كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-21110 %100 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->باسپاحانادا قىر قازاعى
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (499)


باسپاحانادا قىر قازاعى

نۇرقىدىر مەن بايقارا

كەلىپ ەدى قالاعا،

يۆاننىڭ تارتىپ سارجاسىن.

بۇرىپ ەدى ات باسىن،

جابىق ەكەن قاقپاسى،

تابا المادى مارجاسىن.

ماما اعاشقا جالتارىپ،

شولاقتاردى قاڭتارىپ،

دوعارا سالدى ارباسىن.

تاماشالاپ ادامىن،

قاراسىپ تۇر قالانىڭ

«ىزبىراي - سايمان» - شارۋاسىن.

الدىندا ۇلكەن ساراي تۇر،

اشەكەيلەگەن الا سىر،

قاڭىلتىرلاعان مۇرجاسىن.

سىعالاسىپ تەسىكتەن،

ەڭكەيىسىپ ەسىكتەن،

قاراستى قازاق، ورداسىن.

قىبىرلاعان قىمىزشى،

قىمىزشى ەمەس، جۇمىسشى،

قوجالاقتاعان قول - باسىن.

ويىنىنداي بالانىڭ،

سىنداي ارانىڭ،

كەرۋلى كوردى دورباسىن.

دورباسىنىڭ ىشىندە،

قولدارىنىڭ ۇشىندا،

قوتىر - قوتىر قورعاسىن.

كەرىلە الماي كەكشەڭدەپ،

كۇيەلەش قولمەن شوپشەڭدەپ

جيىستىرادى تۇلعاسىن.

قاراي الماي جان - جاققا،

قولىنداعى قالاققا

قيىستىرادى ءبىر باسىن.

سىقىرلاپ ماشينا اينالىپ،

ۇرشىقتارى مايلانىپ،

ىڭىرانتادى ىرعاسىن.

قىردان كەلگەن قازەكەڭ،

كورگەنى ءتىپتى از ەكەن،

شامالايدى ۇزىن - ىرعاسىن...

قاعازدى جۇتىپ ىشىنە،

ارپىلداسا ماشينا،

ويلايدى قازاق بۋراسىن:

شەككەن مىناۋ كولدەنەڭ

اساتىپ جەمىن بۋرانىڭ

باعىپ تۇر بىرەۋ تۋراسىن.

ارپىلدايدى ول ساباز،

جارقىلدايدى اق قاعاز

بەينە قارلى بوراسىن.

رەزەڭكەلى قارا وقتاۋ

عارىپتى مايلاپ، قاعازعا

ۇيكەيدى ەكەن ارقاسىن.

اينالدىرعان جىگىتتىڭ،

تۇلا بويىن ءجىبىتىپ،

اعىزادى ەكەن سورپاسىن.

قاعاز جاساپ وتىر جاس،

جۇمىسىنان الماي باس،

قولىنىڭ كوردى جورعاسىن.

نۇرقىدىرعا بايقارا

تۇرتىپ، دەدى، - بەر قارا،

كوردىڭ بە اناۋ گازەتتىڭ

جازاتۇعىن مولداسىن.

ارقاسىندا ءادىستىڭ

تاپقانى عوي ورىستىڭ،

كوردىڭ بە مۇنشا ولجاسىن.

بەرەكەلى ىستەۋ جوق،

ماشينا - سايمان ۇستاۋ جوق،

جايىلىپ جۇرگەن «مال كازاك»

كىمگە تاماق بولماسىن؟

بودىرەت الىپ وتىنعا،

قاراعاي تارتىپ قاتىنعا،

جۇرمىز مىنە، جولداسىم.

كەل، موليمەي قايتايىق،

مارجانعا جايدى ايتايىق،

زداۆايتتاپ سارجاسىن.

نۇرقىدىر دەيدى:

− جۇرەمىز، اۋىلدا قاشان كورەمىز

وسىنداي ونەر ورداسىن؟

باسىمىز ءجۇر قوسىلماي،

ۇيرەنىپ ونەر وسىنداي

مالدانامىز با قورعاسىن!

1923 جىل.


پىكىرلەر:


پىكىرلەر:
قانشا بولادى؟
98 + 1 = ?