كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-1710518424 %76 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->قويشى ويى
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (745)


قويشى ويى

اۋىلى قويلىبايدىڭ قولات قونعان،

سىلبى رەڭ ۇزاق سارى تاڭ جاۋىن بولعان.

تون، شالبار ءتۇزۋى بويى كوكسوقتا بوپ،

قورادا قوي كۇزەتىپ قويشى توڭعان.

يىرگەن تۇنىمەنەن ىققان قويدى،

تاڭعى جەل شيرىقتىرىپ تۇلا بويدى.

جانتايىپ تاڭ اتقان سوڭ جابۋىندا،

يىرىپ ىڭىرسيدى مىناۋ ويدى:

قۇل مەن كۇڭ اكەم، شەشەم ەجەلدەگى،

مال باققان، وتىن شاپقان ءوز ەڭبەگى.

باي، باتىر، جالشى، مىرزا، ءالدى، ءالسىز بار،.

تىرشىلىك، مىناۋ اققان وزەندەگى.

سۋىق تاس اكەم ءتانى قارا كەسەك،

جانشىلعان شەشەم جانى بالشىققا ەسەپ.

كولىگى كوز اشقاننان كورىنگەننىڭ،

جانى ولىك، جۇرەگى ولىك، ءبىر كوك ەسەك.

ەزىلمەي، ەلجىرەمەي جاس جانداعى،

سۋىسىپ كۇزگى بۇلتتاي اسپانداعى.

سۋىق، سۇر سوقتىعىستان تۋعان جايمىن،

سالماعى سالقىن قاندى باسقانداعى.

بولاتىن دۇنيە سارساڭ تۋعان شاقتا،

وسكەمىن وتىن جاستىق، قۇم قۇنداقتا;

جەر تەۋىپ تەمىر وكشەم بالعا بولعان،

يلەنگەن تىكەن، شەڭگەل بۇل قۇشاقتا.

بۇلشىق ەت، بۇلتىق بورشام تۇتاسۋى،

سۋعارعان قار، جاڭبىر مەن كوكتىڭ سۋى.

بىلعارى قارا ءمۇسىن سۇبە ەتىمدى

بورىتتىرگەن، تالقىلاعان بەينەت ۋى.

قۇر قالعان تابيعات جوق تانباي مەنەن،

مەيلى الىس، مەيلى كيىن، مەيلى تەرەڭ.

نوسەرگە قارا دەنەم مالشىنعاندا

قوينىمنان بوران گۋلەپ ايتقان ولەڭ.

مەنىمەن بىرگە وسكەن مىرزا

كەرىم، ءبىر جىلدا ساناپ بولماس كيگەندەرىن.

اق. بالتىر امىركەڭنەن التاۋ كيسە،

قاتتى ۇلتان، قارا بالتىر تابان تەرىم.

مەن سونان سۋىقپىن با دۇنيەگە،

جەلپ ەتىپ جەلىكپەدىم ەشتەمەگە.

ماسىلدىق، ماقتان، پاڭدىق، اقسۇيەكتىك

ادىرا ەمەس پە سۋىق. جان، مۇز دەنەگە؟

تابان ەت تايانعانىم، ماڭداي تەرىم،

مالىن سول تالاساتىن جالعىز سەنىڭ.

قىرۋار قىتايداعى قينالعان جۇرت،

قۇل نەگر قۇم قىدىرعان باۋىرىم مەن

ىڭ.

امىركەن رەزەڭكەسى ەلىندەگى،

جەر استىندا، كومىردىڭ كەنىندەگى،

مارجانعا ءۇندىستاندا سۇڭگۋىرلەر،

ديقانشى جەر تىرناعان ەگىندەگى.

بايداعى جالشى، قۇتان قاي - قايداعى،

ماۋتەن تاز ءوزىمىزدىڭ مالاي داعى.

تەڭىزدە، تەمىر جولدا، فابريكتە

ونداعى جۇمىسشىلار تالاي داعى.

باۋىرىم مۇنىڭ ءبارى، تۋىسقانىم،

تىلىمەن تىرشىلىكتىڭ، ۇيىسپاعىم.

ەل تالار، ەڭبەك قانار، جۇرتتى جۇتار

جالماۋىز - جاۋىم مەنىڭ، باي دۇشپانىم.

ۋلانعان مەن ۋلى جان كەدەيلىكپەن،

جارا بوپ جان جانشىلعان باسقان جۇكپەن.

دىن، ماقتان، داۋلەت تاپقان ارسىزدىقپەن

اتاققا، ارۋاق، قۇداي تىزە بۇكپەن!

جىلادىم، ىزالاندىم، ءجۇردىم جالعا،

كومەگىن كورسەتكەن جوق اياپ «الدا».

كۇن بار ما كەتەتۇعىن، قۇتىلام با،

«كەدەي» دەپ سۇيەكتەگى باسقان تاڭبا.

بىج - تىج قىپ باي، جۋاندى وسى ماڭدا،

كەنەلدى - اۋ كەدەي بىتكەن بۇگىن تاڭدا.

جاينادى تاڭ اسىنان قىرمىزى نۇر،

ماسايراپ ماڭدايىندا وراق - بالعا.

ۇمىتام بۇعان قاراپ باياعىمدى،

اتتايىن سوعان تامان اياعىمدى.

بالعانىڭ وراقپەنەن ورتاسىنا

قويايىن مەن دە اپارىپ تاياعىمدى.

1923 جىل.


پىكىرلەر:


پىكىرلەر:
قانشا بولادى؟
98 + 1 = ?