كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-177111624 %76 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->كەدەي تويى
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (736)


كەدەي تويى

كۇندەگىدەن كوپ نۇرلى

سىزىلىپ اتقان سۇلۋ تاڭ.

سۋ دا وزگەشە سىلدىرلى،

دەيدى: «بۇگىن شىن مەيرام!»

تاس كەۋدەلى الاتاۋ،

جايدارى جاتىر ماۋجىراپ،

جاپىراق، جالبىز، قالاقاي

ىمداستى بۇگىن ساۋدىراپ.

كوك تورعىنداي اسپان - كوك،

"توبەدەن تەسىپ توسىپ تۇر،

ورمان، توعاي، بايشەشەك

تويلارىڭ قۇتتى! - دەسىپ تۇر.

«تۇر، كەدەي!» - دەپ تويىڭا.

بوزتورعاي شىرلاپ جار سالدى.

شاقىرىپ جان - جاقتى ويىنعا،

توعايدا بۇلبۇل ءان سالدى.

ماناۋراپ تويعان ءتورت تۇلىك،

ماۋجىراپ قالدى ورىستە.

جادىراپ تولقىپ اسپان، جەر

قۇشاعىن جايدى ەگىسكە.

ايداھار قورشاپ، پاتشاعا

وتار بولعان جەتىسۋ.

قان جاسىمەن بەت جۋىپ،

جەلىم جەگەن، ىشكەن ۋ.

ەلدىكتەن ابدەن كەتكەندە،

سۇيەككە زارداپ جەتكەندە،

شىققامىز بۇگىن جارىققا،

لاعىنەت ايتىپ وتكەنگە.

بىز ول كۇندى ۇمىتتىق،

مۇز جۇرەكتى جىلىتتىق،

قان سورپالى ەڭبەكتەن

جالعىز - اق بۇگىن تىنىقتىق.

قاراشى، كوز سال، بايقاشى،

كەدەيدىڭ مىناۋ تويىنا.

ومىردە كورگەن قورلىعى

كەلەتىن دە ەمەس ويىنا.

جارلى - جالشى، باتىراق،

قولاڭشىلار، قويشىلار.

جارقىراپ جان - جاق اتىراپ،

بارى بولدى تويشىلار.

توپىراق جۇتقان بايعۇستار

ساپىرىپ وتىر سارى قىمىز.

قيعاشتاي كەسىپ جامباستى،

دەيدى «الىڭىز،».

بايگە جۇيرىك شابىستا

بالۋاندار دا الىستى.

قىز، كەلىنشەك ايتىسسا،

نايزاگەرلەر سايىستى.

«كوكپارى» تالاس، تارتىستا،

ال ۇستا دا، ال ۇستا،

قۇرمەتتى تويدىڭ قوناعى

تاماشا قىلىپ اڭدىستا.

بىز الپەشتەپ بۇل كۇندى،

وسىمەن ءۇش جىل وينايمىز.

جىل ون ەكى اي، ءبىر كۇندى،

باس قوسىپ جىلدا تويلايمىز.

جەتىسۋدىڭ كەدەيى،

كورگەن قۋعىن - سۇرگىندى.

سول سەبەپتى ادەيى

ارداقتايدى بۇل كۇندى.

كەدەيدىڭ جانىن سەرگىتكەن

مەيىرىمدى ساۋلە ءبىر كۇنسىڭ.

جەتىسۋدا ەل كۇتكەن،

بۇل كۇن كوپكە ءبىلىنسىن.

1923 جىل.


پىكىرلەر:


پىكىرلەر:
قانشا بولادى؟
98 + 1 = ?