Еларна қолфон нұсқасына ену

Жүктеу-Албомым-Албомдар-Желі
Осы торды сақтаймын! | Осы торды бас бет етемін!

Біздің байланыс: elarna2012@gmail.com


Сүйінбай музейіндегі саз аспаптары өнер тарихынан сыр шертеді



Тіркеліңіздер Кітапхана Қожалар торабы Албомдар Қазақтың 1001 ертегісі

Түрі: Егемен торы

Жолданған уақыты: 09:06 - 2020/09/22

Нақты Көзі: https://egemen.kz/article/249559-suyinbay-muzeyindegi-saz-aspaptary-oner-tarikhynan-syr-shertedi


 

Ромб пішіндес аспапты тұтас ағаштан асқан шеберлікпен шауып жасағаны анық байқалады. Қызыл-­ қоңыр түсті домбыраның шанағы қоңыр түсті оюмен көмкерілген екен. Өкінішке қарай, ұзындығы 70 см болатын саз аспабына бар өнерін салған ағаш шеберінің аты-жөнін анықтау мүмкін болмапты.

Жалпы, Жамбыл жырауға пір болған Сүйінбай ақынның мұ­ражай-үйінде көне заманнан сыр шертетін жәдігер көп-ақ. Мысалы, халық ақыны Әбдіғали Сариевтің жеке домбырасы да – осы музейдің көркін келтіріп тұрған жәдігердің бірі. Бұл аспапты да ақынның қызы Шайымқан Сариева 1996 жы­лы сыйға тартқан екен. ХХ ға­сыр­дың басындағы қазақтың мәдени өмірінің куәсіндей болып тұрған қызыл-қоңыр түсті дом­быраның өлшемі 80х25 см шама­сында. Жәдігердің ұзақ жыл бойы­на қолдан түспей, ән мен жыр­ға арқау болғаны оның түсінің оңып, шанағының сырылғанынан аңғарылады.

– Сүйінбай атамыздың айтыс өнеріндегі ең таңдаулы дүниесі қазақ-қырғыз достығын жырлап, бүгінге қалпын бұзбай жеткен «Сүйінбай мен Қатағанның айтысы» екендігі анық. Сол айтыста Сүйінбай ақын домбыраны серік етсе, Қатаған қырғыздың ұлттық аспабы қомызды қолына алады. Өткен күндердің белгісі ретінде Сүйінбай Аронұлының әдеби-ескерткіш музейінде қырғыз халқының шертпелі музыкалық аспабын сақтауды парыз санадық. Қазір бізге қымбат жәдігерлер арасында 1996 жылы музей қо­рына алынған сары түсті көне комыз бар. Қырғыз халқының ұлттық аспабы тұтас ағаштан ойып жасалған екен, үш ішегі бар, пернелері жоқ. ІХ-Х ғасырдың мәдени мұрасы саналатын жәдігердің өлшемі 120х25 см. Аспап жақсы сақталған, ша­на­ғы, мойны зақымданбаған. Музей қызметкерлері барлық жәді­герді көздің қарашығындай сақтап, келер ұрпаққа көзайым ретінде ұсынуды парыз санайды, – дейді Сүйінбай Аронұлы әдеби-мемориалды музейінің директоры Мұрат Мұқашұлы.

 

Алматы облысы

 

Нақты қайнары: http://www.elarna.net/koru_kk.php?tur=4&id=1264983
Пікірлер

Көрші сілтемелер