كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-177111624 %76 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->تاپانشا
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (938)


تاپانشا

اكە

− اپىرىم - اي، بالام، تۇنەۋگى،

كەتكەننەن جاڭا كەلدىڭ بە؟

اي جوعالدىڭ، اعىلدىڭ؟

امانىسىڭ؟ تەگىن بە؟

مىقىنىڭدى مىقشيتقان

مىناۋىڭ نە بەلىڭدە؟

ۇلپەرشەك پە؟ ۇيرەك پە؟

تىككەن بە ءوزىن تەرىگە؟

قۇداعي بايعۇس قۇنتتاپ

جىبەرگەن شىعار كەلىنگە.

بالاسى

− اكە - اۋ، قايتتىم قالادان،

اسىنعانىم تاپانشا،

وق جاتارى التى ۇيا،

تاپانشا - مىلتىق تاپالشا.

سۇمبلەسى مىناۋ سويىلشا،

باسارى مىناۋ باقانشا.

قۇنداعى مىناۋ قۇس مويىن،

وعى مىناۋ باقالشاق.

قاراۋىلى مىناسى،

مىناسى كەيىن قاقايسا،

باس بارماقتى باسا ۇستاپ،

سۇق ساۋساقتى تاقاسا،

تارتىپ قويسا تارس ەتەدى،

ولتىرەدى وت السا.

ميليتسيا بولدىم مەن داعى

جارقىمباي مەن جاقانشا.

ۇكىمەت ءىسىن ورىنداپ،

شاپقىلايمىن شاقارشا.

اكەسى

− ويپىرىم - اي، بالام، بەرى اپ كەل،

التى اتارىڭ وسى ما - اۋ؟

قايشاعا تىزگىن بولاتىن،

قايىستان ەكەن وسى باۋ.

قابى قالىڭ بىلعارى،

تەمىرى كوك جاسىلداۋ.

التى وعى بار دەدىڭ بە

بوتەگەسىندە وسىناۋ؟

تاپانشاعا جەتىپسىڭ،

بار تاپقانىڭ وسى ما اۋ؟

مەليسەي بولساڭ، بالام - اۋ،

قاپتايدى عوي سويىس، لاۋ.

التى اتارىڭ قۇرىسىن!

اعايىن بىزدەن شوشيدى - اۋ.

زارازاپ بولعان ەل ەدى،

بىر شوشىسا جوسيدى - اۋ!

بالاسى

− قوي، اكە، قوي كەيىمە،

ادام بولام، اتتانام،

اۋىلدىڭ ءبارىن ۇركىتىپ،

قايدا بارىپ باق تابام!

اۋىلدا بولعان شاتاقتىڭ

اق، ارامىن اقتارام.

ۇرى ۇستاپ، تەنتەك تيىن،

ۇكىمەتكە جاقپاعان.

بايعا تەپكى كورسەتەم،

جالشىلارىن تاپتاعان.

قازىنادان اقىمىز،

ايلىق ساناپ، اقشا الام.

قازىنادان كيىم بار:

شەنەل، شالبار، شاك الام.

اكەسى

− ا، نە دەيسىڭ؟ كەلدى مە،

قاشانعى ءسوزىم قاقساعان.

تىماقتى تاستاپ، دەلەگەي

ەمىسىڭ؟ ماسقارام...

باراق ءيتتىڭ باسىنداي

كەلىسەر مە، شاش ساعان.

و دۇنيەدەن ءۇمىت جوق،

بەزىپ قۇداي، پاتشادان.

از كۇندە جەر جاستانام،

بۇل دۇنيەدەن ءۇمىت جوق.

ەلگە، جۇرتقا جاقسى ادام

بولا المادىڭ، شىراعىم،

تىلىمدى الماي قاقساعان.

ساقالىمنىڭ اعىندا،

ولەرىمنىڭ شاعىندا،

باستادىڭ نەگە، جاساعان!

مالىڭدى باعىپ جاي جۇرسەڭ،

دەدىڭ بە، شىركىن، اش قالام.

بالاسى

− قويساڭشى، اكە - اۋ، نە بولدى ;

بۇل ءبىر ءىسىم باستاعان.

ەل قورعانى بىزدەرمىز،

ەلدى مەن دە تاستانام.

ەندى مەن مال شاشام با،

بۇل كۇنگە شەيىن شاشپاعان.

اعايىن مەنەن قاشا ما،

بۇل كۇنگە شەيىن قاشپاعان.

وزىمە وقۋ وقىتادى،

قارا تانىپ، حات جازام،

الەۋمەتتىڭ ۇلى بوپ

اۋىلدى باعام، باسقارام.

اكەسى

− جارايدى، جارايدى،

جاقسى، بالام...

مەليسەي بولساڭ مەيلىڭ،

كەتە كورمە الىسقا.

ايلىق اقشا اپ تۇرساڭ،

ۇرىنباسسىڭ، شىراعىم،

بورىش پەنەن قارىشقا.

اۋىلعا قاراي ايقايلاپ،

سالا كورمە، شىراعىم،

شالقارلارداي شابىسقا.

شوشىپ قالعان ەل ەدى،

اقىرما اۋىل بايعۇسقا.

تاۋىر ەكەن تاپانشاڭ،

توت باستىرما، باپ ۇستا.

تۇسى سۋىق نەمە ەكەن،

بەرى قاراتپا، ارى ۇستا.

انا جىلعى ايتىستان

زارازاپپىن، زارەم جوق،

تارس - تارس تاپانشا.

«ال ۇستا دا، ال ۇستا!»

مالدا، جاندا بيلىك جوق.

قاشتىق قورقىپ قامىسقا.

سونان شوشىپ قالىپپىن.

بەرىك جەرگە تىعىپ قوي،

اۋلاعىراق، الىسقا.

كەزىندە تاۋىپ الارسىڭ،

كەلىنگە بەرشى، شىراعىم

سالا سالسىن تالىسقا!

1922 جىل.


پىكىرلەر:


پىكىرلەر:
قانشا بولادى؟
98 + 1 = ?