كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-19729232138 %62 %
2019-10-20937296235 %65 %
2019-10-219738067 %33 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->قىس
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (635)


قىس

قىس، قار، مۇز، قىراۋ، قىلاۋ - جەردى كومىپ

بۇلت بۇركەپ، تۇمان ءتونىپ، باسا شوگىپ،

جەر - كوكتى اياز ءبۇرىپ، قىزىل جالاپ،

بۇرق - سارق بوران قۇسىپ، شاشىپ، توگىپ.

كەيدە اياز، كەيدە بۇرقاق، كەيدە قىرباق،

كەيدە ەرگەك، كەيدە كۇرپىك، كەيدە سىرعاق،

جەر تارپىپ، اسپاندى ارشىپ التىن كۇرەك،

ساپىرار سۇراپىلدى كەيدە ءبىر ۋاق.

ويدا ومبى، دوڭدە قاعىل قىردىڭ قارى،

جىلمىق، مۇزداق بولسا - قىرعىن داعى.

قاتىندار قالتىراسىپ سۋدان كايتقان،

قارعانىپ قىدىرعانعا قىردىڭ شالى.

كول ولىك، قاز، قۋى جوق داۋىستاعان،

قالعان قۇس - قارعا، شوجە، ساۋىسقاننان،

كوتەرىپ كوتەرەمىن، كوز ءتۇرتتى بوپ،

ارسىز جوق ازىق - ءشوبىن تاۋىسقاننان.

شوكيتىپ ءشوبىن تيەپ شاناسىنا،

قازاق بار قاتىناسقان قالاسىنا.

اس - تويدىڭ، باتا قىردىڭ، ءبىرى دە جوق،

مال قامى، اۋىل الاڭ شارۋاسىنا.

كۇن كۇڭگىرت، اسپان شاڭعىت. قىلاۋلاعان.

قىلاۋدان بۇتا بۇعىپ قىراۋلانعان.

ول ءبىر جۇت، ارامزا قوي قوزداعان،

ول ءبىر قۇت سيىر ەرتە بۇزاۋلاعان.

قوي، جىلقى قايرات قىلىپ جەردى قازعان،

اۋىل دا جۇدەۋ - جاداۋ قىستان ازعان.

ۇسىنىپ اياز، بوران ۇسكىرىكتە،

وتكىزگەن قىردا ءومىرىن مالشى جازعان.

قورادا جابۋلانعان ارىق - تۇراق،

شومشەڭدەپ ءشوپ اينالا شىبىش، لاق.

شاناسىن شيقىلداتىپ، يت ۇرگىزىپ،

اۋىلعا تارتقان قوناق، ىمىرت ۋاق.

بولماسا تۇلكى الدىرعان، قاسقىر اتقان،

بىر قازاق تابا المايسىڭ قىستى ۇناتقان.

وتىپتى «اق قويانداي» قىرعىن قىستار،

تۇكىرىك تۇسپەي قاتقان، جۇرت جۇتاتقان.

ىستەگەن جازداي ەڭبەك يۆان- مۇجىق

بازاردى اسىراپ تۇر مايا بۇزىپ.

ەتپەگەن جازداي ەنبەك يسا قازاق،

ساسۋلى، كورىنەدى قىس قۇبىجىق.

جالعىز - اق مەكتەپ ءىشى قىستا قىزىق،

بالالار دۋ - دۋ وقىپ، جازىپ - سىزىپ،

ۇيدە تار، دالادا قار، سۋىق قىساڭ،

مەكتەپتەن باسقا جەردە كوڭىلسىزدىك.

1922 جىل.


پىكىرلەر:


پىكىرلەر:
قانشا بولادى؟
98 + 1 = ?