كومپيۋتەر نۇسقاسى Компйутер нұсқасы

قولايلى بەت | بۇگىنگى | كەشەگى | جالپى مالىمەت

ەل-ارناعا تىزىمدەلىڭىزدەر ...
قازاقتىڭ 1001 ەرتەگىسى
СанақКелген (IP)Көрілген (PWs)КомпйутерҚолфон
2019-10-151347355232 %68 %
2019-10-161489390735 %65 %
2019-10-177111624 %76 %

::::يلياس جانسۋگۋروۆ. ولەندەر جيناگى. (1921-1924) ::ولەڭدەر جيناعى. ءىى

كىتاپحاناعا قايتۋ

ولەڭدەر جيناعى. ءىى ->جالپى جاسقا
اپتورى: ءىلياس جانسۇگىروۆولەڭدەر
ولەڭدەر جيناعى. ءىى - كورىلىم: (942)


جالپى جاسقا

ايەل، ەركەك، جالپى جاس!

كوتەرىل، كورىن، كوزىڭدى اش!

جاڭبىرلى جازعى جاپىراقتاي،

كوركەي، كوگەر، گۇلىڭ شاش!

بارشالارىڭ باۋىر جاس،

باستاس ءبارىڭ باۋىرلاس.

يىقتاسىپ تەڭەلىپ،

قامدان، جاتپا، قاۋىمداس.

ويان، ويلان،ۇرانداس!

قاتارلاس، تەڭەل، قۇرال جاس!

قۇلقىنى جامان قۇزعىندار

قۇرالساڭدار - تۇرا الماس!

وقى، ورتالاس، ۇيىمداس!

بىرلىك، بىرلەس، جيىل، جاس!

جيىلاتىن كۇن جەتتى

قايتىپ ۇيقىڭ قيىلماس.

توپتان،تۇتاس، تۋعاندا!

جاساسىن ەركىڭ! جوعالماس.

جامىراس، ۇلەس، جالپى جاس،

قوسىل، قوزعال، قوعامداس!

1921 جىل.

* * *

قويۋ قارا بۇلت اسپان،

قالىڭ بۇلتتىڭ، الاسى جوق.

قۇيادى جاۋىن جەل شاشقان

كۇندىز - ءتۇنى تولاسى جوق.

كەزەك - كەزەك قار، جاڭبىر،

قىستىڭ كۇنى - قوس قىرسىق.

كىسى ولگەندەي شۋلاپ قىر،

جىندانىپ تۇر جەل ۇرسىپ.

1921 جىل.


پىكىرلەر:


پىكىرلەر:
قانشا بولادى؟
98 + 1 = ?