قىزعالداقتاي وڭدەنىپ،

ماي تويىنا بەر كورىك!

كيىمىم ناشار، جامان دەپ،

ارلانبا، جارلى، ءجۇر تويعا.

«جاسا، جارلى، جاسار» دەپ

«شىق تۋ الىپ اتويعا».

تارت كومبەگە، دۇركىرە،

داۋىستا، كۇندەي كۇركىرە!

جانىڭدا، تومەن، تەرىسكەيدە

جانى ءتاتتى بايلار بار،

ايداھار ۋلى، اشۋلى،

داۋدەن بەسەۋ، التاۋ بار.

كورسەت بۇگىن قىرىندى،

سال جولىنا قىڭىردى!

سول ايداھار باۋرىندا

كۇيەلەش، ءالسىز قۇل، كۇن كەپ،

قورقاۋ قاسقىر اۋزىندا

ۇن شىعادى: ء«ولدىم!» دەپ.

سال قايراتتى سول ءۇشىن

ول - ادامدىق بورىشىڭ.

وسى ايقايدى سالىسىپ،

ەزىلگەن ەلدىڭ كوبىنە،

وسى بەتپەن جارىسىپ،

شىعامىز جەردىڭ دوڭىنە.

تارت، بوگەلمە، كومبەگە،

كوتەرمەلە، ورمەلە!

جالپى ەڭبەكشى تويلاپ تۇر،

رەسەيدىڭ توپىراعىن.

قاراشى، تۋىن بايلاپ تۇر،

شاقىرىپ تويعا جان - جاعىن.

قايىرىپ داۋسىن كومەيدەن،

ايقايشى شىقسىن كەدەيدەن

− «جالپى ەڭبەكشى، قوعامداس!» -

مايدىڭ ايقاي ۇرانى.

«جالپى ەڭبەكشى، ارالاس»

مايدىڭ قارۋ، قۇرالى.

ماي كەدەيدىڭ ماقتانى،

لاۋقۇلماقپوز تاقتايى.

1923 جىل.


پىكىرلەر:


پىكىرلەر:
قانشا بولادى؟
98 + 1 = ?