كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-219738067 %33 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->ۇلى كۇن
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (577)


ۇلى كۇن

اسپاندى قارا بۇلت وراپ،

ماڭايىم تۇمان بولعاندا;

ۇستى - باستى جاۋ توناپ،

جانىم - ءتانىم توڭعاندا;

ەڭبەك پەنەن اقىلدى،

كورىنگەن ولجا قىلعاندا;

باۋىرلاستى، جاقىندى،

يتتەر قالجا قىلعاندا;

قۇزعىن، قورقاۋ قامالاپ،

ايرىلعاندا سۇرەكتەن;

جىلان، شايان جىرمالاپ،

ايرىلعاندا قورەكتەن;

قارمالاپ جول تابا الماي،

قاراڭعى كوزسىز تۇنەكتەن;

قارمالعاندى الا الماي،

قان اققاندا جۇرەكتەن;

قاراڭعى جارعا بولىپ ءتۇس،

قامالعاندا تۇيىققا;

كوزدى شوقىپ قارا قۇس

مىنگەندە باسىپ يىققا;

ۇرەيلەنىپ، ءۇرپيىپ،

كوتەرەمدەي سيىقتا;

مويىنعا اۋىر جۇك ءۇيىپ،

باتىرعاندا ۇيىققا;

ون التىنشى جىل ەدى - اۋ،

شۋلاعان دالا جامىراپ.

ول ۇمىتپاس كۇن ەدى - اۋ،

كۇڭىرەنگەن جۇرت اڭىراپ.

اۋىزدان جالىن اھلاپ ءۇن،

كەتكەندە يىق سالبىراپ،

قولدان كەلىپ العان كىم؟

جىعىلعاندا قالجىراپ.

تۇمان بولىپ جان - جاعى،

قاماۋدا قاتىپ قالعان كىم؟

قولتىقتان سۇيەپ سونداعى

جارىققا تارتىپ العان كىم؟

سول كۇندەردىڭ ءار ۋاعى

ەستە ەمەس پە كۇن بۇگىن،

ول كۇندى ەستەن الماعى

وڭاي بولماس اركىمنىڭ.

ول بۇگىنگى كۇن ەدى،

كوتەرىلگەن كوككە بۋ.

«قوزعال، كەدەي» ءۇنى ەدى،

جۇمىسكەر، سولدات شۋ دا شۋ...

ول ءبىر كۇنگى وكتيابر

جارقىراپ نۇرىن شاشقان كۇن;

پاتشا، تورە ساۋداگەر

قويانداي بۇعىپ قاشقان كۇن;

قىزىل جالاۋ ۇيتقىتىپ

الەمگە نۇرىن شاشقان كۇن;

ايداھاردى قورقىتىپ،

اپتىعىن سۋداي باسقان كۇن;

ۇش توسارلىق قاندى اۋىز،

ول بوراعا تۇسكەن كۇن;

قارا قابان، جالماۋىز،

قورقىراپ قانىن ىشكەن كۇن;

الالاماي الەمدى

جارقىراپ ساۋلە تۇسكەن كۇن;

كەڭ، بايسالدى، مانەرلى،

ەڭبەكشى تونىن پىشكەن كۇن.

تاپشىل جولىن انىقتاپ،

ات ويناتقان دالاعا.

قورعاسىنمەن ۇشىقتاپ،

وت جايناتقان قالاعا.

ايداھارداي اقىرعان،

التىن يىق، سارى الا،

باقاداي شۋلاپ باقىرعان

دەگەن «جانىم قالا ما».

جۇمىسكەردى، كەدەيدى

وققا اپارىپ بايلاعان.

قۇلدى، كۇڭدى، وگەيدى

مايدانعا توپتاپ ايداعان.

سول سوعىستى سىندىرعان

سەن ەمەس پە ەڭ، وكتيابر؟

ەڭبەكشى كوڭىلىن تىندىرعان

سەنەن باسقا نەتكەن كۇن؟

ەڭبەگى جانعان، بوپ جولى،

سەن ەڭبەكشىل سەركەسى.

ارداقتايتىن ءار جىلى،

سەن ەڭبەكشىل ەركەسى.

1923 جىل.


پىكىرلەر:


پىكىرلەر:
قانشا بولادى؟
98 + 1 = ?