Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Хоккей: «Барыс» «Витязь» клубынан басым түсті



Нұрәлем Facebook-ке Жазыл Тәңіртау YouTube-ке Жазыл Қазақтың 1001 Ертегісі (PDF)

Түрі: Ұлыт торабы

Жолданған уақыты: 03:20 - 2021/01/24

Нақты Көзі: http://ult.kz/post/khokkey-barys-vityaz-klubynan-basym-tusti


Құрлықтық хоккей лигасы аясында елордалық «Барыс» бүгін, 23 қаңтарда cырт айдында Ресейдің «Витязь» (Подольск) командасымен кездесті, деп хабарлайды "Ұлт ақпарат".

Екі команда турнир кестесінде қатарлас келеді. Сондықтан ойын тартысты болатыны анық еді. Кездесу барысында «Витязь» командасының белсенділігі айқын аңғарылып тұрды. 

Алғашқы голды ресейлік хоккейші Александр Сёмин 6-минутта соғып кетті. Одан кейін «Барыс» хоккейшісі Линус Виделль 8-минутта таразы басын теңестірді. Ал 13-минутта Джастин Дэнфорт «Витязь» командасын қайтадан алға шығарды. 

Екінші кезеңде «Барыс» сапынан Валерий Орехов 24, Даррен Диц 25-минутта гол соғып кетті. Ресейлік клуб хоккейшісі Джастин Дэнфорт 29-минутта қайтадан таразы басын теңестірді. 

Ойынның 57-минутында ресейлік Захар Бардаков «Витязь» клубын алға шығарса, 59-минутта елордалық Никита Михайлис таразы басын теңестірді. Негізгі кезең 4:4 есебімен аяқталып, ойын овертаймға ұласты. Овертаймда «Барыс» хоккейшісі Джесси Блэкер жеңіс шайбасын соғып кетті. Осылайша елордалық клуб қарсыласын 5:4 есебімен тізе бүктірді. 

Айта кетейік, «Барыс» бүгінгі қарсыласын жеті ойын қатарынан жеңіп келеді. Соңғы рет «Витязь» қазақстандық клубты 2016 жылдың 2 желтоқсанында Подольскіде овертаймда 4:2 есебімен тізе бүктірген еді. Нәтижесінде «Барыс» аталған қарсыласынан қатарынан сегізінші мәрте басым түсіп отыр. 

«Барыс» енді 26 қаңтарда елордада Реесйдің «Трактор» (Челябинск) командасын қабылдайды. 

Нақты қайнары: http://www.elarna.net/koru_kk.php?tur=53&id=1340879
Пікірлер

Көрші сілтемелер