كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-1710518424 %76 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->جاس جالشىعا
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (643)


جاس جالشىعا

تۋعاندا العاش اناڭنان،

بالاپان ەدىڭ اق ۇرپىك.

قۇنداعىڭ تەرى، سالامنان،

جەتكىنشەك ەدىڭ جەز كىرپىك.

اكەڭ قويشى، شەشەڭ كۇڭ،

جىلى ورنى دا جوق ەدى.

قازان جالاپ سەن ءۇشىن،

ايتەۋىر اناڭ «توق» ەدى.

ازاپپەن جيعان اق ءسۇتىن،

مەزگىل - مەزگىل سورۋشى ەڭ.

جۇمىستا اناڭ، جوق كۇتىم،

وكسىكپەن وكپە سوعۋشى ەڭ.

شوپ توسەكپەن شىعىسىپ،

دەنەڭ تاستاي شيراعان;

كۇن قاعىپ، جەل جەپ، وتقا ىسىپ،

بەينەتتەن كۇش جيناعان.

ايازدى سۋىق بوراندا،

قالشىلداپ ءوستىڭ ءسۇمسيىپ.

تاندى اتىردىڭ قوراڭدا،

قار قۇشاقتاپ، مۇز ءسۇيىپ.

اق باتەستەي اق دەنەڭ،

ىستاعان بەينە قارا كون.

قاباعىڭ سالىق، جوق ەلەڭ،

وينامايسىڭ بالامەن.

ۇرىسۋ، سوعۋ، زىقىناۋ،

جۇرەكتىڭ قالعان توتى بوپ،

وستىرگەن شايىپ جاس بىلاۋ...

ومىرلىك سونى تەڭ وتى جوق.

ۇمىتى بىتكەن تىرلىكتىڭ،

جاس باسىڭنان شالعايسىڭ،

قىزىعۋ، تالاپ، ەرلىكتىڭ

بىرەۋىن دە ويعا المايسىڭ.

جاسىڭنان - اق قۇلدىققا

ىڭعايلانىپ الىپسىڭ،

مۇقتاجدىققا، مۇڭدىققا

مۇڭايىپسىڭ، قالىپسىڭ.

ەمەس پە ەڭ جازعى كوبەلەك،

كوگالدا كولبەپ ۇشپايسىڭ.

نە سەبەپ، مۇنشا ۋھىلەپ،

قۋ تاياقتى ۇستايسىڭ؟

وزىڭدەي جاننىڭ بالاسى،

وقىپ ءجۇر عوي مەكتەپتە.

بەت، بىلەك قولدىڭ سالاسى،

ايلاشى، اپپاق پا؟

مەكتەبى جاقسى، كوڭىلدى،

ارقالاپ بوقشا بارادى.

كيىمى ءبۇتىن جىپ - جىلى،

ويناپ اسىر سالادى.

جابىرقاۋسىڭ، جاسىقسىڭ،

ونداي كوڭىل سەندە جوق.

جالىندى جاستاي باسىپسىڭ،

پەندەگە دە پەندە بوپ.

ۇيىمى قايدا جاستاردىڭ،

الدە سەنى بىلمەي مە؟

الدە اسۋسىز اسقاردىڭ

جىبەرمەي جەلى ۇرلەي مە؟

بۇعان قانداي ءمانىس بار؟

سەن بۇل كۇيدە وتىرسىڭ.

ەسكە الار، ايار تانىسار،

وقىرسىڭ، قارعام، وقىرسىڭ!

ۇران جاقسى، ءۇمىت كوپ،

جامىرار جاستار، باس قۇرار.

وسەرسىڭ كوپكە جىگىت بوپ

جاسىما، جانىم، جاس قۇرعار.

1923 جىل.


پىكىرلەر:


پىكىرلەر:
قانشا بولادى؟
98 + 1 = ?