كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-1710518424 %76 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->جاۋىندا
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (628)


جاۋىندا

جاۋىن،

تولاستاماس سورعالار.

سۋ بولدى اۋىل،

مالى - جانى قورعالاپ.

ۇيدە وت جوق،

ويتكەنى وتىن جانە جوق.

توقتار توق بوپ،

جوقتاردا باسپانا جوق.

ىبىرايىمنىڭ اۋىلى

اناۋ اق ۇيلەر.

«قۇدايىڭنىڭ ىبىرايىمعا ءوزى يەر».

قوراسىنىڭ شەتىندەگى لاشىق

بالاسىنىڭ وتىرعانىن جىلاسىپ.

كىم كورەدى؟

ايتاتىن جان بولار ما؟

كۇڭىرەنەدى...

جاۋىن جاۋماي قويار ما؟

سورعالاۋىن

سورلىلارعا مىنا كۇن.

بالا، جاۋىن - ءبارىنىڭ دە جىلاۋىن!

1923 جىل.

باۋىرىم، ساۋلەم كۇلاندا!

نەلىكتەن سولعىن اجارىڭ؟

تۇتىلعان ايداي تۇماندا،

نەلىكتەن تومەن نازارىڭ؟

اق ديدارىڭ توتىعىپ،

اقشا بەتىڭ سولىپتى.

جىگەرىڭ جاسىپ، وت قۇرىپ،

جانباستاي بولىپ ءسونىپتى.

جازىق جاۋىرىن قايقايىپ،

شىبىق بەلىڭ بۇرالىپ،

قۇلاعىڭ قاپتى قالقايىپ،

تاماعىڭ، جاعىڭ سۋالىپ.

بۇلدىرگەن بەتىڭ سۇرلانىپ،

تىرجيىپ قاباق قاتىپتى.

الماداي پىسكەن نۇرلانىپ،

تارتىلىپ ۇرتىڭ باتىپتى.

مولدىر تۇنىق قارا كوز،

اجارسىز تارتقان الايىپ.

كەلتە قارا شاشىڭىز

تۇبىت بوپتى شولجايىپ.

اق بىلەگىڭ ازعىنداپ،

بىلەزىكتەرىڭ بوساپتى;

قاراعانعا بايىمداپ،

ساۋساقتا جۇزىك بوس قاپتى.

ۇزاق، سارى تاڭ كورمەن تەڭ،

كىرپىگىندە جوق ۇيقى.

ۇزاق، سارى كۇن شەرمەن تەڭ،

ەزۋىندە جوق كۇلكى.

كوزىڭنەن اققان سۋىق جاس

ايعىزداپ بەتتى شايىپتى.

سۋىق جاسپەن ارالاس.

جۇرەكتەن تالاپ تايىپتى.

تاماشا ساۋىق، جيىن توي

بىرەۋى دە كوڭىلسىز.

دوستىق، قاستىق، قىزىقتى وي

بىرەۋى دە كەلىمسىز.

وت لەبىن دەي ىپ - ىستىق

اۋزىڭنان شىققان اششى زار!

كەۋدەڭدى كەرنەپ، دەرت قىسىپ،

كەزىڭنەن سىعىپ اعىزار.

وز ءجونىڭدى ۇمىتىپ،

يتكە باسىندى يەسىڭ.

ۇزاق تاڭعا ۋ جۇتىپ،

اھلاپ جاستىق سۇيەسىڭ.

ايت شىنىڭدى، ساۋلەجان،

كىم مۇڭايتتى؟ كىم سوقتى؟

ايىرىپ اجار اقىلدان،

الدە پەرى، جىن سوقتى؟

شىنىڭدى ايت، نەگە بوگەلدىڭ،

جۇرەككە جارا سالعان كىم؟

ماحاببات، تالاپ، جىگەردىڭ

تامىرىن قيىپ العان كىم؟

كىم سارعايتتى، نالىتتى،

ايت، جاسىما، جاسقانبا!

داۋىل مەنەن جاۋىزدىڭ

ۇشقان كۇلى اسپانعا.

وسەكشىل جاۋىز قاس دۇشپان،

دەدى - اۋ الدە: كۇڭ ەكەن.

بىز بۇعاۋسىز ارىستان

كۇڭ قىلاتىن كىم ەكەن؟

1923 جىل.


پىكىرلەر:


پىكىرلەر:
قانشا بولادى؟
98 + 1 = ?