كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-1710518424 %76 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->جايلاۋ
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (636)


جايلاۋ

كوك كىلەم قاتيپاداي جاسىل جايلاۋ،

قاز - قاتار اۋىل ارتى جەلى بايلاۋ.

جايلاۋدىڭ جاز مەزگىلىن ەلەستەتىپ،

ماقتانشاق مىنەزىم بار جۇرتقا ايقايلاۋ.

ايى التىن، كوك جايلاۋدىڭ كۇنى كۇمىس،

اق تاسى بۇلاعىنىڭ مارجان، كۇرىش.

ەتەگىن شالعىن شالىپ، جەل شايقاسا،

بەينە توي سەكىلدەنەر جاسقا ءجۇرىس.

قۇلىن، تاي كىسىنەسىپ شىڭگىر - شىگىر،

تاس بۇلاق جايلاۋ ماقتار قاعىپ سىلدىر.

تىرايىپ كوك جوتادا قوي شەتىندە،

ماستانعان قاتىق. ءىشىپ قويشى قۇرعىر.

قاراعاي قالىڭ وتىر قارسى بەتتە،

قاراشى قاليمان مەن بەيسەمبەككە:

تەڭسەلىپ، تەبىسىپ ءتۇر التىباقان

بايلاپ اپ وتىن ءجىبىن الپەنشەككە.

اينالعان اسپانىندا العىر بۇركىت،

قاتىندار كۇرپىلدەتىپ پىسكەن ىركىت.

اۋەنى اندا - ساندا بۇلتى تورلاپ،

جايلاۋدى شومىلدىرار جۇپار بۇركىپ.

ساپىرىپ بايبىشە وتىر سارى قىمىز،

باي وتىر جالشى جۇمساپ، ءسوزى نىعىز.

وزەكتە مۇرىن جارىپ، ماستاندىرار،

قوي ۇزگەن تاڭقۋرايدان اكقان ۋىز.

ۇڭىلگەن قىز، كەلىنشەك بۇلدىرگەنگە،

قۋقىل ءماز توبەدە ەلدى كۇلدىرگەنگە.

جاپار تاز قوي، قوزىنى جامىراتتى،

اۋەي بوپ بۇلدىرگەندە ءبىر جۇرگەندە.

ۇي باسى قۇرت قايناتقان، ورە جايىپ،

كۇندەلەپ بيە ساۋعان كەلىن، زايىپ.

داۋىلدا جەل قاپسىرعان ارقانى جوق،

كەدەيدىڭ قاۋەشەتى ءتۇر قيسايىپ.

ىڭىردە جىلقى جيعان جىلقىشىلار،

سىزىلتىپ كوڭىل تەربەپ انگە شىرقار.

ان تولعاپ بويجەتكەندى قىبىلجىتسا،

كۇرسىنىپ كوزدەن كەكىل كەيىن سيپار.

قىسىراق. ۇيىرلەنگەن بورتە بۋرىل،

ساياقسىپ شەت جايىلىپ ەمەس جۋىر.

قايناتقان قازان تۇسپەي، تاڭ بىلىنسە

ازايدى سىقاق. قىلار تاستا سۋىر.

الادى گۇلشى ۇيقىنى كۇندىز ساسكە،

ساسكەدە سارى قىمىز تۇسەر باسكە:

ماناۋراپ گۇل تولقىتقان سامال جۇتىپ،

اق سۇلۋ ىرگە جاقتا تىگەر كەستە...

1923 جىل.


پىكىرلەر:


پىكىرلەر:
قانشا بولادى؟
98 + 1 = ?